தற்போதைய செய்திகள்

அ.இ.அ.தி.மு.க.வுடன் கூட்டணி மகிழ்ச்சி அளிக்கிறது – ச.ம.க.தலைவர் சரத்குமார் பேட்டி

சென்னை

அ.இ.அ.தி.மு.க.வுடனான கூட்டணி மகிழ்ச்சி அளிக்கிறது உள்ளாட்சி தேர்தலில் நாங்கள் கேட்ட இடங்களை கொடுத்து விட்டது என்று ச.ம.க தலைவர் சரத்குமார் கூறினார்.

விமான நிலையத்தில் சமத்துவ மக்கள் கட்சி தலைவரும், நடிகருமான சரத்குமார் நிருபர்களிடம் கூறியதாவது:-

உள்ளாட்சி தேர்தலை பொறுத்தவரையில் தமிழகத்தில் ச.ம.க.வலிமையாக உள்ள இடங்களை கேட்டுள்ளோம். நாங்கள் கேட்ட இடங்களில் 90 சதவீதத்தை அ.தி.மு.க ஒதுக்கி தந்து உள்ளது. கூட்டணி மகிழ்ச்சியாக உள்ளது. மற்றபடி வேறு எந்த பிரச்சினையும் இல்லை.குடியுரிமை திருத்த சட்டத்தில் ஒரு சில மாற்றங்களை செய்யலாம். இது நாட்டுக்கு தேவையான சட்டம். இலங்கை தமிழர்கள் அகதிகள் விவகாரத்திலும் நடவடிக்கை எடுக்கப்பட வேண்டும்.

இவ்வாறு நடிகர் சரத்குமார் கூறினார்.