தமிழகம்

நேபாள எல்லையில் 36 பேர் பத்திரமாக மீட்பு: முதல்வர்,துணை முதல்வர்,ரவீந்திரநாத் குமார் எம்.பி.க்கு நன்றி

சென்னை

சிக்கி தவிப்பு

உத்தரப்பிரதேச மாநிலம் சுனாலி பகுதிக்கு அருகில் இந்திய நேபாள எல்லையில் 36 பேர் சிக்கித் தவித்தனர். சென்னை ஆர்.கே நகர். கொருக்குப்பேட்டை பாரதி நகர் பகுதியை சேர்ந்தவர்கள் அனைவரும் 50 வயதுக்கு மேற்பட்டவர்கள்.
சென்னையிலிருந்து ஒரு குழுவாக வட மாநிலத்தில் யாத்திரை மேற்கொண்ட நிலையில் ,கொரோனா வைரஸ் தடை காரணமாக காந்தி சுனாலி பகுதியில் முடங்கி இருக்கும் நிலை ஏற்பட்டது.

தகவல்

இவர்களை பற்றிய தகவல் துணை முதலமைச்சர் ஓ.பன்னீர்செல்வம் ரவீந்திரநாத்குமார் எம்.பி. ஆகியோருக்கு தெரிவிக்கப்பட்டது. அவர்கள் இதுபற்றி மத்திய வெளியுறவு அமைச்சகத்துக்கு தகவல் தெரிவித்தார்கள். அதனைத் தொடர்ந்து, வெளியுறவு அமைச்சர் ஜெய்சங்கர் உத்தரவின்பேரில் நேபாளில் உள்ள அதிகாரிகளை தொடர்பு கொண்டு அனைவரையும் பத்திரமாக அழைத்து வர ஏற்பாடுகள் செய்தார்.

அழைத்துவர ஏற்பாடு

பத்திரமாக அழைத்து வரப்பட்ட 36 பேரும் இந்திய எல்லையில் உள்ள சோதனைச் சாவடி அருகில் இருக்கும் ஓட்டலில் பாதுகாப்பாக தங்க வைக்கப்பட்டுள்ளனர்.அங்கிருந்து சென்னைக்கு அழைத்து வர ஏற்பாடுகள் மேற்கொள்ளப்பட்டுள்ளன.
தாங்கள் பத்திரமாக இந்திய எல்லைக்கு வருவதற்கும், அங்கிருந்து சென்னைக்கு வருவதற்கும் உரிய நடவடிக்கைகளை எடுத்து இருக்கும் மத்திய அரசுக்கும், முதலமைச்சர் எடப்பாடி கே,பழனிசாமி, துணை முதல்வர் ஓ.பன்னீர்செல்வம், எம்பி ரவீந்திரநாத் குமாருக்கும் யாத்திரை குழுவினர் தங்களது நெஞ்சார்ந்த நன்றியை தெரிவித்துக் கொண்டுள்ளனர்.