தற்போதைய செய்திகள்

சிறப்பு வேளாண் மண்டலத்தால் வேளாண் உற்பத்தி அதிகரிக்கும் – அமைச்சர் எம்.சி.சம்பத் நம்பிக்கை

கடலூர்

சிறப்பு வேளாண் மண்டலம் மூலம் தமிழகத்தில் வேளாண் உற்பத்தி அதிகரிக்கும் என்று அமைச்சர் எம்.சி.சம்பத் நம்பிக்கை தெரிவித்துள்ளார்.

கடலூர் மத்திய மாவட்டம் சிதம்பரம் நகர கழகம் சார்பில் புரட்சித்தலைவி அம்மா அவர்களின் 72-வது பிறந்தநாள் விழா பொதுக்கூட்டம் சிதம்பரத்தில் நடைபெற்றது. இந்த கூட்டத்திற்கு கடலூர் கிழக்கு மாவட்ட கழக செயலாளரும், சிதம்பரம் தொகுதி சட்டமன்ற உறுப்பினருமான கே.ஏ.பாண்டியன் தலைமை வகித்தார். சிதம்பரம் நகர கழக செயலாளர் ஆர்.செந்தில்குமார் வரவேற்றார். முன்னாள் நகர கழக செயலாளர் தோப்பு கே.சுந்தர், தலைமை கழக பேச்சாளர் தில்லை ஏ.வி.சி.கோபி, முன்னாள் நகர பால்வளத் தலைவர் சி.கே.சுரேஷ்பாபு, நகர எம்.ஜி.ஆர். இளைஞர் அணி செயலாளர் கருப்பு எம்.ராஜா ஆகியோர் முன்னிலை வகித்தனர்.

மாவட்ட கழக அவைத்தலைவர் எம்.எஸ்.என்.குமார், மாவட்ட அம்மா பேரவை செயலாளர் என்.பாலசுந்தரம், மாவட்ட பாசறை செயலாளர் டேங்க் ஆர்.சண்முகம் ஆகியோர் தொடக்கவுரையாற்றினர். இதில் கடலூர் மத்திய மாவட்ட கழக செயலாளரும், தொழில்துறை அமைச்சருமான எம்.சி.சம்பத், முன்னாள் அமைச்சர் கே.கே.கலைமணி, கழக இலக்கிய அணி செயலாளர் போளூர் ஜெய.கோவிந்தன், முன்னாள் அமைச்சர் செல்வி ராமஜெயம் ஆகியோர் சிறப்புரையாற்றினர். இதில் அமைச்சர் எம் சி சம்பத், கடலூர் கிழக்கு மாவட்ட கழக செயலாளர் கே.ஏ.பாண்டியன் எம்.எல்.ஏ. ஆகியோர் 200 பேருக்கு நலத்திட்ட உதவிகளை வழங்கினர்.

இந்த கூட்டத்தில் அமைச்சர் எம்.சி.சம்பத் பேசியதாவது:-

ஏழை எளிய மக்களின் வாழ்க்கை தரம் உயர வேண்டும், அவர்களின் பொருளாதாரம் உயர வேண்டும் என்பதற்காகவே ஆட்சி நடத்தியவர் அம்மா. பெண்கள் முன்னேற வேண்டும், பெண்கள் முன்னேறினால் அந்த குடும்பம் முன்னேறும், நாடு முன்னேறும் என்ற கருத்தின் அடிப்படையில் பெண்களின் நலனுக்காக பாடுபட்டவர் அம்மா.

விவசாயிகளின் வயிற்றில் பால் வார்க்கும் திட்டமான டெல்டா மாவட்ட பகுதிகளை பாதுகாக்கப்பட்ட சிறப்பு ேவளாண் மண்டலமாக அறிவித்ததற்கும், சிதம்பரம் மருத்துவக் கல்லூரியை அரசு மருத்துவக் கல்லூரியாக அறிவித்து சிதம்பரம் மக்களுக்கு இரட்டை பரிசு கொடுத்த முதலமைச்சருக்கு நன்றி தெரிவித்துக் கொள்கின்றேன். சிறப்பு வேளாண் மண்டலத்தின் மூலம் தமிழகத்தில் வேளாண் உற்பத்தி அதிகரிக்கும் என்று நம்புகின்றேன்.

கடலூர் கிழக்கு மாவட்டத்தில் சிதம்பரம், பண்ருட்டி, நெல்லிக்குப்பம் என மூன்று நகராட்சிகளும், 8 பேரூராட்சிகளும் உள்ளன. வரும் உள்ளாட்சி தேர்தலில் இந்த மூன்று நகராட்சிகளிலும், எட்டு பேரூராட்சிகளில் வெற்றி பெற்று மாவட்டத்திற்கு பெருமை சேர்க்க வேண்டும்.

இவ்வாறு அமைச்சர் எம்.சி.சம்பத் பேசினார்.

சிதம்பரம் தொகுதி சட்டமன்ற உறுப்பினர் கே.ஏ.பாண்டியன் எம்.எல்.ஏ. பேசுகையில், தமிழக மக்களின் வாழ்க்கைத் தரத்தை உயர்த்தும் அரசாக இந்த அரசு உள்ளது. எனவே வரும் உள்ளாட்சித் சிதம்பரம் நகராட்சியில் தேர்தலில் போட்டியிடும் கழக வேட்பாளர்களை அதிக வாக்கு வித்தியாசத்தில் வெற்றி பெற செய்ய வேண்டும் என்று கேட்டுக் கொண்டார்.