சிறப்பு செய்திகள்

எம்.பி.,எம்.எல்.ஏ-க்கள் ஒரு மாத ஊதியம்: ஒருங்கிணைப்பாளர்கள் அறிவிப்பு

கொரோனா வைரஸ் நிவாரண நடவடிக்கைகளுக்கு எம்பி.எம்.எல்.ஏக்கள் மார்ச் மாதத்திற்கான ஒருமாத ஊதியத்தை முதலமைச்சரின் பொது நிவாரணை நிதிக்கு நன்கொடையாக வழங்குவார்கள் என்று கழக ஒருங்கிணைப்பாளர் ஒ.பன்னீர்செல்வம்,இணை ஒருங்கிணைப்பாளர் எடப்பாடி கே.பழனிசாமி ஆகியோர் அறிவித்துள்ளார்கள்.
இது குறித்து அதிமுக தலைமை வெளியிட்டுள்ள அறிவிப்பு

முழு வீச்சில் கொரோனா வைரஸ் தடுப்பு நடவடிக்கை

தமிழகத்தில் கொரோனா வைரஸ் பரவாமல் தடுக்க தேவையான அனைத்து நடவடிக்கைகளையும் அம்மாவின் அரசு போர்க்கால அடிப்படையில் எடுத்துவரும் அதே நேரத்தில்,இந்த நோயால் பாதிக்கப்டும் நோயாளிகளுக்கு சிகிச்சை அளிப்பதற்கான கூடுதல் வசதிகளை அரசு மருத்துவமனைகளில் ஏற்படுத்திட தேவையான திட்டங்களையும்,பொதுமக்கள் நலன் கருதி கட்டுப்பாடுகளையும் விதித்து,முழு வீச்சில் செயல்படுத்தி வருகிறது.

ஏழை மக்களுக்கு நிவாரணம்

இதனால்,தினக் கூலிகள்,விவசாயக் கூலிகள்,ஆட்டோ ஒட்டுநர்கள்,டாக்ஸி ஒட்டுநர்கள்,கட்டுமான மற்றும் அமைப்புசார தொழிலாளர்கள்,நடைபாதை வியாபாரிகள்.முதியோர்கள் உள்ளிட்ட பொது மக்களின் வாழ்வாதாரம் பெரிதும் பாதிக்கப்படும் சூழ்நிலை ஏற்பட்டுள்ளது.ஏழை,எளி மக்களின் சிரமங்களை உணர்ந்து,அவர்களுக்கு தகுந்த நிவாரணம் வழங்க அம்மாவின் அரசு முடிவு செய்து,3,280 கோடி ரூபாய் மதிப்பிலான சிறப்பு நிவாரண உதவிகளை வழங்க 24.3.2020 அன்று ஆணையிட்டுள்ளது.
முதலமைச்சர் தமிழ்நாட்டிற்கு கொரோனா வைரஸ் சிறப்பு நிவாரண நடவடிக்கைகளுக்காக 4000 கோடி ரூபாய் வழங்க கேட்டு,25.3.2020 அன்று பாரத பிரதமருக்கு கடிதம் எழுதியுள்ளார்.

1 மாத ஊதியம்

கொரோனா வைரஸ் சிறப்பு நிவாரண நடவடிக்கைகளுக்காக,முதலமைச்சர்,துணை முதலமைச்சர்,அமைச்சர்கள்,அதிமுக நாடாளுடமன்ற உறுப்பினர்கள்,சட்டமன்ற உறுப்பினர்கள்,அவரவர் மார்ச் மாதத்திற்கான மாதாந்திர ஊதியத்தினை முதலமைச்சரின் பொது நிவாரண நிதிக்கு நன்கொடையாக வழங்குவார்கள்.மேலும்,அதிமுக நாடாளுமன்ற உறுப்பினர்கள் அவரவர் தொகுதி மேம்பாட்டு நிதியிலிருந்து 1 கோடி ரூபாயையும்,சட்டமன்ற உறுப்பினர்கள் அவரவர் தொகுதி மேம்பாட்டு நிதியிலிருந்து 25 லட்சம் ரூபாயையும்,கொரோனா வைரஸ் சிறப்பு நிவாரண நடவடிக்கைகளுக்காக ஒதுக்கீடு செய்வார்கள் என்பதை தெரிவித்துக்கொள்கிறோம்.
இவ்வாறு தெரிவிக்கப்பட்டுள்ளது.