தற்போதைய செய்திகள்

தமிழக பெண்களின் முன்னேற்றத்திற்கு பாடுபட்டவர் புரட்சித்தலைவி அம்மா – அமைச்சர் எம்.சி.சம்பத் புகழாரம்

கடலூர்

தமிழக பெண்களின் முன்னேற்றத்துக்கு பாடுபட்டவர் புரட்சித்தலைவி அம்மா என்று அமைச்சர் எம்.சி.சம்பத் புகழாரம் சூட்டினார்.

புரட்சித்தலைவி அம்மா பிறந்தநாளை முன்னிட்டு கடலூர் மத்திய மாவட்ட கழகம் சார்பில் கோ.சத்திரத்தில் நலத்திட்ட உதவிகள் மற்றும் வழங்கும் விழா நடைபெற்றது.

இந்த நிகழ்ச்சியில் மத்திய மாவட்ட கழக செயலாளரும், தொழில் துறை அமைச்சருமான எம்.சி.சம்பத் கலந்து கொண்டு 1500 நபர்களுக்கு வேட்டி சேலை மற்றும் அன்னதானம் வழங்கி பேசியதாவது:-

புரட்சித்தலைவி அம்மா அவர்கள் தனது பிறந்த நாளை ஏழை, எளிய மக்களுக்கு நலத்திட்ட உதவிகள் வழங்கி கொண்டாட வேண்டும் என்று அன்பான வேண்டுகோள் விடுத்திருந்தார். அவர் வேண்டுகோளை ஏற்று அம்மாவின் பிறந்த நாளில் தமிழகம் முழுவதும் கழகத்தினர் நலத்திட்ட உதவிகள் வழங்கியும் அன்னதானம் வழங்கியும் கொண்டாடி வருகின்றனர். தமிழகத்தில் பெண்கள் முன்னேற்றம் பெற வேண்டும் என்ற அடிப்படையில் ஆட்சி நடத்தியவர் புரட்சித்தலைவி அம்மா.

பெண்கள் முன்னேறினால் தான் நாடு முன்னேறும் என்ற கருத்தின் அடிப்படையில் பெண்களின் பொருளாதாரம் மேம்பட, பெண்களின் கண்ணீரை துடைக்க, பெண்கள் கல்வியறிவு பெறவேண்டும் என்று ஆராய்ந்து அதற்கு ஏற்ப திட்டங்களை வகுத்து ஆட்சி நடத்தியவர் அம்மா. பெண்கள் முன்னேற்றத்திற்காக மகளிர் சுய உதவி குழுக்கள் என்ற திட்டத்தை கொண்டு வந்து பல குடும்பங்களின் குடும்பத்தின் முன்னேற்றத்திற்கு பெரிதும் உறுதுணையாய் இருந்தவர் அம்மா.

பெண்களுக்காக தனி காவல் நிலையம், பெண் கமாண்டோ படை என மகளிர்களை வாழ்க்கையில் மேன்மை அடையச் செய்தார். அரசின் நலத்திட்டங்கள் விலையில்லா கறவை மாடுகள், ஆடுகள், இலவச வீடுகள் என திட்டங்கள் அனைத்தையும் பெண்களுக்காகவே வழங்கினார். கர்ப்பிணித் தாய்மார்களின் உதவித்தொகையை 12000 ரூபாயிலிருந்து 18000 ரூபாயாக உயர்த்தியவர்.

பாலூட்டும் தாய்மார்கள் பேருந்து நிலையங்களில் குழந்தைகளுக்கு பாலூட்ட தனி அறை அமைத்து பெண்களின் துயரங்களை கலைந்தவர் என அம்மா பெண்களுக்கு செய்த நன்மைகளை சொல்லிகொண்டே செல்லலாம். அவர் வழியில் ஆட்சி செய்து வரும் முதலமைச்சர் எடப்பாடி கே.பழனிசாமி வேலைக்குச் செல்லும் மகளிருக்கு மானிய விலையில் இருசக்கர வாகனம் வழங்கி இது அம்மாவின் ஆட்சி தான் என்று மக்களுக்கு உணர்த்தி கொண்டிருக்கிறார். நமது முதல்வர் அம்மாவின் பிறந்தநாளை பெண் குழந்தைகளின் பாதுகாப்பு தினமாக அறிவித்து பெண் இனத்திற்கு பெருமை சேர்த்திருக்கிறார்.

இவ்வாறு அமைச்சர் எம்.சி.சம்பத் பேசினார்.