தமிழகம்

தமிழகத்தில் மாஸ்க் போட வேண்டிய நிலை இல்லை: அமைச்சர் விஜயபாஸ்கர் திட்டவட்டம்

சென்னை

தமிழகத்தில் கரோனா வைரஸ் தொடர்பாக மாஸ்க் போட வேண்டிய நிலை இல்லை என்று அமைச்சர் விஜயபாஸ்கர் தெரிவித்தார்.

கரோனா வைரஸ் தடுப்பு நடவடிக்கை தொடர்பாக தமிழக சுகாதாரத்துறை அமைச்சர் விஜயபாஸ்கர் அதிகாரிகளுடன் ஆலோசனை நடத்தினார். பின்னர் அவர் செய்தியாளர்களுக்கு பேட்டி அளித்தார்.

சீனா,இத்தாலி,ஈரான்,ஜப்பான்,தென் கொரியாவில் இருந்து வருபவர்களை மிக தீவிரமாக பரிசோதனை செய்து வருகிறோம்.தமிழகத்தில் கொரோனா பாதிப்பு குறித்து சில விஷயங்களை தெரிவிக்க உள்ளேன்..

68 ரத்த மாதிரிகள்

இனி காலை மற்றும் மாலை நிலவரம் குறித்து செய்தியாளர் சந்திப்பு கொடுக்க உள்ளோம்.மஸ்கட்டில் இருந்து வந்தவரை 4ம் தேதி முதல் அரசு மருத்துவமனையில் வைத்தி சிகிச்சை அளித்து வருகிறோம்.கிங் மருந்து ஆராய்ச்சி நிறுவனத்தில் இரத்த மாதிரியை பரிசோதனை செய்து பின்னர் புனே அனுப்பி உறுதி செய்கிறோம்.இதுவரை 68 இரத்த மாதிரிகள் எடுத்து உள்ளோம்.ஒருவருக்கு தவிர யாருக்கும் கொரோனா இல்லை.

மாஸ்க் தேவையில்லை

சளி காய்ச்சல் பாதிப்பு அதிகம் ஏற்படும் நிலையில் மாஸ்க் அணிந்து கொள்ளலாம். நாள் தோறும் 8500 நபர்கள் விமானம் மூலம் வருகிறார்கள்,அனைவரையும் ஸ்கிரீனிங் செய்து வருகிறோம்.தமிழகத்தில் கொரோனோ பாதிப்போடு வந்த ஒருவரை மிக சரியாக அடையாளம் கண்டு சுகாதர துறை சிகிச்சை அளித்து வருகிறது.மாஸ்க் போட வேண்டிய நிலை தமிழகத்தில் இல்லை.

வெப்பநிலை

வெப்பநிலை அதிகம் என்பதால் நம் ஊரில் கொரோனா பரவாது என்று உறுதியாக நாம் சொல்ல முடியாது.பல மருத்துவர்கள்,ஆராய்ச்சியாளர்கள் கூறுகின்றனர் ஆனால் அதிகாரப்பூர்வமாக வெப்பம் அதிகம் இருப்பதால் கொரோனோ பரவாது என்று கூற முடியாது.ஸ்கிரீனிங் என்பது மிக முக்கியம் தான்,ஒரு நாளுக்கு 8500 நபர்கள் விமானம் மூலம் வருகிறார்கள்,பலர் ஒத்துழைப்பு கொடுக்கிறாரகள்,சிலர் மிகவும் சங்கட படுகிறார்கள்.

முழுமையாக கண்காணிப்பு

தெர்மல் ஸ்கிரீனிங் செய்ய எல்லா நவீன உபகரணங்களை நாம் பெற்று வருகிறோம்.விமானம் மூலம் பாதிக்கப்பட்ட நாடுகளில் இருந்து வருபவர்கள் எல்லாமே கொரோனோவோடு வருகிறார்கள் என்று எடுத்து கொள்ள முடியாது.விமான மூலம் வந்தவர்களுக்கு நோய் தொற்று என்றால் நாம் முழுமையாக கண்காணித்து வருகிறோம்.கிண்டி கிங் போன்று தேனியில் புதிதாக ஒரு இரத்த பரிசோதனை மையம் அமைக்க அனுமதி கிடைத்துள்ளது.மெடிக்கல் எத்திக்ஸ் என்பதை நாங்கள் கடைபிடித்து வருகிறோம்,நோய் தொற்று( பாசிடிட்டிவ்) உள்ளவர்கள் குறித்து முழு விவரங்களை நாங்கள் தெரிவிக்க முடியாது.

தயார் நிலையில் 10 லட்சம் மாஸ்க்

அரசு தரப்பில் மட்டும் அல்லாமல்,அப்போலோ போன்ற சில மருத்துவமனைகளிலும் தனிமைப்படுத்தி சிகிச்சை அளிக்கும் அறைகள் தயார் ஆக உள்ளது.மருத்துவ விதிகள் காரணமாக நோயாளியின் குறித்த துல்லியத் தகவல்களை வெளியிட வில்லை. தமிழகம் முழுவதும் 300 படுக்கைகள் தயாராக உள்ளன, 10 லட்சம் முகக் கவசங்கள் தயாராக இருக்கின்றன.இவ்வாறு தெரிவித்தார்.