திருவண்ணாமலை

அரடாப்பட்டு கூட்டுறவு கடன் சங்கம் சார்பில் விவசாயிகள் மகளிர் குழுக்களுக்கு கடனுதவி – பெருமாள்நகர் கே.ராஜன் வழங்கினார்

திருவண்ணாமலை

அரடாப்பட்டு கூட்டுறவு கடன் சங்கம் சார்பில் விவசாயிகள் மற்றும் மகளிர் குழுக்களுக்கு கடனுதவிகளை திருவண்ணாமலை மாவட்ட மத்திய கூட்டுறவு வங்கி தலைவர் பெருமாள்நகர் கே.ராஜன் வழங்கினார்.

திருவண்ணாமலை மாவட்ட மத்திய கூட்டுறவு வங்கியின் கீழ் இயங்கும் அரடாப்பட்டு தொடக்க வேளாண்மை கூட்டுறவு கடன் சங்கம் சார்பில் விவசாய பெருங்குடி மக்களுக்கு பயிர்கடன், கறவை மாடு ,மற்றும் மகளிர் சுய உதவிக் குழுக்களுக்கு வட்டியில்லா கடன் வழங்கும் விழா நடைபெற்றது. விழாவிற்கு தொடக்க வேளாண்மை கூட்டுறவு சங்கத் தலைவர் வள்ளி ராஜா தலைமை தாங்கினார். துணைத்தலைவர் குமார் மற்றும் இயக்குனர்கள் முன்னிலை வகித்தனர்.

இந்நிகழ்ச்சியில் திருவண்ணாமலை மாவட்ட மத்திய கூட்டுறவு வங்கி தலைவர் பெருமாள் நகர் கே.ராஜன் 39 பயனாளிகளுக்கு ரூ.11 லட்சத்து 70 ஆயிரம் மதிப்பில் கறவை மாடு கடன், 19 விவசாயிகளுக்கு ரூ.11 லட்சத்து 34 ஆயிரம் பயிர்கடன் மற்றும் மகளிர் சுய உதவிக் குழுக்களுக்கு ரூ.10 லட்சம் வட்டியில்லா கடன் உட்பட 85 பயனாளிகளுக்கு ரூ.35 லட்சம் மதிப்பில் கடன் உதவிகைள வழங்கினார். இதை தொடர்ந்து கூட்டுறவு சங்க வளாகத்தில் தென்னங்கன்று, தேக்கு, பூவரசன் உள்ளிட்ட 25க்கும் மேற்பட்ட மரக்கன்றுகள் நடப்பட்டன.