தற்போதைய செய்திகள்

வளர்ச்சி பாதையில் தமிழகம் பீடுநடை போட இரட்டை இலை சின்னத்திற்கு வாக்களிப்பீர் – அமைச்சர் சேவூர் எஸ்.இராமச்சந்திரன் வேண்டுகோள்

திருவண்ணாமலை

வளர்ச்சிப் பாதையில் தமிழகம் தொடர்ந்து பீடுநடை போட இரட்டைஇலை சின்னத்திற்கு வாக்களிப்பீர் என்று அமைச்சர் சேவூர் எஸ்.இராமச்சந்திரன் வேண்டுகோள் விடுத்துள்ளார்.

திருவண்ணாமலை மாவட்டத்தில் இரண்டாம் கட்ட உள்ளாட்சித்தேர்தல் நடைபெறும் மேற்கு ஆரணி ஒன்றியத்தில் கழகம் சார்பில் போட்டியிடும் வேட்பாளர்களை ஆதரித்து இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் தீவிர பிரச்சாரம் செய்து வாக்கு சேகரித்தார்.

பிரச்சாரத்தின் போது அமைச்சர் சேவூர் எஸ்.இராமச்சந்திரன் பேசியதாவது:-

நடைபெறும் அம்மாவின் அரசு மக்கள் அரசு. மக்கள் தேவைகளை அறிந்து செயல்படும் அரசு. உள்ளாட்சி தேர்தலில் வெற்றிபெற முடியாது என்பதால் அதை தடுக்க தி.மு.க. வழக்கு தொடர்ந்தது, ஆளும் கட்சி வேட்பாளர்களுக்கு வாக்களித்தால் தான் அனைத்து திட்டப்பணிகளும் கிராமங்களுக்கு உடனுக்குடன் வந்தடையும், ஆரணியை கோட்டம், ஆரணிக்கு கல்வி மாவட்டம், அரசு மோட்டார் வாகன ஆய்வாளர் அலுவலகம் தரம் உயர்வு, சாலை வசதிகள், ஆரணியில் சென்டர் மீடியா மற்றும் உயர் மின் கோபுர விளக்குகள் அமைத்தது கழக அரசுதான்.

மேலும் இந்து சமய அறநிலையத்துறை சார்பில் ரூ.2.5 கோடி மதிப்பில் திருமண மண்டபம் கட்டப்பட்டு வருகிறது. விண்ணமங்கலம், ராந்தம், தெள்ளூர் உள்ளிட்ட பல கிராம மக்கள் பயனடையும் விதத்தில் ஆற்றில் ரூ.7 கோடி மதிப்பீட்டில் தடுப்பணை கட்டப்பட்டு வருகிறது. இவ்வாறு எண்ணற்ற பணிகள் அம்மாவின் அரசில் ஆரணியில் செயல்பட்டு வருகின்றன. மேலும் இந்தியாவே திரும்பி பார்க்கும் வகையில் தமிழகம் முன்னேற்றப் பாதையில் பீடுநடை போட கழக வேட்பாளர்களுக்கு இரட்டைஇலை சின்னத்தில் வாக்களித்து வெற்றிபெற செய்ய வேண்டுமாய் கேட்டுக்கொள்கிறேன்.

இவ்வாறு அமைச்சர் சேவூர் எஸ்.இராமச்சந்திரன் பேசினார்.

பிரச்சாரத்தின் போது முன்னாள் எம்.எல்.ஏ பாபுமுருகவேல், அரசு வழக்கறிஞர் க.சங்கர், மாவட்ட பால் கூட்டுறவு சங்க துணைத்தலைவர் பாரி பி.பாபு, முன்னாள் ஒன்றியக்குழு தலைவர் அ.கோவிந்தராசன், மேற்கு ஆரணி ஒன்றிய செயலாளர் எம்.வேலு, முன்னாள் ஒன்றியக்குழு உறுப்பினர் ப.திருமால், முன்னாள் நகரமன்ற துணைத்தலைவர் தேவசேனா, ஆனந்த, பச்சையம்மாள், சீனிவாசன், ஜெயச்சந்திரன், மருத்துவர் கணேஷ் உள்ளிட்ட பலர் உடன் சென்றனர்.