சிறப்பு செய்திகள்

10-ம் வகுப்பு பொதுத்தேர்வுகள் தள்ளிவைப்பு – சட்டப்பேரவையில் முதலமைச்சர் அறிவிப்பு

சென்னை

முதலமைச்சர் எடப்பாடி கே.பழனிசாமி  சட்டப்பேரவையில், 10-ம் வகுப்பு பொதுத் தேர்வுகளை தள்ளி வைப்பது குறித்து ஆற்றிய உரை வருமாறு:-

பத்தாம் வகுப்பு பொதுத் தேர்வினை தள்ளி வைப்பது குறித்து, கொரோனா வைரஸ் நோய் தொற்றினை தடுக்கும் முன்னெச்சரிக்கை நடவடிக்கைகளின் தொடர்ச்சியாக, பத்தாம் வகுப்பு பொதுத் தேர்வு எழுதும் 9 லட்சத்து 45 ஆயிரம் மாணவர்களின் நலன் கருதி, தமிழ்நாடு மற்றும் புதுச்சேரியில் 27.3.2020 முதல் 13.4.2020 வரை நடைபெறுவதாக இருந்த 10-ம் வகுப்பு பொதுத் தேர்வுகள் தள்ளி வைக்கப்படும். இத்தேர்வுகள் தமிழ் புத்தாண்டு தினத்திற்கு பிறகு, அதாவது 15.4.2020 அன்று தொடங்கும் என்பதை தெரிவித்துக் கொள்கிறேன்.

11 மற்றும் 12-ம் வகுப்பு பொதுத் தேர்வுகள் தற்போது நடைபெற்று வருகின்றன. 11-ம் வகுப்பிற்கு 23.3.2020 மற்றும் 26.3.2020 நடைபெற உள்ள பொதுத் தேர்வுகளும், 12-ம் வகுப்பிற்கு 24.3.2020 நடைபெற உள்ள பொதுத் தேர்வுகளும் திட்டமிட்டபடி நடைபெறும் என்பதை இப்பேரவைக்கு தெரிவித்துக் கொள்கிறேன்.

இவ்வாறு முதலமைச்சர் எடப்பாடி கே.பழனிசாமி பேசினார்.