தற்போதைய செய்திகள்

ஸ்டாலின் சிரித்துக் கொண்டே அழுகிறார் – அமைச்சர் டி.ஜெயக்குமார் கிண்டல்

சென்னை:-

சிலர் சிரிப்பார், சிலர் அழுவார். ஆனால் ஸ்டாலின் சிரித்துக் கொண்டே அழுகிறார் என்று அமைச்சர் டி.ஜெயக்குமார் கூறினார்.

சென்னையில் மீன்வளத்துறை அமைச்சர் டி.ஜெயக்குமார் செய்தியாளர்களுக்கு அளித்த பேட்டி வருமாறு:-

தேசிய அளவில் ஒப்பிடும் போது வெளிநாட்டில் இருந்து தமிழகம் வருகை தருபவர்களுக்கு தரமான சிகிச்சையை தமிழக அரசும், சுகாதாரத்துறையும் அளித்து வருகிறது.

வருகின்ற 18-ந்தேதி புதுடெல்லியில் ஜி.எஸ்.டி. கூட்டம் நடைபெற உள்ளது. அரசின் கருத்துகளை அப்போது நிச்சயமாக தெரிவிப்போம். மாநிலத்தின் நலன் என்ற அடிப்படையில்தான் பல்வேறு வரி விலக்குகளுக்கும், வரி குறைப்புகளுக்கும் தொடர்ந்து குரல் கொடுத்து வருகிறோம். தமிழகத்தில் ஜி.எஸ்.டி. பெரும் சவாலாக இருந்த நிலையில் வர்த்தகர்களின் நலன்கள் பாதுகாக்கப்பட்டுள்ளன. குறிப்பாக சிறு, குறு தொழிலில்ஈடுபட்டு வருபவர்களுக்கு திருப்தி அளிக்கும் வகையில் ஜி.எஸ்.டி.யில் மாற்றங்கள் செய்யப்பட்டுள்ளன. 18ந்தேதி நடைபெறவிருக்கும்கூட்டத்தின் அடிப்படையில் அதன் பொருள் வந்தபிறகு அரசின் கருத்துகள் தெரிவிக்கப்படும்.

தெலுங்கானாவில் நடத்தப்பட்ட என்கவுண்டர் மனித உரிமை மீறல் என தி.மு.க. மகளிர் அணி செயலாளர் கனிமொழி கூறிய கருத்து கண்டனத்துக்குரியது. குற்றவாளிகள், சமூகத்தில் வாழ தகுதியற்றவர்களை எல்லாம் என்கவுண்டர் செய்வதில் எந்த ஒரு தவறும் இல்லை. இது போன்ற செயல்கள் மூலமாகவே குற்றங்கள் தடுக்கப்படும். தெலுங்கானா அரசு நல்ல விஷயத்தை செய்துள்ளது. இதை நாங்கள் வரவேற்கிறோம். உள்ளாட்சித் தேர்தலை சந்திக்க சந்திக்க ஸ்டாலின் தயாராக இல்லை. சிலர் சிரிப்பார் சிலர் அழுவார். ஆனால்அவர் சிரித்துக் கொண்டே அழுதுகிறார்.

இவ்வாறு அமைச்சர் டி.ஜெயக்குமார் கூறினார்.