தமிழகம் தற்போதைய செய்திகள்

வேளச்சேரி , பரங்கிமலை பறக்கும் ரயில் திட்டப் பணிகள் விரைவில் முடிக்க நடவடிக்கை – முதலமைச்சர் தகவல்

சென்னை 

வேளச்சேரி – பரங்கிமலை பறக்கும் ரயில் திட்டப் பணிகள் விரைந்து முடிக்க நடவடிக்கை எடுக்கப்பட்டு வருவதாக முதல்வர் எடப்பாடி கே.பழனிசாமி தெரிவித்துள்ளார்.

தமிழ்நாடு சட்டப்பேரவையில் ஆலந்தூர் தொகுதி உறுப்பினர் தா.மோ.அன்பரசன் கடந்த 2007-ம் ஆண்டு திமுக ஆட்சியில் வேளச்சேரி – பரங்கிமலை இடையே பறக்கும் ரயில் திட்டம் கொண்டு வரப்பட்டது. இந்த திட்டப் பணிகளை விரைந்து முடிக்க வேண்டும் என்று கோரிக்கை விடுத்து பேசினார்.

இதற்கு பதிலளித்து பேசிய முதலமைச்சர் எடப்பாடி கே.பழனிசாமி நிலம் எடுப்பதில் பல்வேறு சிரமம் நிலவுகிறது. இருப்பினும், விரைவில் நிலம் கையகப்படுத்தப்பட்டு பணிகள் முடிக்கப்படும்.

அதே போன்று ஆக்கிரமிப்புகள் அகற்றும்போது, நீதிமன்றத்துக்கு சென்று விடுவதால் கால தாமதம் தொடர்ந்து ஏற்படுகிறது. இப்பிரச்சினை தொடர்பாகவும், தமிழ்நாடு அரசு விரைந்து நடவடிக்கை எடுக்கும் என்று தெரிவித்தார்.