தற்போதைய செய்திகள்

கிறிஸ்தவ தேவாலயத்தில் பொதுமக்களுக்கு அன்னதானம் – அமைச்சர் செல்லூர் கே.ராஜூ வழங்கினார்

மதுரை

மதுரை மாநகர் மாவட்ட எம்.ஜி.ஆர் மன்றத்தின் சார்பில் கிறிஸ்தவ தேவாலயத்தில் பொதுமக்களுக்கு அமைச்சர் செல்லூர் கே.ராஜூ அன்னதானம் வழங்கினார்.

முதலமைச்சர் மற்றும் துணைமுதலமைச்சர் ஆணைக்கிணங்க மதுரை மாநகர் மாவட்ட எம்.ஜி.ஆர் மன்றத்தின் சார்பில் அம்மாவின் 72-வது பிறந்தநாளை முன்னிட்டு மதுரை சென்மேரிஸ் கிறிஸ்தவ தேவாலயத்தில் மாபெரும் அன்னதான நிகழ்ச்சி நடைபெற்றது.

இந்த நிகழ்ச்சியில் பொதுமக்களுக்கு அன்னதானத்ைத அமைச்சர் செல்லூர் கே.ராஜூ வழங்கினார்

நிகழ்ச்சியில் அமைச்சர் செல்லூர் கே.ராஜூ பேசியதாவது:-

குடியுரிமை சட்டம் குறித்த அதிமுகவின் நிலைப்பாட்டை முதல்வர் துணைமுதல்வர் தெளிவுப்படுத்தி உள்ளனர். திமுக வாக்குக்காக மக்களை பிரித்து வருகிறது. மத ரீதியாக மக்களை பிரித்து சிறுபான்மையினர் வாக்குகளை பெறுவதற்காக உள்நோக்கத்தோடு செயல்படுகிறது. அதிமுக ஆட்சியை பற்றி திமுக எந்தக் குறையும் சொல்ல முடியாது. சிறுபான்மை இன மக்களை வாக்கு ரீதியாக பிரித்து செயல்படும் திமுகவின் எண்ணத்தை கண்டிக்கிற வகையில் ஓபிஎஸ்,இபிஎஸ் கூட்டு அறிக்கை வெளியிட்டுள்ளனர்.

அம்மா சிறுபான்மை இன மக்களுக்கு காப்பாளராக அரணாக இருந்தாரோ அதே போல தற்போது முதல்வர் எடப்பாடியும் இஸ்லாமியர்களுக்கு காப்பாளராக பாதுகாப்பு அரணாக இருந்து வருகிறார்.சிறுபான்மையினருக்கு முதலமைச்சர் செய்துவரும் நலத்திட்டங்களை கண்டு திமுகவினர் பிரமிக்கின்றனர். ஆச்சரியப்படுகின்றனர். திமுக ஆட்சியில் சிறுபான்மை மக்களுக்கு செய்த சாதனை திட்டங்களை ஸ்டாலின் கூறமுடியுமா அவரால் கூற முடியாது ஏனென்றால் சிறுபான்மையின மக்களை வாக்கு வங்கிக்காக தான் பயன்படுத்துவாரே தவிர அவர்களுக்கு ஏதும் செய்யமாட்டார்

தமிழக அரசு செய்து வரும் குடி மராமத்து பணிகளை திமுக தலைவர் நன்றாக கவனிக்கட்டும் அதைப் பற்றி எங்களுக்கு கவலை கிடையாது. திமுக ஆட்சியில் செய்யாத குடிமராமத்து பணியை அதிமுக ஆட்சியில் செய்து வருகிறோம். நாடு முழுக்க மக்கள் செழிப்போடு இருந்து வருகிறார்கள். அதிமுக ஆட்சியில் செய்கிற திட்டங்களை பார்த்து திமுக தலைவர் ஸ்டாலின் திருந்த வேண்டும். அவர் திருந்துவாரா என்று பொறுத்திருந்து பார்ப்போம்.

திமுகவின் குணமும் மனமும் ஒரு போதும் மாறாது. இந்த உலகில் பொய்யை மட்டுமே மூலதனமாக வைத்துக்கொண்டு அரசியல் செய்யும் ஒரே தலைவர் என்றால் அது ஸ்டாலின் தான். இதை நான் சொல்லவில்லை மக்களே கூறுகின்றனர். செல்லாத நோட்டான ராஜகண்ணப்பன் திமுகவில் இருந்து விலகி அதிமுகவில் சேர்ந்து அதிமுகவில் செல்லாமல் ஆகி மீண்டும் திமுகவில் இணைகிறார்.

இதைக்கூட பெரிய விஷயமாக திமுக கருதுகிறது. அதிமுக ஆட்சிக்கும், கட்சிக்கும் ஏதாவது இடையூறு கொடுக்க வேண்டும் என திமுக தலைவர் எண்ணுகிறார். அதிமுக யார் கையிலும் இல்லை. மக்கள் கையில் மட்டுமே உள்ளது. மக்களுக்காகத் தான் மத்திய அரசுடன் இணக்கமாக இருக்கிறோம். மத்திய அரசுடன் இணக்கமாக இருந்ததால் தான் பல்வேறு திட்டங்களை தமிழகத்தில் முதல்வர் சிறப்பாக செயல்படுத்தி வருகிறார்.

இவ்வாறு அமைச்சர் செல்லூர் கே.ராஜூ பேசினார்.

இந்நிகழ்ச்சியில் மதுரை மாநகர் மாவட்ட எம்.ஜி.ஆர் மன்ற செயலாளர் எஸ்.டி.ஜெயபாலன், அனைத்துலக எம்.ஜி.ஆர் மன்ற துணைச் செயலாளர் எம்.எஸ்.பாண்டியன் மதுரை மாநகர் மாவட்ட கழக பொருளாளர் ஜெ.ராஜா, மதுரை மாநகர் மாவட்ட கழக துணை செயலாளர் தங்கம், முன்னாள் சட்டமன்ற உறுப்பினர் அண்ணாதுரை, முன்னாள் துணைமேயர்கள் நவநீதகிருஷ்ணன், திரவியம், கழக மாணவரணி இணைச்செயலாளர் குமார் உட்பட பலர் கலந்து கொண்ட