தற்போதைய செய்திகள்

மதுரை மாநகர் மாவட்ட கழகம் சார்பில் முதலமைச்சருக்கு சிறப்பான வரவேற்பு – அமைச்சர் செல்லூர் கே.ராஜூ ஆளுயர மாலை அணிவித்தார்

மதுரை

மதுரை மாநகர் மாவட்ட கழகத்தின் சார்பில் முதலமைச்சருக்கு சிறப்பான வரவேற்பு அளிக்கப்பட்டது. அமைச்சர் செல்லூர் கே.ராஜூ ஆளுயர மாலை அணிவித்தார்.

ராமநாதபுரம் மக்களின் நீண்ட நாள் கோரிக்கையை நிறைவேற்றும் வண்ணம் புதிய அரசு மருத்துவக் கல்லூரிக்கான அடிக்கல் நாட்டு விழாவில் பங்கேற்க முதலமைச்சர் எடப்பாடி கே.பழனிசாமி சென்னையிலிருந்து விமானம் மூலம் மதுரை வந்தார். அங்கிருந்து கார் மூலம் ராமநாதபுரம் புறப்பட்டு சென்ற முதலமைச்சருக்கு விரகனூர் பகுதியில் மதுரை மாநகர் மாவட்ட கழகம் சார்பில் மாவட்ட கழக செயலாளரும், கூட்டுறவுதுறை அமைச்சருமான செல்லூர் கே. ராஜூ தலைமையில் சிறப்பான வரவேற்பு அளிக்கப்பட்டது. கரகாட்டம், தாரை தப்பட்டை முழங்க, பெண்கள் பூர்ண கும்ப மரியாதை வைத்து வரவேற்றனர். மதுரை மாநகர் மாவட்ட கழகத்தின் சார்பில் முதலமைச்சருக்கு ஆளுயர மாலையை அமைச்சர் செல்லூர் கே.ராஜூ அணிவித்தார்.

இந்நிகழ்ச்சியில் வருவாய்த்துறை அமைச்சர் ஆர்.பி.உதயகுமார், மதுரை புறநகர் கிழக்கு மாவட்ட செயலாளர் வி.வி.ராஜன் செல்லப்பா, முன்னாள் நாடாளுமன்ற உறுப்பினர் கோபாலகிருஷ்ணன், மாவட்ட கழக துணை செயலாளர் தங்கம், மாவட்ட கழக பொருளாளர் ஜெ.ராஜா, அனைத்துலக எம்.ஜி.ஆர். மன்ற துணை செயலாளர் எம்.எஸ்.பாண்டியன், கழக மாணவர் அணி இணை செயலாளர் குமார், மாவட்ட அணி நிர்வாகிகள் எஸ்.டி.ஜெயபாலன், சோலை ராஜா, அரவிந்தன், மாணிக்கம், இந்திராணி, கறிக்கடை கிருஷ்ணன், பகுதி கழக செயலாளர்கள் தளபதி மாரியப்பன், செந்தில், அண்ணா நகர் முருகன், ஜெயவேலு, பரவை ராஜா, முன்னாள் துணை மேயர் திரவியம் உட்பட பலர் கலந்து கொண்டனர்.