தமிழகம்

தமிழகத்தில் 11,12ம் வகுப்பு பொதுத்தேர்வு அரைமணி நேரம் தாமதமாகத் துவங்கும் – அரசுத்தேர்வுகள் துறை இயக்ககம் அறிவிப்பு

சென்னை:-

தமிழகத்தில் 11, 12-ம் வகுப்பு பொதுத்தேர்வுகள் அரைமணி நேரம் தாமதமாகத் துவங்கும் என்று அரசுத்தேர்வுகள் துறை இயக்ககம் தெரிவித்துள்ளது.

இதுதொடர்பாக அரசுத்தேர்வுகள் துறை இயக்குநர் மாநிலத்தில் உள்ள அனைத்து முதன்மைக் கல்வி அலுவலர்களுக்கும் அனுப்பியுள்ள சுற்றறிக்கையில் தெரிவிக்கப்பட்டுள்ளதாவது.

தமிழகத்தில் 11 மற்றும் 12-ம் வகுப்பு பொதுத்தேர்வுகள் அரைமணி நேரம் தாமதமாகத் துவங்கும்.அதன்படி காலை 10 மணிக்குப் பதிலாக 10.30 மணிக்குத் தேர்வுகள் துவங்கி மதியம் 01.45 மணிக்கு தேர்வுகள் முடிவடையும்.மாணவர்கள் வினாத்தாளை வாசிப்பதற்கு 10.30 முதல் 10.40 வரை நேரம் வழங்கப்படும். அதேபோல் மாற்றுத் திறனாளி மாணவர்களுக்கு மதியம் .2.45 மணி வரை நேரம் வழங்கப்பட வேண்டும். மாணவர்கள் தேர்வு மையத்திற்குச் செல்ல போக்குவரத்து வசதி கோரினால் செய்து தரப்பட வேண்டும்.

இவ்வாறு அந்த அறிக்கையில் தெரிவிக்கப்பட்டுள்ளது.