சிறப்பு செய்திகள்

ஆலோசனை கூட்டத்தில் தவறாமல் பங்கேற்பீர்- மாவட்ட கழக நிர்வாகிகளுக்கு ஒருங்கிணைப்பாளர்கள் அழைப்பு

சென்னை

மாவட்ட வாரியாக கழக நிர்வாகிகள் ஆலோசனை கூட்டம் தலைமை கழகத்தில் நாளை தொடங்கி 4 நாட்கள் நடைபெறுகிறது. இக்கூட்டத்தில் சம்மந்தப்பட்ட மாவட்ட கழக நிர்வாகிகள் தவறாமல் பங்கேற்க வேண்டும் என்று கழக ஒருங்கிணைப்பாளர்கள் அழைப்பு விடுத்துள்ளனர்.

இது குறித்து தலைமை கழகம் வெளியிட்டுள்ள அறிவிப்பு வருமாறு:-

அனைத்திந்திய அண்ணா திராவிட முன்னேற்றக் கழக நிர்வாகிகள் ஆலோசனைக் கூட்டம் – 10.2.2020 முதல் 13.2.2020 வரை
அனைத்திந்திய அண்ணா திராவிட முன்னேற்றக் கழக வளர்ச்சிப் பணிகள் குறித்தும் தேர்தல் பணிகள் குறித்தும், அனைத்து மாவட்டங்களைச் சேர்ந்த நிர்வாகிகள் பங்குபெறும் ஆலோசனைக் கூட்டம் தலைமைக் கழகத்தில் வருகின்ற 10.2.2020 – திங்கட்கிழமை முதல் 13.2.2020 – வியாழக்கிழமை வரை தினமும் காலை, மாலை என இருவேளைகளிலும் மாவட்டம் வாரியாக நடைபெறும் என ஏற்கெனவே அறிவிப்பு வெளியிடப்பட்டிருந்தது.

இந்த ஆலோசனைக் கூட்டத்தில், சம்பந்தப்பட்ட மாவட்டங்களைச் சேர்ந்த ஒன்றியக் கழகச் செயலாளர்களும், நகரக் கழகச் செயலாளர்களும் மற்றும் மாநகராட்சிகளைச் சேர்ந்த பகுதிக் கழகச் செயலாளர்களும், தாங்கள் சார்ந்துள்ள மாவட்டத்திற்கான தேதி மற்றும் குறித்த நேரத்தில் தவறாமல் கலந்துகொள்ளுமாறு கேட்டுக்கொள்ளப்படுகிறார்கள்.

கழக ஒருங்கிணைப்பாளர்,கழக இணை ஒருங்கிணைப்பாளர் மாண்புமிகு தமிழ் நாடு துணை முதலமைச்சர் | மாண்புமிகு தமிழ் நாடு முதலமைச்சர் திரு. ஓ. பன்னீர்செல்வம், I திரு. எடப்பாடி K. பழனிசாமி ஆகியோரின் ஒப்புதலோடு இந்த அறிவிப்பு வெளியிடப்படுகிறது.