திருவண்ணாமலை

அனுமதியின்றி நாட்டுத் துப்பாக்கி வைத்திருந்த இருவர் கைது

திருவண்ணாமலை

தானிப்பாடி அருகே அரசு அனுமதியின்றி நாட்டு துப்பாக்கி வைத்திருந்த இருவர் கைது செய்யப்பட்டனர்.

திருவண்ணாமலை மாவட்ட காவல் கண்காணிப்பாளர் சிபிசக்ரவர்த்தி உத்தரவின்பேரில் திருவண்ணாமலை கிராமிய உட்கோட்ட துணை காவல் கண்காணிப்பாளர் ஹேமசித்ரா மேற்பார்வையில் தண்டராம்பட்டு காவல் ஆய்வாளர் பாரதி தலைமையில் தானிப்பாடி காவல் நிலைய எல்லைக்குட்பட்ட இளையாங்கண்ணி கிராமத்தில் தானிப்பாடி உதவி ஆய்வாளர்கள் முத்துக்குமாரசாமி, நசருதீன் மற்றும் காவலர்கள் ரோந்துப்பணியில் ஈடுபட்டனர்.

அப்போது அரசு அனுமதியின்றி நாட்டு துப்பாக்கி வைத்திருந்த இளையாங்கண்ணி கிராமத்தை சேர்ந்த தேவசகாயம் மகன் தங்கராஜ் (எ) அலெக்சாண்டர் (35), ஆரோக்கியசாமி மகன் அந்தோணிசாமி (24) ஆகிய இருவரையும் போலீசார் கைது செய்தனர். அவர்களிடம் இருந்து இரண்டு நாட்டு துப்பாக்கிகள் மற்றும் ஒரு இரு சக்கர வாகனத்தையும் போலீசார் பறிமுதல் செய்து விசாரித்து வருகின்றனர்.