இந்தியா மற்றவை

ப.சிதம்பரத்திற்கு அமலாக்கத்துறை சம்மன்…

சர்வதேச விமான நிறுவனங்களுக்கு சாதகமாக செயல்பட்டு ஏர் இந்தியாவுக்கு இழப்பை ஏற்படுத்திய ஊழல் வழக்கில், விசாரணைக்கு ஆஜராகுமாறு முன்னாள் மத்திய அமைச்சர் ப.சிதம்பரத்திற்கு அமலாக்கத்துறை சம்மன் அனுப்பி இருக்கிறது.

காங்கிரஸ் தலைமையிலான ஐக்கிய முற்போக்கு கூட்டணி ஆட்சிக் காலத்தில், சர்வதேச விமான நிறுவனங்களுக்கு சாதகமாக விமான வழித்தடங்கள்  மற்றும் நேர ஒதுக்கீடு செய்ததால், அரசின் பொதுத்துறையை சேர்ந்த ஏர்இந்தியா விமான நிறுவனத்திற்கு பல கோடி ரூபாய் இழப்பு ஏற்பட்டதாக குற்றஞ்சாட்டப்படுகிறது.

இந்த முறைகேடு தொடர்பாக ஏற்கனவே முன்னாள் விமானப் போக்குவரத்து துறை அமைச்சர் பிரபுல் படேலிடம் அமலாக்கத்துறை அதிகாரிகள் விசாரணை நடத்தி இருந்தனர்.இந்த நிலையில் காங்கிரஸ் மூத்த தலைவரும், முன்னாள் மத்திய அமைச்சருமான ப.சிதம்பரத்திற்கு, வரும் 23 ஆம் தேதி டெல்லியிலுள்ள அலுவலகத்தில் விசாரணைக்கு ஆஜராகுமாறு அமலாக்கத்துறையினர் சம்மன் அனுப்பி இருக்கின்றனர்.

ஏற்கெனவே ஏர்செல் மேக்சிஸ் மற்றும் ஐஎன்எக்ஸ் மீடியா வழக்குகளில் சட்டவிரோத பண பரிமாற்றம் நடந்தது தொடர்பாக ப.சிதம்பரத்திடம் அமலாக்கத்துறை அதிகாரிகள் விசாரணை நடத்தி வருவது குறிப்பிடத்தக்கது.