சிறப்பு செய்திகள்

மாவட்ட நிர்வாகிகளுடன் 2-வது நாளாக கழக ஒருங்கிணைப்பாளர்கள் ஆலோசனை

சென்னை

கட்சி வளர்ச்சிப் பணிகள் மற்றும் தேர்தல் பணிகள் குறித்து மாவட்ட நிர்வாகிகளுடன் நேற்று 2-வது நாளாக கழக நிர்வாகிகள் ஆலோசனை நடத்தினர்.

சென்னை ராயப்பேட்டையில் உள்ள தலைமை கழகத்தில் நேற்று முன்தினம் மாவட்ட கழக நிர்வாகிகள் ஆலோசனை கூட்டம் தொடங்கியது. முதல்நாளான அன்று கரூர், தஞ்சாவூர் வடக்கு, தஞ்சாவூர் தெற்கு, நாகப்பட்டினம், திருவாரூர், புதுக்கோட்டை, பெரம்பலூர், மதுரை மாநகர், மதுரை புறநகர் மேற்கு, மதுரை புறநகர் கிழக்கு, திண்டுக்கல், விருதுநகர், திருச்சி மாநகர், திருச்சி புறநகர் ஆகிய 14 மாவட்ட நிர்வாகிகளுடன் ஒருங்கிணைப்பாளர்கள் கட்சி வளர்ச்சிப் பணிகள், தேர்தல் பணிகள் குறித்தும் ஆலோசனை நடத்தினர்.

இரண்டாம் நாளான நேற்றும் கழக ஒருங்கிணைப்பாளரும், துணை முதலமைச்சருமான ஓ.பன்னீர்செல்வம், கழக இணை ஒருங்கிணைப்பாளரும், முதலமைச்சருமான எடப்பாடி கே.பழனிசாமி ஆகியோர் தலைமையில் மாவட்ட கழக நிர்வாகிகள் ஆலோசனை கூட்டம் நடைபெற்றது. கழக மனுக்கள் பரிசீலனை குழுவை சேர்ந்த கழக துணை ஒருங்கிணைப்பாளர் கே.பி.முனுசாமி, கழக துணை ஒருங்கிணைப்பாளரும், கழக அமைப்பு செயலாளரும், தஞ்சாவூர் தெற்கு மாவட்ட கழக செயலாளருமான ஆர்.வைத்திலிங்கம் எம்.பி., கழக அமைப்பு செயலாளர் நத்தம் இரா.விசுவநாதன், கழக அமைப்பு செயலாளரும், நாமக்கல் மாவட்ட கழக செயலாளரும், மின்சாரம், மதுவிலக்கு மற்றும் ஆயத்தீர்வைத்துறை அமைச்சருமான பி.தங்கமணி, கழக அமைப்பு செயலாளரும், கோவை புறநகர் மாவட்ட கழக செயலாளரும், நகராட்சி நிர்வாகம், ஊரக வளர்ச்சி மற்றும் சிறப்பு திட்டங்கள் செயலாக்கத்துறை அமைச்சருமான எஸ்.பி.வேலுமணி ஆகியோர் முன்னிலை வகித்தனர்.

காலையில் திருவண்ணாமலை வடக்கு, திருவண்ணாமலை தெற்கு, நீலகிரி, சிவகங்கை, ராமநாதபுரம், தூத்துக்குடி வடக்கு, தூத்துக்குடி தெற்கு ஆகிய 7 மாவட்டங்களுக்குட்பட்ட தலைமை கழக நிர்வாகிகள், அமைச்சர்கள், கழக நாடாளுமன்ற, சட்டமன்ற உறுப்பினர்கள், முக்கிய நிர்வாகிகள், முன்னாள் அமைச்சர்கள், ஒன்றிய, நகர, பேரூராட்சி மற்றும் பகுதி கழக செயலாளர்கள் ஆலோசனை கூட்டம் நடைபெற்றது.

மாலையில் கன்னியாகுமரி கிழக்கு, கன்னியாகுமரி மேற்கு, கடலூர் கிழக்கு, கடலூர் மத்தியம், கடலூர் மேற்கு, திருவள்ளூர் கிழக்கு, திருவள்ளூர் மேற்கு ஆகிய 7 மாவட்டங்களுக்குட்பட்ட தலைமை கழக நிர்வாகிகள், அமைச்சர்கள், கழக நாடாளுமன்ற, சட்டமன்ற உறுப்பினர்கள், முக்கிய நிர்வாகிகள், முன்னாள் அமைச்சர்கள், ஒன்றிய, நகர, பேரூராட்சி மற்றும் பகுதி கழக செயலாளர்கள் ஆலோசனை கூட்டம் மாவட்டம் வாரியாக நடைபெற்றது.

இந்த ஆலோசனை கூட்டங்களில் கழக வளர்ச்சிப் பணிகள் குறித்தும், தேர்தல் பணிகள் குறித்தும் விரிவாக ஆலோசனை நடத்தப்பட்டது.