திருவண்ணாமலை

இடைத்தேர்தலில் கழக வேட்பாளரை அமோக வெற்றி பெற செய்வோம் – தூசி கே.மோகன் எம்.எல்.ஏ.-முக்கூர் சுப்பிரமணியன் சபதம்

திருவண்ணாமலை:-

இடைத்தேர்தலில் கழக வேட்பாளரை அமோக வெற்றி பெற செய்வோம் என்று தூசி கே.மோகன் எம்.எல்.ஏ., முன்னாள் அமைச்சர் முக்கூர் சுப்பிரமணியன் சபதம் ஏற்றுள்ளனர்.

திருவண்ணாமலை மாவட்டம் செய்யாறில் கழகம் சார்பில் பேரறிஞர் அண்ணாவின் 111வது பிறந்தநாள் விழா பொதுக்கூட்டம் செய்யாறு சட்டமன்ற உறுப்பினரும், திருவண்ணாமலை வடக்கு மாவட்ட செயலாளருமான தூசி கே.மோகன் தலைமையில் நடைபெற்றது. முன்னாள் அமைச்சரும், கழக அமைப்பு செயலாளருமான முக்கூர் என்.சுப்பிரமணியன், கழக அமைப்பு செயலாளர் என்.முருகுமாறன், தலைமை கழக பேச்சாளர் நா.ராசகோபால், ஆகியோர் சிறப்புரையாற்றினர்.

இக்கூட்டத்தில் மாவட்ட கழக செயலாளர் தூசி கே.மோகன் எம்.எல்.ஏ. பேசியதாவது:-

பேரறிஞர் அண்ணா தமிழகத்தின் 6-வது முதல்வர். மும்மொழி திட்டத்தினை முடக்கி தமிழ், ஆங்கிலம் இருமொழி திட்டத்தை கொண்டு வந்தவர். மதராஸ் மாநிலம் என்றிருந்ததை தமிழ்நாடு என பெயர் சூட்டியவர் அண்ணா தான். யேல் பல்கலைகழகம் அண்ணாவிற்கு சப் பெல்லோசிப் என்ற கவுரவ பேராசிரியர் விருதை வழங்கியது. இது அமெரிக்கர்களுக்கு மட்டுமே வழங்கப்படும் விருதாகும்.

புரட்சித்தலைவர் எம்.ஜி.ஆர். அண்ணாவின் கொள்கைகளை பின்பற்றி திமுக விலிருந்து வெளியேறி அண்ணாவின் பெயருடன் கட்சியை ஆரம்பித்தார். அதன்வழியில் புரட்சித்தலைவி அம்மா அவர்கள் கட்சியை வழி நடத்தி சென்றார். தற்போது முதல்வரும், துணை முதல்வரும் தமிழக மக்களுக்காக எண்ணற்ற திட்டங்களை செய்து வருகின்றனர். குறிப்பாக செய்யாறு சட்டமன்ற தொகுதிக்கு ஏராளமான திட்டங்களை அறிவித்து மக்களின் நன்மதிப்பை பெற்றுள்ளனர்.

எனவே வரும் சட்டமன்ற இடைத்தேர்தலில் கழக வேட்பாளரை பெருவாரியான வித்தியாசத்தில் வெற்றி பெற செய்வோம்.

இவ்வாறு தூசி கே.மோகன் எம்.எல்.ஏ. பேசினார்.

முன்னாள் அமைச்சர் முக்கூர் என்.சுப்பிரமணியன் பேசியதாவது:-

அம்மா விட்டு சென்ற பணிகளை முதல்வரும், துணை முதல்வரும் சிறப்பாக செய்து வருகின்றனர். கடந்த முறை அம்மாவின் ஆட்சியில் நான் அமைச்சராக இருந்த போது செய்யாறு தொகுதிக்கு எண்ணற்ற திட்டங்களை செயல் படுத்தப்பட்டுள்ளது. சிப்காட் நிறுவனங்கள், தலைமை மருத்துவமனை, பாலிடெக்னிக் கல்லூரி ஆகியவற்றை அம்மா தந்தார். இவ்வாறு பலதிட்டங்கள் செய்யாறு தொகுதிக்கு கழக அரசு செய்துள்ளது.

நடந்து முடிந்த நாடாளுமன்ற தேர்தலில் திமுகவினரின் பொய் வாக்குறுதிகளை நம்பி மக்கள் ஏமாந்து விட்டனர், இடைத்தேர்தலில் நாட்டை நாம் தான் ஆளவேண்டும் மக்கள் தீர்ப்பளித்து உள்ளனர். தினகரனை நம்பி சென்ற 18 எம்.எல்.ஏ.க்களும் நடுரோடில் நின்று விட்டனர். கழகத்திற்கு கேடு நினைப்பவர்களின் நிலை இதுதான். கழக அரசு மக்கள் பணியை சிறப்பாக செய்து வருகிறது. வரும் உள்ளாட்சி தேர்தலிலும், வரும் சட்டமன்ற இடைத்தேர்தலிலும் கழக வேட்பாளரை பெருவாரியான வாக்கு வித்தியாசத்தில் வெற்றி பெற செய்வோம்.

இவ்வாறு அவர் பேசினார்.

மேலும் பொதுக்கூட்டத்தில் மாவட்ட இலக்கி அணிசெயலாளார் எம்.மகேந்திரன், மாவட்ட அவைத்தலைவர் டிகேபி.மணி. மாவட்ட கழக இணை செயலாளர் விமலாமகேந்திரன், மாவட்ட துணை செயலாளர்கள் டி.பி.துரை, மாவட்ட அம்மா பேரவை செயலாளர் பாஸ்கர் ரெட்டியார், ஒன்றிய செயலாளர்பகள் கிருஷ்ணன், நாகப்பன், டி.வி.பச்சியப்பன், முன்னால் எம்எல்ஏ வே.குணசீலன். நகர செயலாளர் ஜனார்தனம். வர்தர்கர் அணி மாவட்ட செயலாளார் குருவிமலை கார்த்திகேயன்.
பொதுக்குழு உறுப்பினர்கள் கே.சி.சின்னக்குழந்தை, இரவிச்சந்திரன், கழகத்தினர் வழக்கறிஞர் முனுசாமி, பூக்கடை கோபால், கே.வெங்கட்ராமன், உள்ளிட்டோர் கலந்து கொண்டனர்.