தமிழகம்

155 உதவி பொறியாளர்களுக்கு பணி நியமன ஆணைகள் – முதலமைச்சர் வழங்கி வாழ்த்து

சென்னை

நெடுஞ்சாலைத்துறைக்கு டி.என்.பி.எஸ்.சி. மூலம் தேர்வு செய்யப்பட்ட 155 உதவி பொறியாளர்களுக்கு பணி நியமன ஆணைகளை முதலமைச்சர் எடப்பாடி கே.பழனிசாமி வழங்கி வாழ்த்து தெரிவித்தார்.

இது குறித்து அரசின் செய்திக்குறிப்பு வருமாறு:-

முதலமைச்சர் எடப்பாடி கே.பழனிசாமி நேற்று தலைமைச் செயலகத்தில், நெடுஞ்சாலைத்துறையில் காலியாகவுள்ள 155 உதவிப் பொறியாளர் பணியிடங்களுக்கு தமிழ்நாடு அரசுப் பணியாளர் தேர்வாணையம் மூலம் தமிழ்நாடு பொறியியல் பணி தொகுதியின் கீழ் தேர்வு செய்யப்பட்டவர்களுக்கு பணிநியமன ஆணைகளை வழங்கிடும் அடையாளமாக 7 நபர்களுக்கு பணிநியமன ஆணைகளை வழங்கினார்.

இந்த நிகழ்ச்சியில், தலைமைச் செயலாளர் க.சண்முகம், நெடுஞ்சாலைகள் மற்றும் சிறு துறைமுகங்கள் துறை முதன்மைச் செயலாளர் ஆ.கார்த்திக், நெடுஞ்சாலைத் துறை முதன்மை இயக்குநர் ரெ. கோதண்டராமன், இணை இயக்குநர் சு.சதீஷ் மற்றும் அரசு உயர் அலுவலர்கள் கலந்து கொண்டனர்.