தற்போதைய செய்திகள்

பிளஸ்- 2 பாடத்திட்டங்களை படித்தாலே நீட் தேர்வில் 80 சதவீதம் தேர்ச்சி அடையலாம் – அமைச்சர் கே.ஏ.செங்கோட்டையன் தகவல்

சென்னை

பிளஸ் 2 பாடத்திட்டங்களை படித்தாலே நீட் தேர்வில் 80 சதவீதம் தேர்ச்சி அடையலாம் என்று பள்ளிக்கல்வித்துறை அமைச்சர் கே.ஏ.செங்கோட்டையன் தெரிவித்தார்.

தமிழக சட்டப்பேரவையில் நேற்று நிதி நிலை அறிக்கை மீதான விவாதத்தில் திமுக உறுப்பினர் மனோ தங்கராஜ் பேசுகையில், தமிழகத்தில் நீட் தேர்வு கொண்டு வரப்பட்டுள்ளது, இதற்காக மாணவர்களுக்கு வழங்கப்பட்ட பயிற்சியின் காரணமாக 4 மாணவர்கள் தான் தேர்ச்சி அடைந்துள்ளனர்.சென்னை ஐஐடியில் ஏழு மாணவர்களுக்கே இடம் கிடைத்திருக்கிறது என்று பேசினார்.

இதற்கு பதிலளித்த அமைச்சர் கே.ஏ.செங்கோட்டையன் இந்தியாவிலேயே நீட் தேர்வுக்கு பயிற்சியளிக்கும் ஒரே மாநிலம் தமிழகம் தான், நீட் தேர்வை எளிதாக எதிர்கொள்ளும் வகையில் பாடத்திட்டங்கள் மாற்றியமைக்கப்பட்டுள்ளன. தனியார் நிறுவனங்களிடம் இதுபோன்ற பயிற்சியை பெற ரூ.2 லட்சம் வரை செலவாகும்.

ஆனால் தமிழகத்தில் இலவசமாக நீட் தேர்வுக்கு இலவசமாக பயிற்சியளிக்கப்படுகிறது. மேலும் தமிழக அரசு கொண்டு வந்துள்ள பிளஸ் 2 பாடத்திட்டத்தை முழுமையாக படித்தாலே நீட் தேர்வில் 80 சதவீதம் மாணவர்கள் தேர்ச்சி அடையலாம் என தெரிவித்தார்.