சிறப்பு செய்திகள்

விவசாயிகளுக்கு மாதந்தோறும் ரூ.3 ஆயிரம் ஓய்வூதியம் – ஜார்க்கண்டில் திட்டத்தை பிரதமர் தொடங்கி வைத்தார்…

ராஞ்சி

சிறு, குறு விவசாயிகள் 60 வயதை அடையும் போது அவர்களுக்கு மாதந்தோறும் ரூ.3 ஆயிரம் ஓய்வூதியம் வழங்கும் திட்டத்தை பிரதமர் நரேந்திர மோடி தொடங்கி வைத்தார்.

விவசாயிகளுக்கு ஓய்வூதியம் வழங்கும் திட்டத்தை ஜார்க்கண்ட் மாநிலம் ராஞ்சியில் நேற்று பிரதமர் நரேந்திர மோடி நேற்று தொடங்கி வைத்தார்.

விழா மேடையில் அவர் ஓய்வூதிய பயனாளிகளுக்கு திட்டத்தில் சேர்ந்ததற்கான அடையாள அட்டையை வழங்கினார். விவசாயிகளுக்கான ஓய்வூதிய திட்ட தொடக்க விழாவில் தமிழகத்தின் சார்பில் பங்கேற்க தஞ்சை மாவட்டம் பாபநாசம் தாலுகாவை சேர்ந்த விவசாயி சத்திய நாராயணன் தேர்வு செய்யப்பட்டார்.

அவருக்கு விழா மேடையில் பிரதமர் மோடி ஓய்வூதிய திட்டத்திற்கான உறுப்பினர் அடையாள அட்டையை வழங்கினார். விவசாயிகள் ஓய்வூதிய திட்டத்தில் தமிழ்நாட்டை சேர்ந்த 37 ஆயிரத்து 904 பேர் இதுவரை சேர்க்கப்பட்டு உள்ளனர்.

புதுக்கோட்டை மாவட்டத்தில் அதிகபட்சமாக 4953 பேர் இணைந்துள்ளனர். ஜார்க்கண்ட் மாநில புதிய சட்டப்பேரவை ரூ.465 கோடியில் கட்டப்பட்டு உள்ளது. 3 தளங்கள் கொண்ட இந்த கட்டடத்தையும் பிரதமர் திறந்து வைத்தார்.