தற்போதைய செய்திகள்

அம்மா பிறந்த நாளில் பிறக்கும் குழந்தைகளுக்கு தங்கமோதிரம் பரிசு : அமைச்சர் உடுமலை கே.ராதாகிருஷ்ணன் – எம்.எஸ்.எம்.ஆனந்தன் அறிவிப்பு…

திருப்பூர்

புரட்சித்தலைவி அம்மா பிறந்தநாளில் திருப்பூர் அரசு மருத்துவமனையில் பிறக்கும் குழந்தைகளுக்கு தங்க மோதிரம் பரிசு வழங்கப்படும் என்று அமைச்சர் உடுமலை கே.ராதாகிருஷ்ணன், முன்னாள் அமைச்சர் எம்.எஸ்.எம்.ஆனந்தன் ஆகியோர் அறிவித்துள்ளனர்.

திருப்பூர் மாநகர் மாவட்டத்தில் புரட்சித்தலைவி அம்மா அவர்களின் பிறந்தநாளை சிறப்பாக கொண்டாடுவது குறித்த ஆலோசனை கூட்டம், கழக அலுவலகத்தில் நடந்தது. இந்த கூட்டத்தில் புறநகர் மாவட்ட கழக செயலாளரும், கால்நடைத்துறை அமைச்சருமான உடுமலை கே.ராதாகிருஷ்ணன், திருப்பூர் மாநகர் மாவட்ட கழக செயலாளரும், முன்னாள் அமைச்சருமான எம்.எஸ்.எம்.ஆனந்தன், திருப்பூர் தெற்கு எம்.எல்.ஏ., சு.குணசேகரன், திருப்பூர் வடக்கு எம்.எல்.ஏ., கே.என்.விஜயகுமார், பல்லடம் எம்.எல்.ஏ., கரைப்புதூர் நடராஜன் ஆகியோர் சிறப்புரையாற்றினார்கள்.

இந்த கூட்டத்தில் அமைச்சர் உடுமலை கே.ராதாகிருஷ்ணன் பேசியதாவது:-

திருப்பூர் மாவட்டத்தில் புரட்சித்தலைவி அம்மா அவர்களின் பிறந்தநாளை நல உதவிகள் வழங்கி கிளைகள் தோறும் சிறப்பாக கொண்டாட வேண்டும். திருப்பூர் மாவட்டத்தில் 5 நாடாளுமன்ற தொகுதிகள் உள்ளன. அந்த ஐந்திலுமே நாம் அதிக வாக்குகளை பெற்று கழகம் வெற்றி பெற திருப்பூர் மாவட்டம் தான் காரணம் என்ற நிலையை உருவாக்க வேண்டும். நாம் அனைவரும் இணைந்து பணியாற்றி சிறப்பான வெற்றியை பெற வேண்டும். நம்முடைய பகுதிகளில் உள்ள மக்களுக்கு தேவையான அடிப்படை வசதிகளை உருவாக்கி தர வேண்டும். கழகம் வெற்றி பெற ஒற்றுமையாக உழைக்க வேண்டும்.
இவ்வாறு அமைச்சர் உடுமலை கே.ராதாகிருஷ்ணன் பேசினார்.

திருப்பூர் மாநகர் மாவட்ட கழக செயலாளரும், முன்னாள் அமைச்சருமான எம்.எஸ்.எம்.ஆனந்தன் பேசியதாவது:-
புரட்சித்தலைவி அம்மா பிறந்தநாள் விழா என்றாலே அவர் இருக்கும் போதும், இல்லாத போதும், ஏழை, எளிய மக்களுக்கு நல உதவிகளை வழங்கி கொண்டாடி வருகிறோம். அந்த வகையில், இந்த ஆண்டு அம்மா அவர்கள் பிறந்தநாளை சிறப்பாக கொண்டாட வேண்டும், மிக எழுச்சியுடன் அம்மா அவர்களின் பிறந்தநாளன்று திருப்பூர் டவுன்ஹாலில் காலை முதல் மாலை வரை தொடர் அன்னதானம் நடைபெறும்.

திருப்பூர் அரசு மருத்துவமனையில் பிறக்கும் அனைத்து குழந்தைகளுக்கும் தங்க மோதிரம் வழங்கப்படும். 25-ந்தேதி வேலம்பாளையத்தில் நடைபெறும் பொதுக்கூட்டத்தில் கல்வி அமைச்சர் கே.ஏ.செங்கோட்டையன் கலந்து கொண்டு பேசுகிறார். 7100 பேருக்கு நல உதவிகள் வழங்கப்படுகிறது. இத்துடன் நாடாளுமன்ற தேர்தலிலும் அதிக வாக்குகள் பெற தேவையான வகையில் சிறப்பாக உழைக்க வேண்டும். இவ்வாறு முன்னாள் அமைச்சர் எம்.எஸ்.எம்.ஆனந்தன் பேசினார்.

திருப்பூர் தெற்கு எம்.எல்.ஏ., சு.குணசேகரன் பேசியதாவது:-

புரட்சித்தலைவி அம்மா அவர்களின் பிறந்தநாள் ஒவ்வொரு கிளைகள், வார்டுகளில் சிறப்பாக கொண்டாட ஏற்பாடு செய்யப்பட்டுள்ளது. அனைத்து மக்களும் பயன்பெறும் வண்ணம் நலத்திட்ட உதவிகள் ஒவ்வொரு குடும்பத்துக்கும் செல்லும் வண்ணம் இந்த பிறந்த நாளை கொண்டாடி, மக்களிடம் பேரெழுச்சியை உருவாக்கிட வேண்டும். அதன் மூலம் நாடாளுமன்ற தேர்தலில் அதிக வாக்குகள் பெற வேண்டும். இவ்வாறு திருப்பூர் தெற்கு எம்.எல்.ஏ., சு.குணசேகரன் பேசினார்.

திருப்பூர் வடக்கு எம்.எல்.ஏ., கே.என்.விஜயகுமார் பேசியதாவது:-

திருப்பூர் வடக்கு தொகுதி எப்போதும் புரட்சித்தலைவி அம்மா அவர்களின் கோட்டையாகும். நாடாளுமன்ற தேர்தலிலும் அதிக வாக்குகளை பெற்று சிறப்பானதொரு வெற்றியை நாடாளுமன்றத்தில் பெற அயராது பாடுபடுவோம். திருப்பூர் வடக்கு தொகுதி மக்களின் வாக்குகளை பெறுவதில் முன்னிலையில் இருக்கும். இவ்வாறு திருப்பூர் வடக்கு எம்.எல்.ஏ., கே.என்.விஜயகுமார் பேசினார்.

பல்லடம் எம்.எல்.ஏ., கரைப்புதூர் நடராஜன் பேசியதாவது:-

மக்களின் மனதில் நீக்கமற நிறைந்திருக்கும் அம்மா அவர்கள் பிறந்தநாள் ஏழை,எளியோருக்கு ஒரு பொன்னாள். இந்த நாளில் ஏழை, எளிய மக்களுக்கு பல நலத்திட்ட உதவிகளை நாம் வழங்கி வருகிறோம். அதனடிப்படையில், பல்லடம் தொகுதியில் அம்மா அவர்களின் பிறந்த நாளையட்டி, அன்னதானம், நோட்டு புத்தகங்கள் வழங்குதல், உள்பட ஏழை, எளிய மக்களுக்கு கிடைப்பதற்கு அரிய பொருட்களை வழங்கி புரட்சித்தலைவி அம்மா அவர்களின் பெயரை நிலை நிறுத்துவோம்.

இவ்வாறு பல்லடம் எம்.எல்.ஏ., கரைப்புதூர் நடராஜன் பேசினார்.

இந்த கூட்டத்தில் மாநில இளைஞர் அணி செயலாளர் அமுல் கந்தசாமி, மாவட்ட கழக துணை செயலாளர் சண்முகம், முன்னாள் மண்டல தலைவர்கள். ஜெ.ஆர்.ஜான், ராதாகிருஷ்ணன், யு.எஸ்.பழனிசாமி, முன்னாள் எம்.பி., தியாகராஜன், கண்ணப்பன், அன்பக்கம் திருப்பதி, மார்க்கெட் சக்திவேல், கே.என்.சுப்பிரமணியம், தம்பி மனோகரன், புத்தரச்சல் பாபு, கே.என்.சுப்பிரமணியம், யு.எஸ்.பழனிசாமி, பி.கே.முத்து, அன்னூர் சவுகத் அலி, அவிநாசி ஆனந்தன், தண்ணீர் பந்தல் நடராஜன், ஒன்றிய கழக செயலாளர்கள் சேவூர் வேலுசாமி, மு.சுப்பிரமணி, சிவாச்சலம், பரமசிவம், அவிநாசி ராமசாமி, சரளை ரத்தினசாமி, பகுதி கழக செயலாளர்கள் கருணாகரன், கருவம்பாளையம் மணி, ஏ.எஸ்.கண்ணன், பட்டுலிங்கம், டெக்ஸ்வெல்முத்துசாமி, கலைமகள் கோபால்சாமி, கீதா, தர்மலிங்கம், சிட்டி பழனிசாமி, கோட்டா பாலு, வி.கே.பி.மனி, பூண்டி பழனிசாமி, சடையப்பன், சொக்கப்பன், பாலசுப்பிரமணியம், கண்ணபிரான், நீதிராஜன், பரமராஜன், ஷாஜகான் உள்பட பலர் கலந்து ெகாண்டனர்.