தற்போதைய செய்திகள்

உள்ளாட்சி தேர்தலில் கழகம் 100 சதவீதம் வெற்றி பெறும் – அமைச்சர் கடம்பூர் செ.ராஜூ நம்பிக்கை

தூத்துக்குடி

உள்ளாட்சித் தேர்தலில் கழகம் 100 சதவீதம் வெற்றி பெறும் என்று அமைச்சர் கடம்பூர் செ.ராஜூ நம்பிக்கை தெரிவித்துள்ளார்.

நடைபெற உள்ள உள்ளாட்சி தேர்தலில் கழகத்தினர், கூட்டணி கட்சி நிர்வாகிகளுடன் கலந்து ஆலோசனை செய்து கழகம் 100 சதவீத வெற்றியை பெறுவதற்கு ஒவ்வொரு மாவட்ட செயலாளர்கள் மற்றும் அமைச்சர்கள் இணைந்து பணியாற்றிட வேண்டும் என்று முதல்வர் எடப்பாடி கே.பழனிசாமி, துணை முதல்வர் ஓ.பன்னீர்செல்வம் ஆகியோர் ஆணையிட்டிருந்தனர். அதன்படி தூத்துக்குடி மாவட்டம் கோவில்பட்டி பைபாஸ் அருகில் அமைந்துள்ள கழக தேர்தல் காரியத்தில் கழக நிர்வாகிககள், கழக கூட்டணி கட்சி நிர்வாகிகளுடன் ஆலோசனைக் கூட்டம் நடைபெற்றது.

இக்கூட்டத்திற்கு தூத்துக்குடி வடக்கு மாவட்ட செயலாளரும், செய்தி மற்றும் விளம்பரத்துறை அமைச்சருமான கடம்பூர் செ.ராஜூ தலைமை தாங்கி பேசுகையில், உள்ளாட்சித்தேர்தலில் கழகம் 100 சதவீதம் வெற்றி பெறும். தூத்துக்குடி மாவட்டத்தில் கழக கூட்டணி 100 சதவீத வெற்றியை பெற்று அந்த வெற்றிக்கனியை புரட்சித்தலைவி அம்மாவின் பொற்கரங்களில் சமர்ப்பிக்க கழகத்தினரும், கூட்டணி கட்சியினரும் சிறப்பாக பணியாற்ற வேண்டும் என்று கேட்டுக் கொண்டார்.

இந்த கூட்டத்தில் விளாத்திக்குளம் தொகுதி சட்டமன்ற உறுப்பினர் சின்னப்பன், மாவட்ட அறங்காவலர் குழு தலைவர் மோகன், மாவட்ட முன்னாள் கவுன்சிலர் திருப்பாற்கடல், தூத்துக்குடி. வடக்கு மாவட்ட த.மா.கா தலைவர். கதிர்வேல், பா.ம.க. மாநில துணை பொதுச்செயலாளர் ராமச்சந்திரன், தே.மு.தி.க மாவட்ட செயலாளர் வழக்கறிஞர் அழகர்சாமி, நடிகர் கார்த்திக் கட்சியின். பொதுச் செயலாளர் கிருஷ்ணமூர்த்தி, மாவட்ட செயலாளர் வெயில் முத்துப்பாண்டி, கழக மாவட்ட விவசாய அணி இணைச் செயலாளர் ராமச்சந்திரன், மாவட்ட ஆவின் பால் இயக்குனர் நீலகண்டன், முன்னாள் கவுன்சிலர் பாலமுருகன் உட்பட கழக நிர்வாகிகள், கூட்டணி கட்சி நிர்வாகிகள் கலந்து கொண்டனர்.