கிருஷ்ணகிரி

தேன்கனிக்கோட்டை அருகே 24 நாட்டுத் துப்பாக்கி பறிமுதல்…

கிருஷ்ணகிரி:-

கிருஷ்ணகிரி மாவட்டத்தில் புதர்ப் பகுதியில் கேட்பாரற்றுக் கிடந்த 24 நாட்டுத் துப்பாக்கிகளை போலீசார் பறிமுதல் செய்துள்ளனர். ஒரே மாதத்தில் 100க்கும் மேற்பட்ட துப்பாக்கிகள் அதே பகுதியில் சிக்கியுள்ளன.

கிருஷ்ணகிரி மாவட்டத்தில் ஒரு லட்சத்து 41 ஆயிரத்து 622 ஹெக்டேர் வனப்பகுதி உள்ளது. மற்ற இடங்களை விடவும் வனவிலங்குகள் நடமாட்டம் அதிகம் உள்ள பகுதிகள் இந்த மாவட்டத்தில் உள்ளன.

குறிப்பாக தேன்கனிக் கோட்டை, ஜவளகிரி, சானமாவு அஞ்செட்டி, தளி உள்ளிட்ட பகுதிகளில் யானைகள் நடமாட்டம் அதிகம் காணப்படுகின்றன. இவை தவிர ஏராளமான வன உயிரினங்கள் இந்த மாவட்டத்தில் இருப்பது சிறப்பம்சம். இந்நிலையில் வனப்பகுதியை ஒட்டி உள்ள கிராமங்களில் வனவிலங்குளை வேட்டையாடுவதற்காக நாட்டுத் துப்பாக்கிகளை ஏராளமானோர் வைத்திருப்பதாக குற்றச்சாட்டு எழுந்தது.

புழக்கம் அதிகம் காணப்படுகிறது. இதையடுத்து நாட்டுத்துப்பாக்கிகளை பயன்படுத்துபவர்கள் காவல்துறையினரிடம் ஒப்படைக்க வேண்டுமென போலீசார் தண்டோரா மூலமாக அறிவிப்பு செய்திருந்தனர்.இதன் எதிரொலியாக ஒருசிலர் தாங்களாகவே துப்பாக்கிகளை ஒப்படைத் நிலையில் தேன்கனிக்கோட்டை காவல்நிலையத்திற்க்குட்பட்ட பகுதியில் கடந்த வாரம் 18 நாட்டுத் துப்பாக்கிகள் கண்டெடுக்கப்பட்டன. இந்த பரபரப்பு அடங்குவதற்குள் திப்பச்சந்திரம் என்னுமிடத்தில் நேற்று கேட்பாரற்று கிடந்த 24 கள்ள நாட்டுத்துப்பாக்கிகளையும் போலீசார் கண்டெடுத்துள்ளனர்.

இந்நிலையில் இதன் பின்னரும் நாட்டுத் துப்பாக்கி வைத்திருப்பவர்கள் போலிசில் ஒப்படைக்கலாம் அதற்காக வழக்கு பதிவு செய்யப்படாது எனவும் காவல்துறையினர் அறிவுறுத்தி உள்ளனர். தேன்கனிக்கோட்டை, அஞ்செட்டி, தளி ஆகிய மூன்று காவல் நிலையங்களுக்குட்பட்ட பகுதிகளில் மட்டும் இதுவரை 100 கள்ள நாட்டுத்துப்பாக்கிகள் வரை கண்டெடுக்கப்பட்டுள்ளன என்பது என்பது குறிப்பிடத்தக்கது.

வனப்பகுதியை ஒட்டியுள்ள கிராமங்களில் வனத்துறையினரும், போலீசாரும் இணைந்து தேடுதல் வேட்டை நடத்தினால் மேலும் பல கள்ளத் துப்பாக்கிகளை பறிமுதல் செய்யலாம் என்றும், இதன் மூலம் வனவிலங்குகள் வேட்டையாடுவது தடுக்கப்படும் என்றும், சமூக விரோத செயல்கள் கட்டுப்படுத்தப்படும் என்றும் சமூக ஆர்வலர்கள் கருத்துத் தெரிவித்துள்ளனர்.