மற்றவை

போலி வாக்குறுதி மூலம் ஏமாற்றும் தி.மு.க. கூட்டணிக்கு பாடம் புகட்டுவீர் – வாக்காளர்களுக்கு அமைச்சர் கே.சி.கருப்பணன் வேண்டுகோள்

ஈரோடு:-

போலி வாக்குறுதி மூலம் ஏமாற்றும் தி.மு.க கூட்டணிக்கு பாடம் புகட்ட வேண்டும் என்று வாக்காளர்களுக்கு அமைச்சர் கே.சி.கருப்பணன் வேண்டுகோள் விடுத்துள்ளார்.

ஈரோடு மாவட்டம் பவானி தொகுதி அம்மாபேட்டை ஒன்றியம் அம்மாபேட்டை ஒன்றியத்திற்குட்பட்ட 15 ஊராட்சிக்குட்பட்ட பகுதிகளில் நூற்றுக்கும் மேற்பட்ட கிராமங்களில் கழகம் மற்றும் கூட்டணி வேட்பாளர்களை ஆதரித்து சுற்றுச்சூழல் துறை அமைச்சர் கே.சி.கருப்பணன் தீவிர பிரச்சாரம் செய்தார்.

அப்போது அவர் பேசியதாவது:-

தமிழகத்தில் புரட்சித்தலைவர் எம்.ஜி.ஆர் 10 ஆண்டு காலம் நல்லாட்சி நடத்தினார். புரட்சித்தலைவரின் வழியில் புரட்சித்தலைவி அம்மா அவர்கள் 15 ஆண்டு காலம் நல்லாட்சி நடத்தினார். அம்மாவின் வழியில் முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் ஆகியோர் தமிழகத்தில் நல்லாட்சி நடத்தி வருகிறார்கள். முதலமைச்சர் எடப்பாடி கே.பழனிசாமி கொண்டு வந்த குடிமராமத்து திட்டம் மூலம் ஆறு, குளம், ஏரிகள் தூர்வாரப்பட்டு தமிழகம் முழுவதும் மழைநீர் சேகரிக்கப்படுகிறது.

முதலமைச்சர் எடப்பாடி கே.பழனிசாமி கடந்த ஆண்டு பொங்கல் பரிசாக ரூபாய் 1000 மற்றும் பொங்கல் தொகுப்பு வழங்கினார். இந்த ஆண்டு உள்ளாட்சி தேர்தல் முடிந்த பிறகு பொங்கல் பரிசு வழங்கப்படும். பொய்யான வாக்குறுதிகளை வழங்கி மக்களை ஏமாற்றி வரும் திமுக கூட்டணிக்கு மக்கள் தகுந்த பாடம் புகட்ட வேண்டும். மக்கள் நலத்திட்டங்களை நிறைவேற்றி அரசுக்கு பொதுமக்கள் நல்லவர்களை வழங்க வேண்டும். மக்களுக்கான நலத்திட்டங்கள், அடிப்படை வசதிகளை நிறைவேற்ற கழக அரசுக்கு உள்ளாட்சி தேர்தலில் நல்லாதரவு வழங்குங்கள்.

இவ்வாறு அமைச்சர் கே.சி.கருப்பணன் பேசினார்.

இந்நிகழ்ச்சியில் கழக இளைஞர் பாசறை இளம்பெண்கள் பாசறை துணைச் செயலாளர் ஜி.பழனிவேல், பா.ம.க மாநில நிர்வாகிகள் பரமசிவம், வேலுச்சாமி, பவானி நகர செயலாளர் என்.கிருஷ்ணராஜ், அரசு வழக்கறிஞர்கள் செந்தில்குமரன், அருள்முருகன், மயில்சாமி, அம்மாபேட்டை செந்தில்குமார், சந்திரசேகரன், பங்க் பாலு, சுந்தர்ராஜன், மலர்க்கொடி, முன்னாள் யூனியன் துணைத் தலைவர் எம்.பி.முருகேசன், எம்.ஜி.நாத் (எ) மாதையன், செல்லப்பன் உள்பட பலர் கலந்து கொண்டனர்.