சிவகங்கை

இஸ்லாமியரக்ளை தூண்டி விட்டு குழப்பம் ஏற்படுத்த தி.மு.க. முயற்சி – கழக செய்தி தொடர்பாளர் மருதுஅழகுராஜ் குற்றச்சாட்டு

சிவகங்கை

குடியுரிமை திருத்த சட்ட மூலம் மதம் என்ற அடிப்படையில் இஸ்லாமிய மக்களை போராட தூண்டி விட்டு நாட்டை குழப்ப பார்க்கிறது தி.மு.க என்று கழக செய்தி தொடர்பாளர் மருது அழகுராஜ் குற்றஞ்சாட்டியுள்ளார்.

புரட்சித்தலைவி அம்மா அவர்களின் 72-வது பிறந்தநாள் விழாவை முன்னிட்டு சிவகங்கை மாவட்டம் எஸ்.புதூர் ஒன்றியத்தில் அமைச்சர் ஜி.பாஸ்கரன் தலைமையில் பொதுக்கூட்டம் நடைபெற்றது. இப்பொதுக்கூட்டத்திற்கு ஒன்றிய செயலாளர் ராஜமாணிக்கம், வாசு, மாவட்ட ஊராட்சி குழு உறுப்பினர் பொன்மணி பாஸ்கர் ஆகியோர் முன்னிலை வகித்தனர்.

பொதுக்கூட்டத்தில் சிறப்பு விருந்தினராக கழக செய்தி தொடர்பாளரும், நமது அம்மா நாளிதழ் ஆசிரியருமான மருது அழகுராஜ் கலந்து கொண்டார்.

அப்போது அவர் பேசியதாவது;-

பேரறிஞர் அண்ணா மறைவிற்கு பிறகு புரட்சித்தலைவர் எம்.ஜி.ஆர் ஆதரவால் தலைவராக ஆக்கப்பட்ட கருணாநிதி பின்னர் தன் சுயநலத்திற்காக புரட்சித்தலைவரை வெளியேற்றினார். புரட்சித்தலைவர் எம்.ஜி.ஆரால் தொடங்கப்பட்ட அ.தி.மு.க அவர் மறைவுக்குப் பிறகு புரட்சித்தலைவியின் அயராத உழைப்பால் இன்று ஆலமரம் போல் வளர்ந்து உள்ளது.

இன்று கழகத்தில் இருந்து கழட்டி விடப்பட்ட நபர்களை வைத்து தான் தி.மு.க கட்சி நடத்துகிறது. இன்று சிவகங்கை மாவட்டத்தின் முன்னாள் அமைச்சர் ராஜகண்ணப்பன் ஸ்டாலின் முன்னிலையில் 50 லட்சம் ரூபாய் கொடுத்து தி.மு.க கட்சியில் சேர்ந்துள்ளார். இதற்கு முன்னாள் இதே ராஜகண்ணப்பன் கருணாநிதி முன்னிலையில் தி.மு.க.வில் இணைந்தவர் தான். இனி ஸ்டாலின் மகன் உதயநிதி ஸ்டாலின் முன்னிலையிலும் அதன்பிறகு உதயநிதி ஸ்டாலின் மகன் இன்பநிதி முன்னிலையிலும் தி.முக.வில் இணையக் கூடியவர் தான் சந்தர்ப்ப அரசியல்வாதியான இந்த ராஜ கண்ணப்பன்.

நம் அன்றே சொன்னோம் கருணாநிதியின் மகன் என்ற பிறப்பு சான்றிதழை வைத்து மற்றும் திமுக தலைவர் பதவிக்கு வந்த ஸ்டாலினால் கட்சி நடத்த முடியாது என்று. இன்று அதை என்று நிரூபிக்கும் வகையில் பீகாரில் இருந்து 350 கோடி ரூபாய் விலை கொடுத்து பிரசாந்த் கிஷோர் என்ற நபரை வாங்கும் பரிதாபமான நிலைக்கு தி.மு.க தள்ளப்பட்டுள்ளது. நமது ஆட்சியில் ஒரு குறை கூட சொல்ல முடியாத எதிர்க்கட்சிகள் குடியுரிமை திருத்த சட்டம் மூலம் மதம் என்ற அடிப்படையில் இஸ்லாமிய மக்களை போராட தூண்டிவிட்டு நாட்டை குழப்ப பார்க்கிறார்கள் தி.மு.க.வினர். நமது முதலமைச்சர் இஸ்லாமியருக்கு இந்த சட்டம் மூலம் பாதிப்பு என்றால் எதிர்க்கும் முதல் ஆளாக நமது அரசு இருக்கும் என்றார்.

நாட்டிலேயே சிறந்த மாநிலமாக திகழ்வதற்கு எடுத்துக்காட்டாக பலதுறைகளில் பல விருதுகளை பெற்றுள்ளோம். சட்டம்- ஒழுங்கை பாதுகாக்கும் வகையில் சீன அதிபரும், இந்திய பிரதமரும் கடற்கரையில் அமர்ந்து உலக அரசியல் பேசி சென்றுள்ளனர். இன்று குடிமராமத்து பணியை திறன்பட செய்து நீர்நிலைகளை உயர்த்தியவர், காவிரி குண்டாறு இணைப்பு திட்டத்தின் மூலம் நமது மாவட்டத்திற்கு நிரந்தரமாக வறட்சியை நீக்க வழிவகை வகுத்தவர், மாவட்டத்திற்கு ஒரு மருத்துவக்கல்லூரி என செயல்படுத்தி வருபவர் நமது முதலமைச்சர் எடப்பாடி கே.பழனிசாமி. அம்மா அறிவித்த பல்வேறு திட்டங்களை இன்றும் செயல்படுத்துகிறார்.எனக்கு பிறகும் பல நூற்றாண்டுகள் கழகம் இருக்கும் என்று புரட்சித்தலைவி அம்மா கூறிய ஆசிர்வாதத்தால் இன்று முதலமைச்சர் எடப்பாடி கே.பழனிசாமியும், துணை முதலமைச்சர் ஓ.பன்னீர்செல்வமும் சிறப்பாக ஆட்சி செய்து வருகின்றனர்.

இவ்வாறு அவர் பேசினார்.

இப்பொதுக்கூட்டத்தில் ஒன்றியக்குழு தலைவர் விஜயா குமாரன், முன்னாள் ஒன்றிய குழு தலைவர் ஜெகநாதன், கழக முக்கிய நிர்வாகிகள் திருவாசகம், சிவா, நாகராஜன், ஏ.பி.சரவணன் முத்துகிருஷ்ணன். அழகுராஜ், சதீஷ், அருண் மற்றும் மாவட்ட கழக, ஒன்றிய கழக நிர்வாகிகள் பங்கேற்றனர்.