தமிழகம்

தேர்தல் தொடர்பாக புகார் தெரிவிக்க கட்டணமில்லா தொலைபேசி எண்கள் – மாநில தேர்தல் ஆணையம் அறிவிப்பு

சென்னை

ஊரக உள்ளாட்சித் தேர்தலில் பொதுமக்கள் தங்கள் புகார்களை தெரிவிக்க கட்டணமில்லா தொலைபேசி எண்களை மாநில தேர்தல் ஆணையம் அறிவித்துள்ளது.

தமிழ்நாடு மாநில தேர்தல் ஆணையம் வெளியிட்டுள்ள செய்திக்குறிப்பில் கூறியிருப்பதாவது:-

தமிழ்நாட்டில் உள்ளாட்சித் தேர்தல்கள் நியாயமாகவும், நேர்மையாகவும், சுதந்திரமாகவும் நடைபெறுவதற்காக தமிழ்நாடு மாநில தேர்தல் ஆணையம் பல்வேறு நடவடிக்கைகளை எடுத்து வருகிறது. 2019 சாதாரண உள்ளாட்சித் தேர்தல்களில் நடைமுறையில் உள்ள மாதிரி நன்னடத்தைவிரதிகள் தவறாமல் கடைபிடிக்கப்படுகிறதா? என்பது கண்காணிக்கப்பட்டு மீறுபவர்கள் மீது உரிய நடவடிக்கை எடுக்கப்பட்டு வருகிறது.

இந்நடவடிக்கையை உறுதிப்படுத்தும் வகையில் உள்ளாட்சித் தேர்தல்கள் குறித்து புகார்களை பெறுவதற்கு மாநில தேர்தல் ஆணைய அலுவலகத்தின் தரை தளத்தில் அலுவல் மற்றும் விடுமுறை நாட்கள் உள்பட அனைத்து நாட்களிலும் இயங்கு புகார் மையம் அமைக்கப்பட்டுள்ளது. பொதுமக்கள் ஊரக உள்ளாட்சித் தேர்தல்கள் சம்பந்தமான புகார்களை 1800 425 7072, 1800 425 7073, 1800 425 7074 ஆகிய கட்டணமில்லா தொலைபேசி எண்களில் பொதுமக்கள் தேர்தல் தொடர்பான புகார்களை பதிவு செய்யலாம்.

இவ்வாறு அந்த செய்திக்குறிப்பில் கூறப்பட்டுள்ளது.