தமிழகம்

நகர்ப்புற உள்ளாட்சித் தேர்தல் 27 மாவட்ட ஆட்சித்தலைவர்களுடன் மாநில தேர்தல் ஆணையர் ஆலோசனை

சென்னை

நகர்ப்புற உள்ளாட்சித் தேர்தல் தொடர்பாக 27 மாவட்ட ஆட்சித்தலைவர்களுடன் மாநில தேர்தல் ஆணையர் நேற்று காணொலி காட்சி மூலம் கலந்துரையாடினார்.

சென்னை கோயம்பேட்டில் உள்ள தமிழ்நாடு மாநில தேர்தல் ஆணைய கூட்டரங்கில் தமிழ்நாடு மாநில தேர்தல் ஆணையர் ரா.பழனிசாமி தலைமையில் 27 மாவட்ட தேர்தல் அலுவலர்கள், மாவட்ட ஆட்சித்தலைவர்கள் மற்றும் சென்னை மாவட்ட தேர்தல் அலுவலர், மாநகராட்சி ஆணையர் ஆகியோருடன் நகர்ப்புற உள்ளாட்சி தேர்தல் தொடர்பாக காணொலி காட்சி மூலம்  கலந்துரையாடி ஆலோசனை நடத்தினார்.

வாக்குச்சாவடிகளை கண்டறிதல், 14.2.2020 அன்று வெளியிடப்படவுள்ள ஒருங்கிணைந்த வாக்காளர் பட்டியலை தொடர்புடைய நகர்ப்புற உள்ளாட்சி அமைப்புகளுக்கு அளித்தல், உரிய காலத்திற்கள் வரைவு வாக்காளர் பட்டியலை தயாரித்தல் மற்றும் வரைவு வாக்காளர் படடியலை வெளியிடுதல், நடைபெற்று முடிந்த ஊரக உள்ளாட்சித் தேர்தலில் போட்டியிட்ட வேட்பாளர்களின் செலவின கணக்குகளை பெற்று சரிபார்த்தல், தேர்தல் தொடர்பான வழக்குகளுக்கு நீதிமன்றத்தில் பதில் மனு தாக்கல் செய்தல், மாநில தேர்தல் ஆணையத்தின் வலைதளத்தில் தேர்தல் தொடர்பான புள்ளி விவரங்களை பதிவேற்றம் செய்தல் குறித்து மாநில தேர்தல் ஆணையர் பழனிசாமி அறிவுரை வழங்கினார்.

இக்கூட்டத்தில் தமிழ்நாடு மாநில தேர்தல் ஆணைய செயலாளர் இல.சுப்பிரமணியன் மற்றும் ஆணையத்தின் அலுவலர்கள் கலந்து கொண்டனர்.