தற்போதைய செய்திகள்

1064 பேருக்கு நலத்திட்ட உதவி – அமைச்சர்கள் பா.பென்ஜமின், க.பாண்டியராஜன் வழங்கினர்…

திருவள்ளூர்:-

ஆர்.கே.பேட்டை வட்டம், விளக்கனாம்பூடி ஊராட்சியில் நடைபெற்ற மக்கள் தொடர்பு திட்ட முகாமில் 1064 பயனாளிகளுக்கு ரூ.3 கோடியே 91 லட்சத்து 4 ஆயிரத்து 182 மதிப்பிலான அரசு நலத்திட்ட உதவிகளை அமைச்சர்கள் பா.பென்ஜமின், க.பாண்டியராஜன் ஆகியோர் வழங்கினர்

திருவள்ளூர் மாவட்டம், ஆர்.கே.பேட்டை வட்டம், விளக்கனாம்பூடி ஊராட்சியில் மக்கள் தொடர்பு திட்ட முகாம் நேற்று நடைபெற்றது. இந்த முகாமில் ஊரக தொழில் துறை அமைச்சர் பா.பென்ஜமின், தமிழ்ஆட்சி மொழி கலை பண்பாடு மற்றும் தொல்லியல் துறை அமைச்சர் க.பாண்டியராஜன், மாவட்ட ஆட்சித்தலைவர் மகேஸ்வரி ரவிக்குமார் ஆகியோர் கலந்து கொண்டு 167 பேருக்கு ரூ. 1,46,96,000 மதிப்பிலான இலவச வீட்டுமனை பட்டா (கிராம நத்தம்) நகல்கள், 269 பயனாளிகளுக்கு கிராம நத்தம் பட்டா நகல்கள், 160 பயனாளிகளுக்கு மின்னணு புதிய குடும்ப அட்டைகள், 7 பயனாளிகளுக்கு ரூ, 56,000-த்திற்கான திருமண உதவித்தொகை, 16 பயனாளிகளுக்கு ரூ.16,000-த்திற்கான முதியோர் உதவித்தொகை மற்றும் இதர உதவித்தொகை, 18 பயனாளிகளுக்கு ரூ.3,60,000-த்திற்கான இயற்கை மரணம் உதவித்தொகை, 2 பயனாளிகளுக்கு ஆதரவற்ற விதவை சான்று,

பிரதம மந்திரியின் வீடு வழங்கும் திட்டத்தில் 95 பயனாளிகளுக்கு ரூ. 1,61,50,000-ம் மதிப்பிலும், பசுமை வீடுகள் வழங்கும் திட்டத்தில் 30 பயனாளிகளுக்கு ரூ.63,00,000 மதிப்பிலும், 2 பயனாளிகளுக்கு ரூ.10,036 மதிப்பில் இலவச சலவைப் பெட்டிகள், 83 பயனாளிகளுக்கு சிறு விவசாயி சான்றுகளும், தேசிய வேளாண் வளர்ச்சித் திட்டத்தின் கீழ் 30 பயனாளிகளுக்கு ரூ, 45,000 மதிப்பில் நெல் விதைகள், தேசிய வேளாண் வளர்ச்சித் திட்டத்தின் கீழ் 25 பயனாளிகளுக்கு ரூ.14,000-ம் மதிப்பில் சிறுதானியம் இயற்கை உரங்கள்,

தேசிய வேளாண் வளர்ச்சித் திட்டத்தின் கீழ் 20 பயனாளிகளுக்கு ரூ. 4000-ம் மதிப்பில் நுண்நூட்ட கலவைகள், தேசிய உணவு பாதுகாப்பு திட்டத்தின் கீழ் 42 பயனாளிகளுக்கு ரூ.62,496 மதிப்பில் பயறு வகைகளும் (உளுந்து), 22 பயனாளிகளுக்கு ரூ,6,600-ம் மதிப்பில் திரவ இயற்கை உரங்களும், தேசிய உணவு பாதுகாப்பு திட்டத்தின் கீழ் 25 பயனாளிகளுக்கு ரூ.52,500 மதிப்பில் எண்ணெய் வித்துக்கள் – மணிலா விதைகளும், 21 பயனாளிகளுக்கு பழங்குடியினர் நல வாரிய உறுப்பினர் அடையாள அட்டைகள், 5 பயனாளிகளுக்கு ரூ.10,000 மதிப்பில் ஐ.எச்.டி.எஸ். திட்டத்தின் கீழ் வெண்டை விதைகளும், 25 மாற்றுத்திறனாளிகளுக்கு ரூ.13,21,550 மதிப்பில் இணைப்பு சக்கரம் பொருத்தப்பட்ட பெட்ரோல் வாகனங்கள் என மொத்தம் 1064 பயனாளிகளுக்கு ரூ.3,91,04,182 மதிப்பிலான பல்வேறு நலத்திட்ட உதவிகளை வழங்கினர்.

இ்ந்நிகழ்ச்சியின் போது பொதுமக்களிடம் இருந்து 150-க்கும் மேற்பட்ட மனுக்களை அமைச்சர்கள் மற்றும் மாவட்ட ஆட்சித் தலைவர் ஆகியோர் பெற்றுக் கொண்டு, அதற்கு உரிய தீர்வுகளை விரைந்து வழங்குமாறு சம்மந்தப்பட்ட அலுவலர்களிடம் அறிவுறுத்தினர். இந்நிகழ்ச்சியில் பொன்னேரி சட்டமன்ற உறுப்பினர் பி.பலராமன், திருத்தணி சட்டமன்ற உறுப்பினர் பி.எம்.நரசிம்மன், திருத்தணி வருவாய் கோட்டாட்சியர் பி.நாராயணன், ஆர்.கே.பேட்டை வட்டாட்சியர் மா.பாண்டியராஜன், அரசு அலுவலர்கள் மற்றும் பொதுமக்கள் கலந்து கொண்டனர்.