தற்போதைய செய்திகள்

பொங்­கல் சிறப்பு பேருந்துகள் மூலம் 2 நாளில் 4 லட்­சம் பேர் பயணம்

சென்னை

பொங்­கல் சிறப்பு பேருந்துகள் மூலம் 2 நாட்­க­ளில் 4 லட்­சம் பேர் பய­ணம் செய்­துள்­ளார்­கள்.

பொங்­கல் பண்டி­கையை முன்னிட்டு தமிழக அரசின் போக்கு­வ­ரத்துக்­க­ழ­கம் சார்­பில் சிறப்பு பேருந்துகள் இயக்­கப்­படுகின்­றன. அதாவது 10-ந்தேதி முதல் நாளை 14-–ந்தேதி வரை 16,075 பஸ்­கள் இயக்கப்­ப­டும் என தெரிவிக்­கப்­பட்­டது. இதில் சென்­னை­யில் இருந்து தான் மிக­மிக அதிகளவில் பேருந்துகள் இயக்கப்­ப­டுகின்­றன.

இந்த பேருந்து­கள் தாம்­ப­ரம், மாத­வ­ரம், பூந்­த­மல்லி, கோயம்பேடு, கே.கே.நகர் ஆகிய இடங்­க­ளில் இருந்து புறப்­படுகின்­றன. சென்னையில் இருந்து வழக்­க­மாக தினமும் 2,225 பேருந்து­கள் இயக்­கப்­ப­டுகின்­றன. 10–-ந்தேதியன்று இந்த பேருந்துக­ளு­டன் கூடுத­லாக 354 சிறப்பு பேருந்துகள் இயக்கப்­பட்­டன. இதன் மூ­லம் 1 லட்­சத்து 41 ஆயிரத்து 845 பேர் பய­ணம் செய்­த­னர்.

2–-வது நாளான நேற்றுமுன்தினம் வழக்­கமான பேருந்து­க­ளு­டன் 574 சிறப்பு பேருந்து­கள் இயக்கப்­பட்­டன. இவற்றின் மூலம் 2 லட்சத்து 81 ஆயிரத்து 795 பேர் பய­ணம் செய்­துள்­ளார்­கள். ஆக மொத்­தம் 4 லட்­சத்திற்­கும் மேற்­பட்­டோர் பய­ணம் செய்­துள்­ள­னர். நேற்று ஞாயிற்றுக்கிழமையிலும் அதிக மக்­கள் பய­ணம் செய்த­னர். இதற்கி­டையே முன்பதிவு மூலம் நேற்றுமுன்தினம் வரை ரூ.9.12 கோடி கிடைத்துள்­ளது.