உலகச்செய்திகள்

கென்யாவில் ஹெலிகாப்டர் விழுந்து நொறுங்கியதில் 5 பேர் பலி…

நைரோபி

கென்யாவின் வடமேற்கு பகுதியில் உள்ள துர்கானா ஏரியின் நடுவில் சிறிய தீவு ஒன்று அமைந்துள்ளது. இந்த தீவில் தேசிய பூங்கா உள்ளது. இந்த பூங்காவை சுற்றிப்பார்ப்பதற்காக ஏராளமான சுற்றுலாப் பயணிகள் வந்து செல்கிறார்கள். ஹெலிகாப்டர்கள் மூலமாக சுற்றுலாப் பயணிகள் பூங்காவுக்கு அழைத்து வரப்படுகிறார்கள்.

இந்நிலையில், நேற்று முன்தினம் சுற்றுலா பயணிகளை ஏற்றிக்கொண்டு 2 ஹெலிகாப்டர்கள் தேசிய பூங்காவிற்கு வந்தன. அவற்றில் ஒரு ஹெலிகாப்டர் தரையிறங்கும்போது, எதிர்பாராதவிதமாக தரையில் விழுந்து நொறுங்கியது.

இந்த கோர விபத்தில் கென்யாவைச் சேர்ந்த விமானியும், அமெரிக்காவைச் சேர்ந்த சுற்றுலா பயணிகள் 4 பேரும் சம்பவ இடத்திலேயே உயிரிழந்தனர். விபத்துக்கான காரணம் என்ன என்பது தெரியவில்லை. இது குறித்து விசாரிக்கப்பட்டு வருகிறது.