தற்போதைய செய்திகள்

2021 சட்டமன்ற தேர்தலிலும் கழகமே வெற்றி பெற்று ஆட்சி அமைக்கும் – அமைச்சர் கே.சி.வீரமணி உறுதி

வேலூர்

2021 சட்டமன்ற பொதுத் தேர்தலிலும் கழகமே வெற்றி பெற்று ஆட்சி அமைக்கும் என்று அமைச்சர் கே.சி.வீரமணி கூறினார்.
வேலூர் கிழக்கு மாவட்டம் ஆற்காடு சட்டமன்ற தொகுதி கழகம் சார்பில் புரட்சித்தலைவர் எம்.ஜி.ஆரின் 103-வது பிறந்தநாள் விழா மற்றும் கலவை தாலுகா புதியதாக உதயமானதற்கு நன்றி தெரிவிக்கும் மாபெரும் பொதுக்கூட்டம் மாவட்ட சிறுபான்மையினர் நலப் பிரிவு இணைச் செயலாளரும், வேலூர் கூட்டுறவு சர்க்கரை ஆலை துணைத்தலைவருமான கே.பி.கே.அப்துல்லா தலைமையில் கலவை பேருந்து நிலையத்தில் நடைபெற்றது.

திமிரி கிழக்கு ஒன்றிய கழக செயலாளர் சொரையூர் எம்.குமார், பேரூராட்சி கழக செயலாளர் கே.ஆர்.சதீஷ்குமார் ஆகியோர் வரவேற்று பேசினர். திமிரி மேற்கு ஒன்றிய கழக செயலாளர் ந.வ.கிருஷ்ணன், ஆற்காடு கிழக்கு ஒன்றிய கழக செயலாளர் வளவனூர் அன்பழகன், ஆற்காடு மேற்கு ஒன்றிய கழக செயலாளர் சாரதி (எ) ஜெயசந்திரன், நகர கழக செயலாளர் ஜிம் சங்கர் திமிரி பேரூராட்சி கழக செயலாளர் எம்.டி.பாஸ்கர், விளாப்பாக்கம் பேரூராட்சி கழக செயலாளர் ராம் சேகர் ஆகியோர் தொடக்க உரையாற்றினர்.

கூட்டத்தில் வேலூர் மேற்கு மாவட்ட கழக செயலாளரும், வணிகவரி மற்றும் பதிவுத்துறை அமைச்சருமான கே.சி.வீரமணி, வேலூர் கிழக்கு மாவட்ட கழக செயலாளர் சு.ரவி எம்.எல்.ஏ., கழக சிறுபான்மையினர் நலப்பிரிவு இணை செயலாளர் அ.முஹம்மத்ஜான் எம்.பி., தலைமை கழக பேச்சாளர் ஏழுமலை ஆகியோர் சிறப்புரையாற்றினர்.

இக்கூட்டத்தில் அமைச்சர் கே.சி.வீரமணி பேசியதாவது:-

பேரறிஞர் அண்ணா கண்ட கனவை நனவாக்கியவர் புரட்சித்தலைவர் எம்.ஜி.ஆர்.. அண்ணாவை முதல்வராக்கிய பெருமை புரட்சித்தலைவர் எம்ஜிஆரை சாரும். திமுக என்ற கட்சியை தனது திரைப்படத்தின் மூலம் எம்.ஜி.ஆர். வளர்த்தார். ஆனால் இன்று திமுக ஒரு குடும்ப கட்சியாக விளங்குகிறது.

பேரறிஞர் அண்ணாவுக்கு பிறகு கருணாநிதியை முதல்வர் ஆக்கிய பெருமையும் புரட்சித்தலைவர் எம்ஜிஆரை சாரும்.கணக்கு கேட்டதற்காக புரட்சித்தலைவர் எம்ஜிஆரை 1972-ல் கட்சியை விட்டு கருணாநிதி நீக்கினார். பிறகு பேரறிஞர் அண்ணாவின் பெயரில் கட்சியையும் அண்ணாவின் உருவம் பொறித்த கொடியுடன் கழகம் என்ற பேரியக்கத்தை எம்ஜிஆர் தொடங்கினார். உண்ண உணவு ,உடுக்க உடை, இருக்க இருப்பிடம் ஆகியவற்றை மக்களுக்கு கிடைக்க வழிவகை செய்தார். ஏழை எளிய மாணவ மாணவிகளின் பசிப்பிணியைப் போக்க உலகம் போற்றும் உன்னத திட்டமான சத்துணவு திட்டத்தை கொண்டு வந்தார். தான் சினிமா மூலம் சம்பாதித்த கோடிக்கணக்கான சொத்தினை காதுகேளாதோர், பார்வையற்றோர், மாற்றுத்திறனாளிகளுக்கு எழுதிவைத்தார். உலகம் உள்ளவரை புரட்சித்தலைவர் எம்ஜிஆரின் பெயரும் புகழும் மறையாது.

புரட்சித்தலைவர் எம்ஜிஆர் முதல்வராக இருந்த வரை கோட்டை பக்கமே கருணாநிதியால் வரமுடியவில்லை. தமிழகத்தில் புரட்சித்தலைவர் எம்ஜிஆர் பொற்கால ஆட்சி நடத்தினார்.பேரறிஞர் அண்ணா, புரட்சித்தலைவர் எம்.ஜி.ஆர். ஆகியோரின் வழியில் புரட்சித்தலைவி அம்மா அவர்கள் தமிழகத்தில் சிறப்பான ஆட்சியை நடத்தினார். ஒன்றரை கோடி தொண்டர்கள் உள்ள பேரியக்கமாக கழகத்தை உருவாக்கினார்.

புரட்சித்தலைவர் எம்.ஜி.ஆருக்கு பிறகு பிளவுபட்ட இயக்கத்தை ஒன்று சேர்த்து, இழந்த சின்னத்தைத்தை மீண்டும் மீட்ட பெருமை புரட்சித்தலைவி அம்மா அவர்களை சாரும். அம்மா அவர்கள் கொண்டுவந்த அனைத்து திட்டங்களையும் முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் ஆகியோர் நிறைவேற்றி வருகின்றனர்.

தமிழகத்தில் பல்வேறு நிதி நெருக்கடி இருந்தும் அரசு திட்டங்கள் விரைவாக மக்களுக்கு சென்று சேர வேலூர் மாவட்டத்தை மூன்றாக பிரிக்க கழக அரசு நடவடிக்கை மேற்கொண்டது.மேலும் 7தாலுகாக்கள் உருவாக்கப்பட்டுள்ளது. ஆனால் திமுக முன்னாள் அமைச்சர்கள் ,மாவட்ட நிர்வாகிகள் சுயநலத்திற்காக அதிகாரம் போய்விடுமோ என்று மக்கள் நலனில் அக்கறை இல்லாமல் மாவட்டத்தை பிரிக்க முந்தைய திமுக ஆட்சியில் நடவடிக்கை மேற்கொள்ளவில்லை.

ஆனால் மக்கள் நலனில் அக்கறை கொண்ட கழக அரசு அனைத்து திட்டங்களும் மக்களுக்கு விரைவில் சென்று சேர வேலூர் மாவட்டத்தை வேலூர், ராணிப்பேட்டை, திருப்பத்தூர் என மூன்று மாவட்டங்களாக பிரித்து அரசாணை வெளியிட்டு நடவடிக்கை மேற்கொண்டது. அம்மாவின் அரசு மக்கள் நலனில் அக்கறை கொண்ட அரசாக திகழ்கிறது.

வருகின்ற 2021 சட்டமன்ற தேர்தலில் கழகம் என்ற பேரியக்கம் வெற்றி பெற்று தமிழகத்தில் மீண்டும் ஆட்சி அமைக்கும். வருகின்ற உள்ளாட்சி தேர்தலில் திமுகவை அனைத்து பகுதிகளிலும் டெபாசிட் இழக்கும் அளவிற்கு கழகத் தொண்டர்கள் சிறப்பாக தேர்தல் பணிசெய்ய வேண்டும்.

இவ்வாறு அமைச்சர் கே.சி.வீரமணி பேசினார்.

இக்கூட்டத்தில் மாவட்ட கழக அவைத்தலைவர் ஆர்.ஜி.கே.நந்தகோபால், மாவட்ட கழக துணை செயலாளர் ரமாபிரபா, ஆவின் தலைவர் த.வேலழகன், மாவட்ட மகளிரணி செயலாளர் ராதிகா, ஒன்றிய கழக செயலாளர்கள் நெமிலி ஏ.ஜி.விஜயன், பிரகாஷ் , சின்னதுரை, பெல் ச.கார்த்திகேயன், நகர கழக செயலாளர் இப்ராஹிம் கலிலுல்லா, மாவட்ட வழக்கறிஞர் பிரிவு செயலாளர் அண்ணாமலை, மாவட்ட வர்த்தக அணி செயலாளர் எ.வி.சாரதி, ஒன்றிய கழக அவைத் தலைவர் கே.எம்.அரங்கநாதன், பி.ரமேஷ், கே.வி.பாண்டுரங்கன், சதாசிவம், பாலிசி சி.ரமேஷ், சக்கரமல்லூர் பாலாஜி, தட்சிணாமூர்த்தி, ஹரிதாஸ் மற்றும் பலர் கலந்து கொண்டனர்.