ஈரோடு

வீரவணக்கநாள் கூட்டம் நடத்த கழகத்திற்கு மட்டுமே தகுதி உண்டு-கே.வி.ராமலிங்கம் எம்.எல்.ஏ. பேச்சு

ஈரோடு

வீரவணக்கநாள் கூட்டம் நடத்த கழகத்திற்கு மட்டுமே தகுதி உண்டு என்று ஈரோடு மாநகர் மாவட்ட கழக செயலாளர் கே.வி.ராமலிங்கம் எம்.எல்.ஏ. கூறினார்.

ஈரோடு மாநகர் மாவட்டக் கழக மாணவர் அணி சார்பில் சூரம்பட்டியில் மொழிப்போர் தியாகிகள் வீரவணக்கநாள் பொதுக் கூட்டம் நடைபெற்றது. கூட்டத்திற்கு ஈரோடு மாநகர் மாவட்டக் கழக செயலாளர் கே.வி.ராமலிங்கம் எம்.எல்.ஏ தலைமை தாங்கினார். ஈரோடு மாநகர் மாவட்ட மாணவர் அணி செயலாளர் கே.ஆர்.ரத்தன்பிரித்திவி வரவேற்றார்.

சட்டமன்ற அவைக்குழு தலைவர் கே.எஸ்.தென்னரசு எம்.எல்.ஏ, மொடக்குறிச்சி எம்.எல்.ஏ வி.பி.சிவசுப்பிரமணி ஆகியோர் முன்னிலை வகித்தார். மாவட்ட மாணவரணி தலைவர் சி.எஸ்.சிவக்குமார், இணை செயலாளர் என்.நந்தகோபால், 38-வது வட்ட துணை செயலாளர் எஸ்.யுவராஜ், நகர இளைஞர் அணி எம்.வி.விக்னேஸ் ராஜா ஆகியோர் நன்றி கூறினர்.

இக்கூட்டத்தில் ஈரோடு மாநகர் மாவட்டக் கழக செயலாளர் கே.வி.இராமலிங்கம் எம்.எல்.ஏ பேசியதாவது:-

தியாகிகளையும், சுதந்திர போராட்ட வீரர்களையும் மதித்து அவர்களின் தியாகத்தை போற்றும் வகையில் சிறப்பு சேர்ப்பது கழகம் மட்டுமே. தாய் எட்டடி பாய்ந்தால் குட்டி பதினாறு அடி பாயும் என்ற பழமொழியை போல் புரட்சித்தலைவி அம்மா அவர்கள் பொங்கல் பரிசு தொகுப்புடன் ரூ.100 ரொக்கமாக வழங்கினார். அம்மாவின் வழியில் முதலமைச்சர் எடப்பாடி பழனிசாமி பொங்கல் பரிசு தொகுப்புடன் ரூ 1000 ரொக்கமாக வழங்கினார்.

மக்களுக்கான திட்டங்களை நிறைவேற்றி வருவது அம்மா அரசு. நாடாளுமன்ற தேர்தலின் போது திமுக பொய்யான வாக்குறுதிகளை கூறி மக்களை ஏமாற்றியது. மக்கள் விரோத திமுகவிற்கு மக்கள் விக்கிரவாண்டி நாங்குநேரி இடைத்தேர்தலில் தகுந்த பாடம் புகட்டினார்கள்.

வருகின்ற மாநகராட்சி, நகராட்சி, பேரூராட்சி தேர்தல்களில் நீங்கள் கூப்பிட்ட குரலுக்கு ஓடோடி வந்து மக்கள் சேவையாற்றும் கழகம் மற்றும் கூட்டணி வேட்பாளர்களை மாபெரும் வெற்றியடைய செய்யுங்கள். கழக அரசுக்கு மக்கள் என்றென்றும் தங்கள் நல்லாதரவை வழங்க வேண்டும். தமிழ் மொழிக்காக பாடுபடும் இயக்கம் கழகம் மட்டுமே. மொழிப்போர் தியாகிகளுக்கு வீரவணக்கம் செலுத்தி பொதுக் கூட்டம் நடத்தும் தகுதி கழகத்திற்கு மட்டுமேஉண்டு.

இவ்வாறு அவர் பேசினர்.