தற்போதைய செய்திகள்

எதிர்க்கட்சி துணைத்தலைவர் நிலத்தில் ருசியான உணவு – அமைச்சர் பேச்சால் பேரவையில் சிரிப்பலை

சென்னை

எதிர்க்கட்சி துணைத்தலைவர் நிலத்தில் ருசியாக உணவு இருப்பதால் அங்கு யானைகள் வருகிறது என்று அமைச்சர் திண்டுக்கல் சி.சீனிவாசன் பேசியதால் அவையில் சிரிப்பலை ஏற்பட்டது.

தமிழக சட்டபேரவையில்  கேள்வி நேரத்தின்போது எதிர்க்கட்சி துணைத்தலைவர் துரைமுருகன் காட்பாடியில் உள்ள எனது தோட்டத்தில் 15 யானைகள் தினமும் வந்து செல்கிறது. செடி, கொடிகளை பிடுங்கி எறிந்துவிட்டு சென்றுவிடுகிறது. இதனை தடுக்க நடவடிக்கை எடுக்க வேண்டும் என்றார்.

இதற்கு பதில் அளித்த வனத்துறை அமைச்சர் திண்டுக்கல் சி.சீனிவாசன் மேல் பகுதியிலிருந்து கீழ் பகுதியை நோக்கி ஒரு யானை தனது வாழ்வாதாரத்திற்காக வருகிறது. எங்கு ருசியான உணவு கிடைக்கிறதோ. அங்கு வருகிறது. எதிர்க்கட்சி துணைத்தலைவர் தோட்டத்தில் யானைகளுக்கு பிடித்த ருசியான உணவு உள்ளது என நினைக்கிறேன். யானைகளுக்கு பிடித்த உணவை அவர் வளர்த்து வருகிறார் எனவும் நினைக்கிறேன். இது தொடர்பாக சம்பந்தப்பட்ட அதிகாரிகள் கவனத்திற்கு கொண்டு சென்று நடவடிக்கை எடுக்கப்படும் என்றார்.

அமைச்சரின் இந்த பேச்சால் பேரவையில் சிரிப்பலை ஏற்பட்டது.