தற்போதைய செய்திகள்

20 ம் தேதி 14 வது ஊதிய ஒப்பந்த குழு பேச்சுவார்த்தை: போக்குவரத்துக்கழகம் அறிவிப்பு

சென்னை

போக்குவரத்துக் கழக தொழிலாளர்களுக்கான 14-வது ஊதிய ஒப்பந்த முதற்கட்ட பேச்சுவார்த்தை, வருகின்ற 20 ம் தேதி நடைபெறுகிறது.

இது தொடர்பாக மாநகர் போக்குவரத்துக் கழகத்தின் மேலாண் இயக்குநர் வெளியிட்டுள்ள செய்தி குறிப்பு

மூன்று ஆண்டுகளுக்கு ஒருமுறை

தமிழ்நாடு அரசுப் போக்குவரத்துக் கழகங்களில் பணிபுரியும் பணியாளர்களுக்கான, 12(3) ஊதிய ஒப்பந்தமானது, ஒவ்வொரு மூன்று ஆண்டுகளுக்கு ஒருமுறை நடைமுறைப்படுத்தப்பட்டு வருகிறது.

14 வது ஊதியக்குழு

இந்த ஊதிய ஒப்பந்தத்தில் பணியாளர்களின் ஊதியம், அகவிலைப்படி, இதரப் படிகள் மற்றும் பல்வேறு சலுகைகள் குறித்து விவாதிக்கப்பட்டு, முடிவுகள் மேற்கொள்ளப்படுகின்றன. அரசு போக்குவரத்துத்துறையின் சார்பில், 14-வது
12(3) ஊதிய ஒப்பந்தத்தப் பேச்சுவார்த்தையில் கலந்துகொள்ள நிர்வாகத் தரப்பிலான குழு அமைக்கப்பட்டு அரசாணையும் வெளியிடப்பட்டுள்ளது.

முதற்கட்ட பேச்சுவார்த்தை

அதனடிப்படையில், 14-வது ஊதிய ஒப்பந்த முதற்கட்ட பேச்சுவார்த்தை, நிர்வாகக் குழு உறுப்பினர்கள் மற்றும் தொழிற்சங்கங்களின் இடையே, வருகின்ற 20 ம் தேதி காலை 10.00 மணிக்கு குரோம்பேட்டை மாநகர் போக்குவரத்துக் கழகப் பயிற்சி மையத்தில் நடைபெற உள்ளது.

இவ்வாறு தெரிவித்துள்ளார்.