சிறப்பு செய்திகள்

சோழிங்கநல்லூரில் போர்டு நிறுவனத்தின் அதிநவீன ஆராய்ச்சி மேம்பாட்டு மையம் – முதலமைச்சர் வைத்தார்

சென்னை

சென்னையை அடுத்த சோழிங்கநல்லூரில் போர்டு நிறுவனத்தின் அதிநவீன ஆராய்ச்சி மற்றும் மேம்பாட்டு மையத்தை முதலமைச்சர் எடப்பாடி கே.பழனிசாமி  திறந்து வைத்தார்.

மோட்டார் வாகன உற்பத்தித் துறையில் தமிழகம் முக்கிய கேந்திரமாக விளங்கி வருகிறது. இந்த நிலையில், மோட்டார் வாகன உற்பத்தியில் புதிய தொழில் நுட்பத்தின் மூலம், வர்த்தகத்தை பெருக்க ஆராய்ச்சி மற்றும் மேம்பாட்டு மையம் சென்னைக்கு அருகில் அமைக்கப்படும் என்று சர்வதேச முதலீட்டாளர் மாநாட்டில் மறைந்த முதலமைச்சர் புரட்சித்தலைவி அம்மா அவர்கள் அறிவித்திருந்தார்.

இதனை செயல்படுத்தும் வகையில் சென்னையை அடுத்த சோழிங்கநல்லூரில் உள்ள எல்காட் சிறப்பு பொருளாதார மண்டலத்தில் 28 ஏக்கர் நிலம் கார் உற்பத்தித் துறையில் முன்னிலை பெற்று விளங்கும் போர்டு நிறுவனத்துக்கு ஒதுக்கப்பட்டிருந்தது. அந்த இடத்தில் ஆட்டோ மொபைல் உற்பத்தித் துறைக்கான ஆராய்ச்சி மற்றும் மேம்பாட்டு மையத்தை போர்டு நிறுவனம் கட்டமைத்துள்ளது.

இந்த அதிநவீன தொழில்நுட்ப புதுமை மையத்தை முதலமைச்சர் எடப்பாடி கே.பழனிசாமி நேற்று காலை நேரில் சென்று திறந்து வைத்தார். இந்த நிகழ்ச்சியில் தொழில்துறை அமைச்சர் எம்.சி.சம்பத், தொழில் துறை முதன்மைச் செயலாளர் நா.முருகானந்தம், போர்டு நிறுவன தலைவர் மற்றும் நிர்வாக இயக்குநர் மைக்கேல் பிரல்மெயர் மற்றும் அரசு உயர் அலுவலர்கள் கலந்து கொண்டனர்.