திருவண்ணாமலை

பேரறிஞர் அண்ணா, புரட்சித்தலைவி அம்மா வழியில் தமிழகத்தில் மக்கள் நலத்திட்டங்கள் நிறைவேற்றம் –

திருவண்ணாமலை:-

பேரறிஞர், அண்ணா, புரட்சித்தலைவி அம்மா வழியில் கழக அரசு மக்களுக்காக எண்ணற்ற திட்டங்களை செய்து வருகிறது என்று தூசி கே.மோகன் எம்.எல்.ஏ பெருமிதத்துடன் தெரிவித்தார்.

திருவண்ணாமலை மாவட்டம் செய்யாறில் கழகம் சார்பில், பேரறிஞர் அண்ணாவின் 111-வது பிறந்தநாள் விழா பொதுக்கூட்டம் நடைபெற்றது. கூட்டத்திற்கு செய்யாறு சட்டமன்ற உறுப்பினரும், திருவண்ணாமலை வடக்கு மாவட்ட செயலாளருமான தூசி கே.மோகன் தலைமை தாங்கினார். முன்னாள் அமைச்சரும், கழக அமைப்புச் செயலாளருமான முக்கூர் என்.சுப்பிரமணியன், கழக அமைப்புச் செயலாளார் என்.முருகுமாறன், தலைமை கழக பேச்சாளர் நா.ராசகோபால் ஆகியோர் சிறப்புரையாற்றினர்.

விழாவில் தூசி கே.மோகன் எம்.எல்.ஏ பேசியதாவது:-

பேரறிஞர் அண்ணா தமிழகத்தின் 6-வது முதல்வர், இந்திய குடியரசு பெற்ற பிறகு ஆட்சியமைத்த முதலாவது திராவிட கட்சித்தலைவர் ஆவார், மும்மொழி திட்டத்தினை முடக்கி தமிழ், ஆங்கிலம் இருமொழி திட்டத்தை கொண்டுவந்தவர். மதராஸ் மாநிலம் என்றிருந்ததை தமிழ்நாடு என பெயர் சூட்டியவர் அண்ணாதான். யேல் பல்கலைகழகம் அண்ணாவிற்கு சப் பெல்லோசிப் என்ற கவுரவபேராசிரியர் விருதை வழங்கியது.

இது அமெரிக்கர்களுக்கு மட்டுமே வழங்கப்படும் விருதாகும். அண்ணாவின் வழிவந்த புரட்சித்தலைவர் எம்.ஜி.ஆர் அண்ணாவின் கொள்கைகளை பின்பற்றி, தி.மு.க.விலிருந்து வெளியேறி அண்ணாவின் பெயருடன் கட்சியை ஆரம்பித்தார். அதன்வழியில் புரட்சித்தலைவி அம்மா அவர்கள் கட்சியை வழி நடத்தி சென்றார். தற்போது முதலமைச்சர் எடப்பாடி கே.பழனிசாமி, துணை முதலமைச்சர் ஓ.பன்னீர்செல்வம் தமிழக மக்களுக்காக எண்ணற்ற திட்டங்களை செய்து வருகின்றனர். குறிப்பாக செய்யாறு சட்டமன்ற தொகுதிக்கு ஏராளமான திட்டங்கள் அறிவித்து மக்களின் நன்மதிப்பை பெறப்பட்டுள்ளது.

இவ்வாறு தூசி கே.மோகன் எம்.எல்.ஏ பேசினார்.

பின்னர் முன்னாள் அமைச்சர் முக்கூர் என்.சுப்பிரமணியன் பேசியதாவது:-

புரட்சித்தலைவி அம்மா விட்டுச்சென்ற பணிகளை முதல்வரும், துணை முதல்வரும் சிறப்பாக செய்து வருகின்றனர். கடந்த முறை புரட்சித்தலைவி அம்மாவின் ஆட்சியில் நான் அமைச்சராக இருந்த போது, செய்யாறு தொகுதிக்கு எண்ணற்ற திட்டங்களை செயல் படுத்தியுள்ளார். சிப்காட் நிறுவனங்கள் தந்துள்ளார், தலைமை மருத்துவமனை தந்துள்ளார், பாலிடெக்னிக் கல்லூரியை தந்தார், இவ்வாறு பலதிட்டங்கள் செய்யாறு கழக அரசு செய்துள்ளது.

நடந்து முடிந்த நாடாளுமன்ற தேர்தலில் திமுகவினரின் பொய் வாக்குறுதிகளால் மக்கள் ஏமாந்து விட்டனர். இடைத்தேர்தலில் நாட்டை நாம்தான் ஆளவேண்டும் என மக்கள் தந்த தீர்ப்பின் படி கழக அரசு தொடர்ந்து செயல் பட்டுவருகிறது. தினகரனை நம்பி சென்ற 18 எம்.எல்.ஏ.க்களும் நடு ரோட்டில் நின்று விட்டனர். கழகத்திற்கு கேடு நினைப்பவர்களின் நிலை இதுதான். கழக அரசு மக்கள் பணியை சிறப்பாக செய்து வருகிறது. வரும் உள்ளாட்சி தேர்தலிலும், வரும் சட்டமன்ற தேர்தலிலும் கழக வேட்பாளரை பெருவாரியான வாக்கு வித்தியாசத்தில் வெற்றி பெற செய்வோம்.

இவ்வாறு முன்னாள் அமைச்சர் முக்கூர் என்.சுப்பிரமணியன் பேசினார்.

மேலும் பொதுக்கூட்டத்தில் மாவட்ட இலக்கிய அணிசெயலாளார் எம்.மகேந்திரன், மாவட்ட அவைத்தலைவர் டிகேபி.மணி. மாவட்ட கழக இணை செயலாளர் விமலாமகேந்திரன், மாவட்ட துணை செயலாளர்கள் டி.பி.துரை, மாவட்ட அம்மா பேரவை செயலாளர் பாஸ்கர் ரெட்டியார், ஒன்றிய செயலாளர் பகள் கிருஷ்ணன், நாகப்பன், டி.வி.பச்சியப்பன், முன்னாள் எம்.எல்.ஏ வே.குணசீலன், நகர செயலாளர் ஜனார்தனம், வர்த்த அணி மாவட்ட செயலாளார் குருவிமலை கார்த்திகேயன்,
பொதுக்குழு உறுப்பினர்கள் கே.சி.சின்னக்குழந்தை, இரவிச்சந்திரன், வழக்கறிஞர் முனுசாமி, பூக்கடை கோபால், கே.வெங்கட்ராமன், உள்ளிட்டோர் கலந்து கொண்டனர்.