தூத்துக்குடி

கழுகுமலை பேரூராட்சி மக்களுக்கு தட்டுப்பாடின்றி குடிநீர் சப்ளை – அதிகாரிகளுக்கு அமைச்சர் கடம்பூர் செ.ராஜூ உத்தரவு…

தூத்துக்குடி

கழுகுமலை பேரூராட்சி மக்களுக்கு தட்டுப்பாடின்றி குடிநீர் விநியோகம் செய்ய வேண்டும் என்று அதிகாரிகளுக்கு அமைச்சர் கடம்பூர் செ.ராஜூ உத்தரவிட்டுள்ளார்.

தூத்துக்குடி மாவட்டம் கழுகுமலை பேரூராட்சிக்குட்பட்ட நான்கு பகுதிகளில் பேரூராட்சி பொது நிதியிலிருந்து மக்களின் குடிநீர் தேவைகளுக்காக ஆழ்குழாய் கிணறு மின் மோட்டாருடன் கூடிய புதிய சின்டெக்ஸ் குடிநீர் தொட்டிகள் அமைக்கப்பட்டு அதன் திறப்பு விழா மாவட்ட ஆட்சித் தலைவர் சந்தீப் நந்தூரி தலைமையில் நடைபெற்றது. இந்நிகழ்ச்சியில் செய்தி மற்றும் விளம்பரத்துறை அமைச்சர் கடம்பூர் செ.ராஜூ கலந்து கொண்டு புதிய குடிநீர் தொட்டிகளை திறந்து வைத்து பொதுமக்களுக்கு குடிநீர் சேவையை துவக்கி வைத்தார் .

அதன்பின்பு கழுகுமலை பேரூராட்சி அலுவலகத்தில் குடிநீர் தட்டுப்பாடு இன்றி பொதுமக்களுக்கு வினியோகம் செய்வது குறித்து ஆலோசனை கூட்டம் மாவட்ட ஆட்சித் தலைவர் சந்தீப் நந்தூரி தலைமையில் நடைபெற்றது. இக்கூட்டத்தில் கலந்து கொண்ட செய்தி மற்றும் விளம்பரத்துறை அமைச்சர் கடம்பூர் செ.ராஜூ, கழுகுமலை பேரூராட்சிக்குட்பட்ட பகுதிகளில் பொதுமக்களுக்கு தட்டுப்பாடின்றி சீராக குடிநீர் வினியோகம் செய்வது குறித்து அதிகாரிகளுக்கு அறிவுரை வழங்கினார்

இந்நிகழ்ச்சியில் ஓட்டப்பிடாரம் தொகுதி முன்னாள் சட்டமன்ற உறுப்பினர் மோகன், கழுகுமலை நகர செயலாளர் முத்துராஜ், ஸ்ரீ முருகன் கூட்டுறவு சங்கத் தலைவர் முத்தையா , தொடக்க வேளாண்மை கூட்டுறவு சங்கத் தலைவர் காளிமுத்து, பாண்டவர்மங்கலம் கூட்டுறவு சங்கத் தலைவரும் மத்திய கூட்டுறவு சங்க இயக்குனருமான அன்புராஜ், கயத்தாறு ஒன்றிய கழக செயலாளர் வினோபாஜி, கோவில்பட்டி ஒன்றிய கழக செயலாளர் அய்யாத்துரை பாண்டியன், கோவில்பட்டி நிலவள வங்கி தலைவர் இ.பி.ரமேஷ், துறையூர் கூட்டுறவு வங்கி தலைவர் கணேச பாண்டியன், நெல்லை ஆவின் பால் இயக்குனர் நீலகண்டன், தூத்துக்குடி மாவட்ட செய்தி மக்கள் தொடர்பு அலுவலர் ஸ்ரீநிவாசன். தூத்துக்குடி நகர எம்.ஜி.ஆர் இளைஞர் அணி துணைச் செயலாளர் பி.ஜெகதீஸ்வரன் மற்றும் பலர் கலந்து கொண்டனர்.