தற்போதைய செய்திகள்

எதிர்கால சந்ததியினரை வாழ வைக்கவே இந்த யுத்தம்: அமைச்சர் ஆர்.பி.உதயகுமார் உருக்கம்

சென்னை

பல்வேறு கஷ்டங்கள் வந்தாலும் எதிர்கால சந்ததியினரை வாழ வைக்கவே இந்த யுத்தத்தை நடத்தவேண்டியுள்ளது என்று அமைச்சர் உதயகுமார் உருக்கமுடன் தெரிவித்தார்.

சென்னை எழிலகத்தில் உள்ள கட்டுப்பாட்டு அறையில் அதிகாரிகளுடன் அமைச்சர்
ஆர்.பி.உதயகுமார் ஆலோசனை நடத்திய பின்னர் செய்தியாளர்களுக்கு பேட்டி
அளித்தார்

கொரோனா நோய் தடுப் நடவடிக்கைகளில் முதலமைச்சர் எடப்பாடி பழனிசாமிஉத்தரவின் பேரில் போர்க்கால அடிப்படையில் முழுவீச்சில் நடவடிக்கைகள்எடுக்கப்பட்டு வருகின்றன. அத்தியாவசிய பொருட்கள் தங்கு தடையின்றி கிடைக்க அனைத்து ஏற்பாடுகளும் செய்யப் பட்டுள்ளன.

சுய தனிமை

கொரோனா வைரஸ் நோயை தடுக்க சுய தனிமை மற்றும் சமூக இடைவெளி தான் ஒரே ஆயுதம். இது உலக நாடுகளில் நல்ல பலனை தந்துள்ளது. மருத்துவர்கள், செவிலியர்கள் மற்றும் காவல்துறையினர்தங்களது உயிரை பணையம் வைத்து பணியாற்றி வருவதை கருத்தில் கொண்டு மக்கள்நடந்துகொள்ள வேண்டும்.பல்வேறு கஷ்டங்கள் வந்த போதிலும் எதிர்கால சந்ததியினரை வாழ வைக்க இந்தயுத்தத்தை நடத்த வேண்டியுள்ளது.

இளைய சமுதாயத்தினர்

வெளியே வருபவர்களிடம் போலீசார் விசாரணை நடத்தினால் அதற்கு உரிய பதிலைசொல்ல வேண்டும். இளைய சமுதாயத்தினர் இதற்கு முன் உதாரணமாக இருக்க வேண்டும். கோட்டாட்சியர், சார் ஆட்சியர், துணை ஆட்சியர், வட்டாட்சியர், துணை வட்டாட்சியர், கிராம நிர்வாக அதிகாரிகள் என 30 ஆயிரம் பேர் களத்தில்மாவட்ட நிர்வாகத்திற்கு துணை நிற்கிறார்கள்.அத்தியாவசிய பொருட்கள்தட்டுப்பாடின்றி மக்களுக்கு கிடைக்க வேண்டும் என்பதில் முதலமைச்சர் உறுதியுடன் இருக்கிறார்.

பேரிடர்

இந்தியா உட்பட 198 நாடுகளில் பரவியுள்ள கோவிட்-19 என்கிற கொரோனா வைரல்  நோய் கட்டுப்படுத்தக்கூடிய ஒரு தொற்று நோயாக உலக சுகாதார நிறுவனம்அறிவித்துள்ளது. இதனைத் தொடர்ந்து, இந்தியாவில் கொரோனா வைரஸ் நோய் பரவிவருவதையும், உலக சுகாதார நிறுவனம் கொரோனா வைரஸ் நோயினை ஒரு தொற்று நோயாக
அறிவித்துள்ளதையும் கருத்தில் கொண்டு, மத்திய அரசு கொரோனா வைரஸ் நோயின்
தாக்கத்தை ஒரு பேரிடராக அறிவித்துள்ளது.

மருந்துகள் இருப்பு

மருத்துவமனைகளில், என்.95 முகக் கவசங்கள், வென்டிலேட்டர்கள், தற்காப்புமேலுறைகள், மருந்துகள், கிருமிநாசினிகள் போதுமான அளவு இருப்பில்வைக்கப்பட்டுள்ளன. வரும் மாதங்களில் பிரசவிக்க இருக்கும் கர்ப்பிணிப் பெண்களது விபரங்களை சேகரிக்கவும், அவர்களை தொடர்ந்து கண்காணிக்கவும், அவர்களது மகப்பேறுக்குதேவையான மருத்துவ வசதிகளை செய்து கொடுக்கவும் மாவட்ட நிர்வாகம் மூலம்நடவடிக்கை மேற்கொள்ளப் பட்டுள்ளது.உணவகங்களில் அமர்ந்து உணவு உண்ண அரசால்தடை விதிக்கப பட்டுள்ள நிலையில், பொதுமக்கள் உணவகங்களுக்கு வந்து உணவுவாங்கிச் செல்லும் வகையில், உணவகங்களை திறந்து வைக்க உணவகஉரிமையாளர்களுக்கு தக்க அறிவுரைகள் வழங்கப்பட்டுள்ளது. அத்தியாவசியப்பொருட்கள் விற்பனை செய்யப்படும் கடைகளில், பொதுமக்கள் கூட்டம் அதிகமாகஇல்லாமல் பார்த்துக் கொள்ளவும், கடைகளுக்கு வரும் பொதுமக்கள் வரிசையில்நிற்கவும், ஒவ்வொருவருக்கும் இடையில் 3 அடி இடைவெளி விட்டு நிற்கவும்நடவடிக்கை மேற்கொள்ளப்பட்டுள்ளது.

முதலமைச்சர் அறிவுரை

முதலமைச்சரின் அறிவுரையின் பேரில் வருவாய் மற்றும் பேரிடர் மேலாண்மைத்
துறையானது, மக்கள் நல்வாழ்வு மற்றும் குடும்ப நலத் துறை மற்றும் இதர
துறைகளை ஒருங்கிணைத்து, அனைத்து வகையான முன் எச்சரிக்கை நடவடிக்கைகளை
மேற்கொண்டு வருகிறது.

24 மணி நேர கண்காணிப்பு

மேலும், சென்னையில் உள்ள வருவாய் மற்றும் பேரிடர்மேலாண்மைத் துறையின் மாநில அவசர கட்டுப்பாட்டு மையமும், மாவட்டங்களில்உள்ள மாவட்ட அவசரக் கட்டுப்பாட்டு மையமும் கூடுதல் பணியாளர்களுடன் 24 மணிநேரமும் செயல்பட்டு வருகிறது. குறிப்பாக மாவட்ட அவசரக் கட்டுப்பாட்டுமையங்களில் சுகாதாரத் துறையினைச் சார்ந்த அலுவலர்களை 24 மணி நேரமும்
பணியமர்த்த அறிவுரைகள் வழங்கப்பட்டு நிலைமை தொடர்ந்து கண்காணிக்கப்பட்டு
வருகிறது.

முதலமைச்சரின் வழிகாட்டுதலின் படி, கொரோனா நோய்த் தடுப்புநடவடிக்கைகள் பெருமளவில் மேற்கொள்ளப்பட்டு வரும் நிலையில், பொதுமக்கள்தங்களைக் இக்கொடிய நோயின் தாக்கத்தில் இருந்து பாதுகாத்துக் கொள்ள அரசின்அறிவுரைகளை பின்பற்றுவதோடு, அரசு மேற்கொள்ளும் நோய்த் தடுப்பு நடவடிக்கைகளுக்கு ஒத்துழைப்பு நல்க வேண்டும்.

பாராட்டு

இந்த கொரோனாவை எதிர்த்து களத்தில் இறங்கி பணியாற்றி வரும் 30 ஆயிரம்
பணியாளர்களுக்கு எனது பாராட்டுக்களை தெரிவித்துக்கொள்கிறேன். சங்கிலித்
தொடரை அறுத்தெறிய அதிகாரிகளுக்கு பொதுமக்களின் முழு ஒத்துழைப்பும் தேவை
இவ்வாறு அமைச்சர் ஆர்.பி.உதயகுமார் தெரிவித்தார்.

இப்பேட்டியின் போது வருவாய்த்துறை கூடுதல் தலைமைச் செயலாளர் அதுல்ய
மிஸ்ரா, வருவாய் நிர்வாக ஆணையர் டாக்டர் ஜெ. ராதாகிருஷ்ணன், பேரிடர்
மேலாண்மை இயக்குனர் டி.ஜகந்நாதன் மற்றும் உயர் அலுவலர்கள் உடன்
இருந்தனர்.