சிறப்பு செய்திகள்

கழக நிர்வாகிகளுடன் ஒருங்கிணைப்பாளர்கள் ஆலோசனை – மாவட்ட வாரியாக சந்தித்து கலந்துரையாட

சென்னை

மாவட்ட கழக நிர்வாகிகள் ஆலோசனை கூட்டம் தலைமை கழகத்தில் 10-ந்தேதி முதல் 13-ந்தேதி வரை 4 நாட்கள் நடைபெறும் என்று அறிவிக்கப்பட்டிருந்தது. இந்த ஆலோசனை கூட்டத்தில் தலைமை கழக நிர்வாகிகள், அமைச்சர்கள், மாவட்ட கழக செயலாளர்கள், கழக நாடாளுமன்ற, சட்டமன்ற உறுப்பினர்கள், முக்கிய நிர்வாகிகள், முன்னாள் அமைச்சர்கள், ஒன்றிய, நகர, பேரூராட்சி மற்றும் பகுதி கழக செயலாளர்கள் தவறாது பங்கேற்க வேண்டும் என்று ஒருங்கிணைப்பாளர்கள் அழைப்பு விடுத்திருந்தனர்.

இந்நிலையில் சென்னை ராயப்பேட்டையில் உள்ள தலைமை கழகத்தில் நேற்று காலை கழக நிர்வாகிகள் ஆலோசனை கூட்டம் தொடங்கியது. கழக ஒருங்கிணைப்பாளரும், துணை முதலமைச்சருமான ஓ.பன்னீர்செல்வம், கழக இணை ஒருங்கிணைப்பாளரும், முதலமைச்சருமான எடப்பாடி கே.பழனிசாமி ஆகியோர் தலைமையில் இக்கூட்டம் நடைபெற்றது.

காலையில் கரூர், தஞ்சாவூர் வடக்கு, தஞ்சாவூர் தெற்கு, நாகப்பட்டினம், திருவாருர், புதுக்கோட்டை, பெரம்பலூர் ஆகிய மாவட்டங்களுக்கு உட்பட்ட தலைமை கழக நிர்வாகிகள், அமைச்சர்கள், மாவட்டக் கழகச் செயலாளர்கள், கழக நாடாளுமன்ற, சட்டமன்ற உறுப்பினர்கள், முக்கிய நிர்வாகிகள், முன்னாள் அமைச்சர்கள், ஒன்றிய, நகர,பேரூராட்சி மற்றும் பகுதி கழக செயலாளர்கள் ஆலோசனை கூட்டம் மாவட்டம் வாரியாக நடைபெற்றது.

மாலையில் மதுரைமாநகர், மதுரை புறநகர் கிழக்கு, மதுரை புறநகர் மேற்கு, திண்டுக்கல், விருதுநகர், திருச்சி மாநகர், திருச்சி புறநகர் மாவட்டங்களை சேர்ந்த கழக நிர்வாகிகள் ஆலோசனை கூட்டம் நடைபெற்றது.இந்த ஆலோசனை கூட்டத்தில்கழக வளர்ச்சிப் பணிகள் குறித்தும், தேர்தல் பணிகள் குறித்தும் விரிவாக ஆலோசனை நடத்தப்பட்டது. இந்த ஆலோசனை கூட்டம் 13-ந்தேதி வரை நடைபெறுகிறது.