தற்போதைய செய்திகள்

தி.மு.க.வின் சதியை முறியடித்து விளாத்திக்குளத்தை கழகம் கைப்பற்றியது – வெற்றிபெற்றவர்கள் அமைச்சர் கடம்பூர் செ.ராஜூவிடம் வாழ்த்து

தூத்துக்குடி

தி.மு.க.வினரின் சதி முயற்சியை முறியடித்து விளாத்திக்குளம் ஒன்றியத்தை கழகம் கைப்பற்றியது. தலைவர், துணைத்தலைவராக தேர்ந்தெடுக்கப்பட்டவர்கள் அமைச்சர் கடம்பூர் செ.ராஜூவை சந்தித்து வாழ்த்து பெற்றனர்.

தூத்துக்குடி மாவட்டம் விளாத்திகுளம் ஊராட்சி ஒன்றியத்தில் 16 கவுன்சிலர் பதவிகள் உள்ள நிலையில் நடைபெற்ற ஊரக உள்ளாட்சி தேர்தலில் அ.தி.மு.க சார்பில் 8 கவுன்சிலர்கள் வெற்றி பெற்றனர். அதிமுக கூட்டணிக் கட்சியான பாரதிய ஜனதா சார்பில் இரண்டு கவுன்சிலர்கள் வெற்றிபெற்றனர். அ.தி.மு.க.வுக்கு 10 கவுன்சிலர்கள் மெஜாரிட்டி இருந்த நிலையில் எப்படியும் விளாத்திக்குளம் ஒன்றியக்குழு தலைவர் பதவியை கைப்பற்ற வேண்டும் என்ற நோக்கில் தி.மு.க.வினர் சதி முயற்சியில் தொடர்ந்து ஈடுபட்டு வந்தனர்

தி.மு.க.வினரின் வலையில் சிக்காமல் அ.தி.மு.க கவுன்சிலர்கள் மற்றும் கூட்டணி கட்சியான பாரதிய ஜனதா கட்சி கவுன்சிலர்கள் ஒற்றுமையுடன் இருந்து விளாத்திக்குளம் ஊராட்சி ஒன்றியக்குழு தலைவர் பதவிக்கு அ.தி.மு.க.வின் 8-வது வார்டு கவுன்சிலர் முனியசக்தி ராஜேந்திரன் விளாத்திக்குளம் ஒன்றியக்குழு தலைவராகவும், பாரதிய ஜனதா கட்சியை சேர்ந்த 4-வது வார்டு கவுன்சிலர் சுப்புலட்சுமி துணைத்தலைவராகவும் தேர்ந்தெடுக்கப்பட்டனர் இதனால் தி.மு.க.வின் கனவு கானல் நீராக போய்விட்டது

புதிதாக தேர்ந்தெடுக்கப்பட்டுள்ள ஒன்றியக்குழு தலைவர் முனியசக்தி, துணைத்தலைவர் சுப்புலட்சுமி ஆகியோர் விளாத்திக்குளம் தொகுதி சட்டமன்ற உறுப்பினர் சின்னப்பன் தலைமையில் கோவில்பட்டி நாடார் மேல்நிலைப்பள்ளியில் நடந்த விழாவில் கலந்து கொண்ட செய்தி மற்றும் விளம்பரத்துறை அமைச்சரும், வடக்கு மாவட்டக் கழகச் செயலாளருமான கடம்பூர் செ.ராஜூவை நேரில் சந்தித்து சால்வை அணிவித்து வாழ்த்து பெற்றனர்.