இந்தியா மற்றவை

மகாராஷ்டிரா சட்டசபை தேர்தலில் பா.ஜ.க. கூட்டணி வெற்றி பெறும் – மத்திய அமைச்சர் நிதின் கட்காரி பேட்டி.

மும்பை

மகாராஷ்டிரா சட்டசபை தேர்தலில் பா.ஜ.க. கூட்டணி வெற்றி பெறும் என்று மத்திய அமைச்சர் நிதின் கட்காரி கூறினார்.
மகாராஷ்டிர மாநிலத்தில் சட்டமன்றத் தேர்தலுக்கான வாக்குப்பதிவு நடைபெற்றது. இந்த தேர்தலில் பாரதிய ஜனதா- சிவசேனா கட்சிகள் கூட்டணி அமைத்து போட்டியிடுகின்றன. காங்கிரஸ்-தேசியவாத காங்கிரஸ் கூட்டணி மற்றொரு அணியாக போட்டியிடுகிறது.

நாக்பூரில் உள்ள வாக்குச்சாவடியில் மத்திய அமைச்சர் நிதின் கட்காரி தனது வாக்கை பதிவு செய்தார். பின்னர் அவர் செய்தியாளர்களிடம் கூறியதாவது:-

மகாராஷ்டிர மாநிலத்தில் மீண்டும் பாஜக கூட்டணி அமோக வெற்றி பெற்று ஆட்சியமைக்கும்.இந்த தேர்தலில் பாஜக-சிவசேனா கூட்டணி சாதனை வெற்றியை பதிவு செய்யும். பட்னாவிஸ் மீண்டும் முதல்வராக பதவியேற்பார். மக்கள் தவறாமல் தங்கள் வாக்குகளை பதிவு செய்து, ஜனநாயகத்தை வலுப்படுத்த வேண்டும். மேலும் நோட்டாவுக்கு ஓட்டு போடுவது ஜனநாயகத்தில் ஒரு நல்ல வழி இல்லை.

இவ்வாறு மத்திய அமைச்சர் நிதின் கட்காரி கூறினார்.