சிறப்பு செய்திகள்

முதல்வருடன் பிரதமர் மோடி டெலிபோனில் பேச்சு : நிலைமைகளை கேட்டறிந்தார்

சென்னை,

தமிழக முதலமைச்சர் எடப்பாடி பழனிசாமியுடன் இன்று பிரதமர் மோடி தொலைபேசியில் பேசினார்.

பிரதமர் மோடி

பிரதமர் நரேந்திர மோடி இன்று (27 ந் தேதி) காலை 10 மணியளவில் தமிழ்நாடு முதலமைச்சர் எடப்பாடி பழனிசாமியை தொலைபேசியில் தொடர்புகொண்டு கொரோனா வைரஸ் தொற்று நோய் தடுப்புப் பணிகள் குறித்தும், இதுதொடர்பாக பல்வேறு துறைகள் மூலம் எடுக்கப்பட்டு வரும் நடவடிக்கைகள் குறித்தும் கேட்டார்.

விளக்கம்

இதற்கு முதலமைச்சர், தமிழ்நாட்டில் கொரோனா வைரஸ் தொற்று நோய் தொடர்பாக மாநில அரசு எடுத்து வரும் தொடர் நடவடிக்கைகளை பாரத பிரதமரிடம் விளக்கமாக எடுத்துரைத்தார்.

மேலும், பாரதபிரதமர் மக்கள் நலன் கருதி, 144 தடையுத்தரவினை கடுமையாக கடைபிடிக்க வேண்டும் என்றும், பொதுமக்கள் தங்களை தனிமைப்படுத்திக் கொள்வதை உறுதிசெய்ய வேண்டுமென்றும், மற்றும் பொதுமக்களுக்கு அத்தியாவசிய பொருட்கள் கிடைக்க நடவடிக்கை எடுக்க வேண்டுமென்றும் கேட்டுக்கொண்டார்.

தீவிர நடவடிக்கை

தமிழ்நாடு முதலமைச்சர் மேற்கூறிய அனைத்தும் முழுமையாக செயல்படுத்தப்பட்டு வருகிறது என்று தெரிவித்தார் என்று அரசு செய்தி குறிப்பில் கூறப்பட்டுள்ளது.தமிழ்நாட்டில் கொரோனா வைரஸ் நோய் தடுப்பு நடவடிக்கைகள் தீவிரமாக எடுக்கப்பட்டுள்ளன.முதலமைச்சர் எடப்பாடி பழனிசாமி தொடர்ந்து அமைச்சர்கள், அதிகாரிகளுடன் பல்வேறு ஆய்வு கூட்டங்களை நடத்தினார்.