சிறப்பு செய்திகள்

திருவாரூரில் விவசாய சங்கங்கள் சார்பில் முதலமைச்சருக்கு பாராட்டு விழா

திருவாரூர்

தமிழகத்தின் மிகப்பெரிய வேளாண் பகுதியாக காவேரி டெல்டா பகுதி விளங்குகிறது. கடந்த மாதம் 9-ந்தேதி சேலத்தில் நடைபெற்ற ஒருங்கிணைந்தகால்நடை பூங்கா அடிக்கல் நாட்டு விழாவில் பேசிய முதலமைச்சர் எடப்பாடி கே.பழனிசாமி காவேரி டெல்டா பகுதிகளை பாதுகாக்கப்பட்ட வேளாண் மண்டலமாக அறிவித்தார். இந்த அறிவிப்பு 10 நாளில் சட்ட மசோதாவாக சட்டப்பேரவையில் தாக்கல் செய்யப்பட்டு நிறைவேற்றப்பட்டது.

காவேரி டெல்டா பாசன பகுதிகளை பாதுகாக்கப்பட்ட வேளாண் மண்டலமாக அறிவித்து வரலாற்று சாதனை படைத்த முதலமைச்சர் எடப்பாடி கே.பழனிசாமிக்கு காவேரி பாசன விவசாயிகள்  திருவாரூரில் பாராட்டு விழா நடத்துகின்றனர். இதற்கான அழைப்பிதழை காவேரி பாசன விவசாயிகள் சங்க செயலாளர் மன்னார்கடி ரங்கநாதன் திருச்சியில் கடந்த சில தினங்களுக்கு முன்பு முதலமைச்சரை நேரில் சந்தித்து நேரில் வழங்கினார்.

திருவாரூர் வன்மீகபுரத்தில் உள்ள அம்மா அரங்கத்தில்  (சனி) மாலை 4.30 மணிக்கு அனைத்து விவசாய சங்கங்களின் சார்பில் இந்த நன்றி பாராட்டும் விழா நடைபெறுகிறது. இந்த விழாவில் கழக இணை ஒருங்கிணைப்பாளரும், முதலமைச்சருமான எடப்பாடி கே.பழனிசாமி, கழக ஒருங்கிணைப்பாளரும், துணை முதலமைச்சருமான ஓ.பன்னீர்செல்வம் ஆகியோர் கலந்து கொண்டு ஏற்புரை ஆற்றுகின்றனர்.

இது தொடர்பாக திருவாரூர் மாவட்ட கழக செயலாளரும், உணவுத்துறை அமைச்சருமான ஆர்.காமராஜ் வெளியிட்டுள்ள அறிக்கையில் கூறியிருப்பதாவது:-

தமிழகத்தின் ஜீவநதியாக விளங்குவது காவேரியாகும். தமிழகத்தில் மன்னர்கள் காலம் தொட்டு ஆங்கிலேயர்கள் காலம் வரை போற்றி பாதுகாத்து வந்த காவேரிநீர் உரிமை கேள்விக்குறியாக மாறிய நிலையில் உரிமையை பாதுகாக்க தீர்ப்பாயம் அமைக்க வேண்டும் என முதன்முதலாக 1986-ல் அன்றைய முதல்வர் புரட்சித்தலைவர் எம்.ஜி.ஆர். கோரிக்கை விடுத்தார். இந்த கோரிக்கை வலு பெற்றதன் அடிப்படையிலும், உச்சநீதிமன்ற தீர்ப்பின் அடிப்படையிலும் காவேரி தீர்ப்பாயம் அமைக்கப்பட்டது. அதுமுதல் இன்று வரை காவேரி நீர் பிரச்சினையில் ஒரு தெளிவான நிலைப்பாட்டை எடுத்து சட்டப்போராட்டம் நடத்தி புரட்சித்தலைவி அம்மா அவர்கள் வெற்றி கண்டார். நடுவர் மன்ற தீர்ப்பையும் அரசிதழில் வெளியிட செய்தார்.

இதற்கு ஒரு இறுதி தீர்வு ஏற்படுத்தும் வகையில் இதயதெய்வம் புரட்சித்தலைவி அம்மா அவர்களின் வழியில், கழக இணை ஒருங்கிணைப்பாளரும், முதலமைச்சருமான எடப்பாடி கே.பழனிசாமி, கழக ஒருங்கிணைப்பாளரும், துணை முதலமைச்சருமான ஓ.பன்னீர்செல்வம் ஆகியோரின் தொடர் நடவடிக்கையால் உச்சநீதிமன்ற தீர்ப்பை ஏற்று காவேரி மேலாண்மை ஆணையம் மற்றும் காவேரிநீர் ஒழுங்காற்றுக் குழு அமைக்கப்பட்டது.

தற்போது காவேரி டெல்டா பகுதிகளை பாதுகாக்கப்பட்ட சிறப்பு வேளாண் மண்டலமாக அறிவித்து அதற்கான அரசாணையினையும் முதலமைச்சர் எடப்பாடி கே.பழனிசாமி வெளியிட்டு இமாலய சாதனை புரிந்துள்ளார். இந்த தீரமிக்க நடவடிக்கையை விவசாயிகளும், பொதுமக்களும், சமூக செயற்பாட்டாளர்களும் பாராட்டிய வண்ணம் உள்ளனர். இன்னும் 10 ஆயிரம் ஆண்டுகளுக்கு காவேரி டெல்டாவில் விவசாயம் பாதுகாக்கப்படும் என்ற நம்பிக்கை விவசாயிகளிடம் ஏற்பட்டுள்ளது.

வரலாற்று சிறப்பு மிகுந்த இந்த உத்தரவினை வழங்கியதற்காக கழக இணை ஒருங்கிணைப்பாளரும், முதலமைச்சருமான எடப்பாடி கே.பழனிசாமிக்கு அனைத்து விவசாய சங்கங்களும் சேர்ந்து காவேரி சீ.ரெங்கநாதன் தலைமையில் நன்றி பாராட்டும் விழாவினை (7.3.2020) மாலை 4.30 மணிக்கு திருவாரூர் வன்மீகபுரம் அம்மா அரங்கில் நடத்துகின்றனர்.

இந்த விழாவில் கழக இணை ஒருங்கிணைப்பாளரும், முதலமைச்சருமான எடப்பாடி கே.பழனிசாமி, கழக ஒருங்கிணைப்பாளரும், துணை முதலமைச்சருமான ஓ.பன்னீர்செல்வம் ஆகியோர் கலந்து கொண்டு ஏற்புரை நிகழ்த்துகின்றனர். வரலாற்று முக்கியத்துவம் வாய்ந்த இந்த நிகழ்வில் விவசாயிகள், பொதுமக்கள், கழக நிர்வாகிகள், செயல்வீரர்கள், வீராங்கனைகள் உள்ளிட்ட அனைவரும் திரளாக கலந்து கொள்ள வேண்டுகிறேன்.

இவ்வாறு அமைச்சர் ஆர்.காமராஜ் வெளியிட்டுள்ள அறிக்கையில் தெரிவித்துள்ளார்.

இந்த நன்றி பாராட்டும் விழாவில் கலந்து கொள்ள வருகைதரும் முதலமைச்சருக்கு எடப்பாடி கே.பழனிசாமிக்கு இன்று காலை திருவாரூர் மாவட்டம் நீடாமங்கலத்தில் மாவட்ட, ஒன்றிய, நகர, பேரூர் கழக நிர்வாகிகள், உள்ளாட்சி அமைப்பு பிரதிநிதிகள். கூட்டுறவு சங்க நிர்வாகிகள் சார்பில் வரவேற்பு அளிக்கப்படவுள்ளது.

இவ்வாறு அமைச்சர் ஆர்.காமராஜ் வெளியிட்டுள்ள அறிக்கையில் தெரிவித்துள்ளார்.