தற்போதைய செய்திகள்

தரம் கெட்டு பேசுபவர்களிடம் தரத்தை எதிர்பார்க்க முடியாது முன்னாள் அமைச்சர் பா.வளர்மதி கடும் தாக்கு

காஞ்சிபுரம்:-

தரம்கெட்டு பேசுபவர்களிடம் தரத்தை எதிர்பார்க்க முடியாது என்று முன்னாள் அமைச்சர் பா.வளர்மதி கூறினார்.

காஞ்சிபுரம் கிழக்கு மாவட்டம் ஆலந்தூர் பகுதி கழகம் சார்பில் புரட்சித்தலைவி அம்மா அவர்களின் 72வது பிறந்தநாளையொட்டி கழக அரசின் நிதிநிலை அறிக்கை விளக்க பொதுக்கூட்டம் மற்றும் நலத்திட்ட உதவிகள் வழங்கும் நிகழ்ச்சி பகுதிக் கழகச் செயலாளர் வி.என்.பி.வெங்கட்ராமன் தலைமையில் நடைபெற்றது.

இக்கூட்டத்தில் கழக இலக்கிய அணி செயலாளரும், முன்னாள் அமைச்சருமான பா.வளர்மதி பேசியதாவது:-

இதயதெய்வம் அம்மா அவர்கள் கொண்டுவந்த ஏராளமான திட்டங்கள் உலகெங்கும் பாராட்டப்படுகின்றன. அவற்றில் ஆதரவற்று கிடந்த குழந்தைகளுக்கு நான் இருக்கிறேன் என்று கூறி தொட்டில் குழந்தை திட்டம் கொண்டு வந்தார். அப்படி கொண்டு வரப்பட்ட திட்டத்தின் மூலம் வளர்ந்தவர்கள் இன்றைக்கு பெரிய மனிதர்களாக ஆளாகியுள்ளார்கள். இந்திய குடிமகன் என்றுதான் கூற வேண்டுமா? ஏன் இந்திய குடிமகள் என்று கூற கூடாது என்று கூறி அதற்கான சட்டத்தையும் கொண்டு வந்தார் இதயதெய்வம் அம்மா அவர்கள்.

சில தினங்களுக்கு முன்பு தி.மு.க.வை சேர்ந்த ஆலந்தூர் முன்னாள் நகரமன்ற தலைவர் ஆர்.எஸ்.பாரதி பிராமணர்களை பற்றி மிகவும் தரக்குறைவாக பேசியதோடு தி.மு.க.வை சேர்ந்த கவுன்சிலர்கள் கோயிலுக்கு சென்றால் அர்ச்சகர் கொண்டுவரும் தட்டில் 500 ரூபாய் பேடுவார்கள் என்று சொல்கிறார்.

50 ரூபாய் கொடுத்து பிரியாணி வாங்க வக்கில்லாத நீங்க கோயிலில் அர்ச்சகர் கொண்டுவரும் தட்டில் மட்டும் 500 ரூபாய் போடுகிறோம் என்கிறீர்களே? இதோடு நின்று விட்டாரா ஆர்.எஸ்.பாரதி பத்திரிகையாளர்களையும் சமீபத்தில் கேவலமாக பேசியுள்ளார். என்ன செய்வது தரம்கெட்டு பேசுபவர்களிடம் தரத்தை எதிர்பார்க்கவே முடியாது.

மு.க.ஸ்டாலின் தி.மு.க.வில் கனிமொழிக்கு முக்கியத்துவம் கொடுக்க விரும்புவதில்லை. மாறாக அவரது மகன் உதயநிதி ஸ்டாலினைதான் எங்கும் முன்னிறுத்துகிறார் என்று கூறுகிறார்கள். ஆனால் எங்கள் இயக்கத்தில் அப்படி இல்லை. இருபெரும் தலைவர்கள் வழிநடத்துகிறார்கள்.

இவ்வாறு கழக இலக்கிய அணி செயலாளர் பா.வளர்மதி பேசினார்.

கூட்டத்தில் கழக சிறுபான்மை நலப்பிரிவு துணை செயலாளர் எம்.எம்.பஹீம், மாவட்டக் கழக துணை செயலாளர் அம்மன் பி.வைரமுத்து, பொதுக்குழு உறுப்பினர் வி.பரணிபிரசாத், முன்னாள் தொகுதி கழக செயலாளர் என்.தனசேகரன், மாவட்ட அணி நிர்வாகிகள் கே.புருஷோத்தமன், பி.கஜேந்திரன், டி.தங்கவேல், எஸ்.வாஞ்சிநாதன், எம்.மணிமாறன், ஆர்.ராஜேஷ், கே.பிரவின்குமார், ஆலந்தூர் ஆர்.பாலாஜி, சி.மதி, ஆலந்தூர் என்.அசார், கண்டோன்மென்ட் நிர்வாகிகள் ஒ.ஆனந்தகுமார் மற்றும் ஜெயபிரதாப், ஆ.சே.ராஜ்கணேஷ், ஏ.லோகேஷ், கே.எஸ்.பிரகாஷ், மாரிசன் ரவி, குட்டி (எ) ராமதாஸ் மற்றும் பலர் கலந்து கொண்டனர். கூட்ட முடிவில் வட்ட செயலாளர்கள் எஸ்.எஸ்.கே.ராஜேந்திரன், எம்.ராஜா ஆகியோர் நன்றி கூறினர்.