தற்போதைய செய்திகள்

மேற்கு ஆரணி ஒன்றியக்குழு முதல் கூட்டம் – அமைச்சர் சேவூர் எஸ்.இராமச்சந்திரன் பங்கேற்பு

திருவண்ணாமலை

திருவண்ணாமலை மாவட்டம் மேற்கு ஆரணி ஒன்றியக்குழு முதல் கூட்டத்தில் இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் பங்கேற்பு.

திருவண்ணாமலை மாவட்டம் மேற்கு ஆரணி ஒன்றியக்குழு முதல் கூட்டம் வியாழக்கிழமை நடைபெற்றது இக்கூட்டத்திற்கு இந்து சமய அறநிலையத்துறை அமைச்சர் சேவூர் எஸ்.இராமச்சந்திரன் சிறப்பு விருந்தினராக பங்கேற்றார்.

ஒன்றிய குழு தலைவர் பச்சையம்மாள் சீனிவாசன் தலைமை தாங்கினார். ஒன்றிய குழு துணைத்தலைவவர் ஆ.வேலாயுதம், வட்டார வளர்ச்சி அலுவலர்கள் த.கிருஷ்ணமூர்த்தி, ஆர்.சுப்பிரமணி ஆகியோர் முன்னிலை வகித்தனர்.

கூட்டத்தில் அமைச்சர் சேவூர் எஸ்.இராமச்சந்திரன் பேசியதாவது:-

ஆரணி தொகுதியில் அம்மாவின் வழியில் நடைபெறும் அரசு பல்வேறு திட்டங்களை செயல் படுத்தியுள்ளது, தலைவர், துணைத்தலைவர், ஒன்றிய குழு உறுப்பினர்கள் தங்கள் பகுதியில் உள்ள குறைகளை சொல்லுங்கள் மக்கள் குறைகள் உடனடியாக நிறைவேற்றப்படும், தங்கள் பகுதி ஊராட்சி மன்ற அலுவலகங்களில் ஒன்றிய குழு உறுப்பினர்கள் நாள் ஒன்றுக்கு ஒருமணிநேரம் அமர்ந்து மக்கள் குறைகளை கேட்டறியுங்கள், நான் ஒன்றிய குழு உறுப்பினர், ஊராட்சி மன்ற தலைவர் உள்ளிட்ட பல்வேறு பொறுப்புகளில் இருந்தவன் ஆகையால் கூறுகிறேன் கட்சி பாகுபாடில்லாமல் மக்கள் பணி செய்யுங்கள் குறை இருந்தால் என்னிடம் கூறுங்கள் என் தொலைபேசி எண்:9443328045 என்ற எண்ணில் தொடர்பு கொள்ளுங்கள் என்று பேசினார்.

பின்னர் நடைபெற்ற ஒன்றிய குழு கூட்டத்தில் ஊரக உள்ளாட்சி தேர்தல் வெற்றி கரமாக நடத்தி முடித்தமைக்கும், மேற்கு ஆரணி ஒன்றிய அலுவலகம் புதியதாக கட்டுவதற்காக ரூ293.12 இலட்சம் நிதி ஒதுக்கீடு செய்து அரசாணை வெளியிட்டமைக்கும் முதல்வர், துணைமுதல்வர், உள்ளாட்சி துறை அமைச்சர், இந்து சமய அறநிலையத்துறை அமைச்சர் சேவூர் எஸ்.இராமச்சந்தின், மாவட்ட ஆட்சித்தலைவர் க.சு.கந்தசாமி ஆகியோர்களுக்கு ஒன்றியகுழு சார்பில் பாராட்டுகளையும், நன்றியினையும் தெரிவித்து தீர்மானங்கள் நிறைவேற்றினர்.

கூட்டத்தில் மாவட்ட கவுன்சிலர்கள் அ.கோவிந்தராசன், பூங்கொடிதிருமால், நகர அம்மா பேரவை செயலாளர் பாரி பி.பாபு, நகர செயலாளார் அசோக்குமார், மேற்கு ஆரணி ஒன்றிய செயலாளர் எம்.வேலு, பாசறை மாவட்ட செயலாளர் ஜி.வி.கஜேந்திரன் மற்றும் ஒன்றிய குழ உறுப்பினர்கள் பங்கேற்றனர்.