மதுரை

நகர்ப்புற உள்ளாட்சி தேர்தலில் 100 சதவீத வெற்றி பெறுவோம் – வி.வி.ராஜன் செல்லப்பா உறுதி

மதுரை

நகர்ப்புற உள்ளாட்சி தேர்தலில் மதுரை புறநகர் கிழக்கு மாவட்டம் 100 சதவீத வெற்றி பெறும் என்று மாவட்ட கழக செயலாளர் வி.வி.ராஜன் செல்லப்பா எம்.எல்.ஏ. உறுதிபட தெரிவித்தார்.

மதுரை புறநகர் கிழக்கு மாவட்டம் மேலூர் நகராட்சியில் போட்டியிட விருப்ப மனு அளித்த கழக நிர்வாகிகளிடம் நேற்று மாவட்ட கழக செயலாளர் வி.வி.ராஜன்செல்லப்பா எம்.எல்.ஏ. நேர்காணல் நடத்தினார். மேலூர் தொகுதி சட்டமன்ற உறுப்பினர் பெரிய புள்ளான் என்ற செல்வம், மாவட்ட கழக அவைத்தலைவர் எஸ்.எஸ்.ராஜேந்திரன், மாவட்ட கழக பொருளாளர் அம்பலம், மாவட்ட அம்மா பேரவை செயலாளர் கே.தமிழரசன் ,மாவட்ட இளைஞரணி செயலாளர் வக்கீல் ரமேஷ், ஒன்றிய கழக செயலாளர் பொன்னுச்சாமி, வெற்றி செழியன், நிலையூர் முருகன், நகர செயலாளர் பாஸ்கரன் ,பேரூராட்சி கழக செயலாளர் மணிகண்டன் உள்பட பலர் இந்நிகழ்ச்சியில் கலந்து கொண்டனர்.

இதன் பின்னர் மாவட்ட கழக செயலாளர் வி.வி.ராஜன் செல்லப்பா செய்தியாளர்களிடம் கூறியதாவது:-

அம்மாவின் ஆசியுடன் கடந்த ஊரக உள்ளாட்சி தேர்தலில் மேலூர் தொகுதியில் 2 ஒன்றிய குழு தலைவர் தேர்தலில் நாங்கள் வெற்றி பெற்றோம். அதேபோல் மேலூர் நகராட்சி தேர்தலில் கழகம் 100 சதவீதம் வெற்றி பெறும். அம்மாவின் நல்லாசியுடன் முதலமைச்சர் செய்த அரும் சாதனை திட்டங்களை வீடுவீடாக நீங்கள் எடுத்துச் சொல்லி இந்த வெற்றியை ஈட்டுவோம்.
இவ்வாறு அவர் கூறினார்.