தற்போதைய செய்திகள்

அனைத்து அரசு கல்லூரிகளிலும் கண்காணிப்பு கேமராக்கள் – சட்டப்பேரவையில் அமைச்சர் கே.பி.அன்பழகன் அறிவிப்பு

சென்னை

அனைத்து அரசு கல்லூரிகளிலும் மாணவர்கள், ஆசிரியர்கள் பாதுகாப்பிற்காக கண்காணிப்பு கேமராக்கள் பொருத்தப்படும் என்று சட்டப்பேரவையில் அமைச்சர் கே.பி.அன்பழகன் அறிவித்தார்.

அகில இந்திய தொழில்நுட்பக் கல்வி குழுமத்தின் தேவைகளை பூர்த்தி செய்யும் பொருட்டும், மாணாக்கர்கள் அரசால் வழங்கப்பட்டுள்ள விலையில்லா மடிக்கணினிகளை நன்முறையில் பயன்படுத்தவும் 51 அரசு பலவகை தொழிற்நுட்பக் கல்லூரிகளில் 28 அரசு பலவகை தொழில்நுட்பக் கல்லூரிகளுக்கு இனைத்தள வசதி ஏற்கனவே ஏற்படுத்தப்பட்டுள்ள நிலையில் மீதமுள்ள 23 அரசு பலவகை தொழில்நுட்பக் கல்லூரிகளுக்கு 100 MBPS அலவிலான தொடர் இணைதள வசதி ரூ. 4.60 கோடி மதிப்பீட்டில் ஏற்படுத்தப்படும்.

வேலூர், தந்தை பெரியார் அரசினர் தொழில்நுட்பக் கல்லூரியில் 5 இளங்கலை பாடப்பிரிவுகளும், 3 முதுநிலை பாடப்பிரிவுகளும் நடத்தப்பட்டு வருகின்றன. அமைப்பியல் துறையில் ஆராய்ச்சி மற்றும் மேம்பாட்டு பணிகள் மேற்கொள்ளப்படுவதால், கட்டுமான பொறியியல் என்ற முதுநிலை பட்டப்படிப்பு துவங்கப்படும். இப்பாடப்பிரிவிற்காக 5 பணியிடங்ட்கள் தோற்றுவிக்கப்படவும், உள்கட்டமைப்புகளை ஏற்படுத்தவும், கணினி உபகரணங்கள் மற்றும் இயந்திரங்களை கொள்முதல் செய்வதற்கும் தொடரும் மற்றும் தொடரா செலவினமாக ரூ. 3.13 கோடி வழங்கப்படும்.

தொழில்நுட்பக் கல்வி இயக்ககத்தின் பணியினை செம்மைப்படுத்த ரூ. 1.14 கோடி செலவில் தொழில்நுட்பக் கல்வி இயக்ககத்திற்கு ஒரு மண்டல இணை இயக்குநர் அலுவலகம் மதுரையில் ஏற்படுத்தப்படும்.உதகமண்டலம், அரசு கலைக் கல்லூரியின் பாரம்பரியமிக்க கட்டங்களை அதன் தொன்மை மாறாமல் மீட்டமைக்க வேண்டியதன் அவசியத்தினை கருதி ரூ. 8.20 கோடியினை ஒதுக்கீடு செய்து இப்புராதனக் கட்டடங்கள் புனரமைத்துப் பொலிவு பெறச் செய்யப்படும்.

புதுக்கோட்டை, மாட்சிமை தங்கிய மன்னர் கல்லூரியின் பாரம்பரியமிக்க கட்டடங்களை அதன் தொன்மை மாறாமல் மீட்டமைக்க வேண்டியதன் அவசியத்தினை கருதி ரூ.2.40 கோடியினை இதுக்கீடு செய்து இப்புராதனக் கட்டடங்கள் புனரமைத்துப் பொலிவு பெறச் செய்யப்படும்.

தமிழ்நாடு மின் ஆளுமைத் திட்ட முகமை கல்லூரிக் கல்வி இயக்ககத்தில் 2019-2020 ம் நிதியாண்டில் மின் ஆளுமைத் திட்டத்தை செயல்படுத்த முதற்கட்டமாக ரூ. 99.80 லட்சம் ஒதுக்கீடு செய்யப்பட்டுள்ளது. இத்திட்டத்தை கல்லூரிக் கல்வி இயக்ககத்தில் முழுமையாக செயல்படுத்த இரண்டாம் கட்டமாக ரூ. 2.65 கோடி ஒதுக்கீடு செய்யப்படும்.

அரசு கல்லூரிகளில் பயிலும் மாணாக்கர் மற்றும் ஆசிரியப் பணியாளர்களின் பாதுகாப்பிற்காக அனைத்து அரசுக் கல்லூரிகளிலும் கண்காணிப்பு கேமராக்கள் முதற்கட்டமாக ரூ. 2.50 கோடி செலவில் பொருத்தப்படும்.சென்னை உயர்நீதிமன்ற மதுரைக் கிளையில் கல்லூரிக் கல்வித் துறை தொடர்பான வழக்குகளை எதிர்கொள்ளவும், உச்சநீதிமன்ற வழக்குகளுக்கான ஆனை உறுதிப் பத்திரம் தயாரித்தல் உள்ளிட்ட பணிகளை மேற்கொள்ளவும், அரசு சிறப்பு வக்குறைஞர் மற்றும் பிற சட்ட அலுவலர்களுடன் இனைந்து பணியாற்றவும் மதுரை மண்டலக் கல்லூரிக் கல்வி இணை இயக்குநர் அலுவலகத்திற்கு அரசு சார்புச் செயலாலர் நிலையில் ஒரு சட்ட அலுவலர் பணியிடம் ரூ. 12.50 லட்சம் செலவில் தோற்றுவிக்கப்படும்.

தற்போது நிகழ்ந்து வரும் அறிவுப் பெருக்கத்திற்கு ஈடு கொடுக்கும் வகையில் ஆசிரியர்கள் தங்களை தயார்படுத்தி கொண்டு அதன் அடிப்படையில் மாணாக்கர்களுக்கு கற்பிக்க வேண்டி ரூ. 2.05 கோடி செலவில் ஆசிரியர்களுக்கான பயிற்சி தகுதியான பாட வல்லுநர்களைக் கொண்டு வழங்கப்படும்.

அரசினர் ஆடவர் கலைக் கல்லூரி கிருஷ்னகிரி, அரசினர் கலைக் கல்லூரி, தர்மபுரி, அரசினர் கலைக் கல்லூரி, சிதம்பரம், சேதுபதி அரசு கலைக் கல்லூரி, ராமநாதபுரம், அரசினர் பெண்கள் கலைக்கல்லூரி, சிவகங்கை, அரசினர் பெண்கள் கலைக் கல்லூரி, ராமநாதபுரம் அறிஞர் அண்ணா அரசு கலைக்கல்லூரி, செய்யாறு மற்றும் பெரியார் அரசு கலைக்கல்லூரி, கடலூர் ஆகிய 8 கல்லூரிகளுக்கு ஆய்வக உபகரணங்கள் வாங்குவதற்கும் மற்றும் உட்கட்டமைப்பு வசதிகளை மேம்படுத்தவும் ரூ. 2 கோடி வீதம் ரூ. 16 கோடி வழங்கப்படும்.

திருவள்ளுவர் பல்கலைக்கழகத்தில் பயிலும் மாணாக்கர்களின் உயர் கல்வி மற்றும் ஆராய்ச்சி திறனை மேம்படுத்தும் பொருட்டு ஆய்வக உபகரங்கள் வாங்குவதற்கும் மற்றும் உள்கட்டமைப்பு வசதிகளை மேம்படுத்துவதற்கும் ரூ. 20 கோடி நிதி வழங்கப்படும்.

தமிழ்நாடு ஆவணக்காப்பகத்தில் 1670 ம் ஆண்டு முதல் 2014 ம் ஆண்டு வரையிலாப மதிப்பு மிக்க அரசாணைகள், அரசிதழ்கள், நில ஆவணங்கள், சேகரித்து வைக்கப்பட்டுள்ளன. இதில் 62 லட்சம் பக்கங்கள் கொண்ட மின்னுருவாக்கம் செய்யப்பட்ட ஆவணங்களை செப்பனிடவும் மேலும் மின்னுருவாக்கம் செய்யவும். ரூ. 16 கோடி வழங்கப்படும்.

சென்னையின் மையப் பகுதியான எழும்பூரில் அமைந்துள்ள தமிழ்நாடு ஆவனக் காப்பக கட்டடம் 1909 ல் கட்டப்பட்டது. இதனை பாதுகாப்பதன் அவசியத்தை கருதி ரூ. 9.41 கோடி செலவில் தமிழ்நாடு கட்டடம் புனரமைத்து பராமரிக்கப்படும். கோளரங்கத்தில் வான்பொருட்களின் படங்களைத் தெளிவாகக் காண்பிப்பதற்கும், வானவில் நிகழ்வுகளின் இயங்குபடங்களை பொதுமக்களுக்கு கான்பிக்கும் வகையிலும் எண்ணிலக்க ஒளிப்படக் கருவி அமைப்புடன் திருச்சிராப்பள்ளி அண்ணா அறிவியல் மைய கோளரங்கம் ரூ. 3 கோடி செலவில் புதுப்பிக்கப்படும்.

மாணாக்கர்கள் மற்றும் ஆசிரியர்களின் கல்வி மற்றும் ஆராய்ச்சி திறனை ஊக்குவிக்கும் நோக்கத்துடன் நடத்தப்படும் தேசிய மற்றும் பன்னாட்டு கருத்தரங்குகள், மாநாடுகள், பயிற்சி பன்னாட்டு கருத்தரங்குகல், மாநாடுகள், பயிற்சி பட்டறைகள் ஆகியவற்றிற்கு வழங்கப்படும் நிதி ரூ. 5 லட்சத்தில் இருந்து ரூ. 25 லட்சமாக உயர்த்தி தமிழ்நாடு மாநில உயர்கல்வி மன்றத்திற்கு வழங்கப்படும்.

சென்னைப் பல்கலைக்கழகத்தின் அனைத்து வளாகங்களிலும் மகளிர் பாதுகாப்பு வசதி மையம் நிறுவப்பட்டு அதமூலம் பல்கலைக்கழகத்தின் 5 வளாககங்களிலும் சுமார் 150 சிசிடிவி கேமராக்கள் 24 மணி நேரமும் இயங்கும்படி ரூ. 1.50 கோடி மதிப்பீட்டில் செயல்படுத்தப்படும்.

அண்ணாமலைப் பல்கலைக்கழகத்தின் 90 ம் ஆண்டு கல்விச் சேவையை அண்ணாமலைப் பல்கலைக்கழகம் கொண்டாடும் இவ்வேளையில் சுமார் 4.80 கோடி ரூபாய் செலவில் 24000 சதுர அடியில் மையப்படுத்தப்பட்ட சிறப்புக்கருவிகள் மையக்கட்டடம் ஒன்று கட்டப்படும்.

அண்ணாமலைப் பல்கலைக்கழக மைய நூலகத்தில் உள்ள சுமார் 1,70,000 ஆவனங்கள் மற்றும் 3,16,000 புத்தகங்களுக்கு வானலை அதிர்வெண் அடையாளம் பொருத்தப்படும். இந்த நவீன தொழில்நுட்பமானது ரூ. 1.55 கோடி மதிப்பீட்டில் செயல்படுத்தப்படும்.

மக்களிடையே நெகிழி பயன்பாட்டைத் தவிர்ப்பதற்கும், தாவர நெகிழி பயன்பாட்டைத் தவிர்ப்பதற்கும், தாவர நெகிழி பயன்பாட்டை அதிகரிப்பதற்கும், அது தொடர்பான ஆராய்ச்சிகளை மேற்கொள்வதற்கும் அழகப்பா பல்கலைக்கழகத்தில் தாவர நெகிழி மையம் ரூ. 3 கோடி செலவில் அமைக்கப்படும்.

அழகப்பா பல்கலைக்கழகத்தில் தாவர நெகிழி மையம் தமிழின் தொன்மை, பண்பாடு மற்றும் வரலாறு இவற்றின் சிறப்புகளைப் பற்றி அனைவரும் அறியும் வகையில் அழகப்பா பல்கலைக்கழகத்தில் தமிழ்த் தொன்மை, பண்பாடு மற்றும் வரலாற்று மையம் ரூ. 1. கோடி மதிப்பீட்டில் அமைக்கப்படும். அழகப்பா பல்கலைக்கழகத்தில் கடல் மற்றும் நன்னீர்வளங்களிலிருந்து உண்ணக்கூடிய நுண்ணுயிரினங்களை கண்டறிந்து பாக்டீரியா தொற்று நோய்களுக்கு எதிரான தயாரிப்புகளை உருவாக்குவதற்கும், அவற்றின் தொற்று எதிர்ப்பு திறனை ஆராய்வதற்கும் ரூ.1 கோடியில் திட்டம் உருவாக்கப்படும்.

பாரதியார் பல்கலைக்கழகத்தில் நவீன தொழில் நுட்ப வசதிகளுடன் கூடிய புதிய நூலக கட்டடமும், ஆராய்ச்சி மாணவர்கள் பயனடையும் வகையில் உயிர்அறிவியல் துறைக்கு ஒரு புதிய கட்டடமும் ரூ.20 கோடி செலவில் கட்டப்படும்.  மகாகவி பாரதியின் வாழ்வியல் சிந்தனைகளையும் படைப்பிலக்கிய மேன்மையையும் அனைவரும் அறிந்து பயன்பெறும் வகையில் பாரதியார் பல்கலைக்கழகத்தில் உலகத் தரத்தில் மகாகவி பாரதியார் உயராய்வு மையம் மற்றும் அருங்காட்சியகம் ரூ.2.50 கோடி செலவில் அமைக்கப்படும்.

பாரதியார் பல்கலைக்கழகத்தின் மாணவர்கள் விடுதிகளிலிருந்து வெளியேறும் கழிவுநீரை மறு சுழற்சி செய்வதற்காக கழிவு நீரை சுத்திகரிப்பதற்கான கருவி ரூ.2 கோடி மதிப்பீட்டில் நிறுவப்படும். பாரதியார் பல்கலைக்கழகத்தில் நிதியுதவி பெற்ற ஆராய்ச்சி திட்டங்களை விரைவாக செயல்படுத்தவும், தொழில்நுட்ப பரிமாற்றம் மற்றும் சிறப்பு மனிதவள மேம்பாட்டிற்கு தொழில்துறையுடன் வலுமான தொடர்புகளை வளர்ப்பதற்காகவும் ரூ.2 கோடி மதிப்பீட்டில் ஆராய்ச்சி மற்றும் தொழில்நுட்ப மேம்பாடு மையம் நிறுவப்படும்.

பாரதியார் பல்கலைக்கழகத்தில் 7200 ச.மீ. பரப்பளவில் மூவாயிரம் உறுப்பினர்கள் அமரக்கூடிய ஒரு திறந்தவெளி பல்நோக்கு அரங்கம் ரூ.1.50 கோடி மதிப்பீட்டில் கட்டப்படும். பாரதியார் பல்கலைக்கழகத்தில் தனிச் சிறப்பு தொழில் ஆய்வக மையம், மின்தொழில் மையம், தொழில் முனைவோர் ஆலோசனை சேவை மற்றும் வெளிநாட்டில் வேலைவாய்ப்பிற்கான மையம் ஆகியவை கொண்டு ரூ.1.50 கோடி மதிப்பீட்டில் தொழில் கூட்டிணைவு மையம் அமைக்கப்படும்.

மேற்கு தொடர்ச்சி மலைகளில் அழிவின் விளிம்பில் உள்ள தாவர இனங்களை பாதுகாக்கும் வகையில் பாரதியார் பல்கலைக்கழகத்தில் 40,000 சதுர மீட்டர் பரப்பளவில் தாவரவியல் பூங்கா சுமார் ரூ.1 கோடி மதிப்பீட்டில் ஏற்படுத்தப்படும்.
பாரதிதாசன் பல்கலைக்கழகம், பல்கலைப்பேரூர் வளாகத்தின் பாதுகாப்பு கருதி 5.75 கி.மீ. நீளத்திற்கு ரூ.750 கோடி செலவில் சுற்றுச்சுவர் அமைக்கப்படும். பாரதிதாசன் பல்கலைக்கழக பல்கலைப் பேரூர் வளாகம், மற்றும் காஜாமலை வளாகத்திலுள்ள மாணவியர் விடுதிகள் ரூ.5.40 கோடி மதிப்பீட்டில் விரிவாக்கப்படும்.

மதுரை காமராஜர் பல்கலைக்கழகத்தின் மாணவர்களின் அயல்மொரி திறனை மேம்படுத்தவும், புதிய வேலைவாய்ப்பினை ஏற்படுத்தவும் ரூ.2.24 கோடி மதிப்பீட்டில் 300 கணினிகளுடன் கூடிய மொழி ஆய்வுக்கூடம் அமைக்கப்படும். மதுரை காமராசர் பல்கலைக்கழகத்தில் நோயெதிர்ப்பு, மூலக்கூறு உயிரியல், உயிர் தகவலியல், தடய அறிவியல் மற்றும் மனித மரபியல் போன்ற பல்வேறு ஆய்வுகளை மேற்கொள்ள ரூ.30 லட்சம் மதிப்பீட்டில் உயிர் மருத்துவ அறிவியல் புலம் உருவாக்கப்படும்.

மாணவர்களின் ஆராய்ச்சி கட்டுரைகள் மற்றும் ஆராய்ச்சியின் கண்டுபிடிப்புகளை அங்கீகரிப்பதற்கும், பலவகையான கருத்தரங்குகளின் மூலம் ஆராய்ச்சி முடிவுகளை வெளியிடுவதற்கும் மனோன்மணியம் சுந்தரனார் பல்கலைக்கழக வளாகத்தில் அதி நவீன வசதிகளுடன் கூடிய ஆய்வக கருவிகள் மையம் ரூ.3.10 கோடி மதிப்பீட்டில் கட்டப்படும்.

மனோன்மணியம் சுந்தரனார் பல்கலைக்கழகத்தில் தற்சமயம் 5 வருட ஒருங்கிணைந்த பட்ட மேற்படிப்பு ஆரம்பிக்கப்பட்டு சிறப்பாக நடைபெற்று வருகிது. இதன் மூலம் மாணவிகளின் சேர்க்கை எண்ணிக்கை அதிகரித்துள்ளதால் இப்பல்கலைக்கழகத்தில் ரூ.1.32 கோடி மதிப்பீட்டில் புதிய மகளிர் விடுதி கட்டடம் கட்டப்படும்.

மனோன்மணியம் சுந்தரனார் பல்கலைக்கழக வளாகத்தில் புதிதாக கட்டப்பட்டுள்ள மாணவர் விடுதியில் மாணவர்கள் எண்ணிக்கை அதிகமாக இருப்பதால் நவீன சமையலறையுடன் கூடிய உணவருந்தும் கூடம் ரூ.1.30 கோடி செலவில் கட்டப்படும். தருமபுரியில் உள்ள பெரியார் பல்கலைக்கழகத்தின் முதுநிலை விரிவாக்க மையமானது அதியமான் அரசு மேல்நிலைப்பள்ளியில் தற்போது செயல்பட்டு வருகிறது. இம்மையத்திற்கு காரிமங்கலம் பூமாண்ட அள்ளியில் ரூ.10.15 கோடி மதிப்பீட்டில் சொந்த கட்டடம் கட்டப்படும்.

பெரியார் பல்கலைக்கழகம் இதழியல் மற்றும் மக்கள் தொடர்பியல் துறை ஒருங்கிணைந்த 5 ஆண்டு முதுகலை பட்டப்படிப்பை அறிமுகப்படுத்தியுள்ளது. இத்துறைக்காக கூடுதல் தளங்கள் ரூ.5.30 கோடியில் கட்டப்படும். பெரியார் பல்கலைக்கழகம் மின் பயன்பாட்டில் தன்னிறைவு பெறும் பொருட்டு சுயநிலை தன்மைக் கொண்ட ஆற்றல் வளத்தை மேம்படுத்திக் கொள்ள பல்கலைக்கழக வளாகத்திலுள்ள அறிவியல் புலத்தின் கட்டடத்தில் 300 கிலோ வாட் திறன் கொண்ட மேற்கூரை சூரிய மின் நிலையம் ரூ.1.70 கோடி மதிப்பீட்டில் தமிழ்நாடு ஆற்றல் மேம்பாட்டு முகமை மூலம் நிறுவப்படும்.

பெரியார் பல்கலைக்கழகத்ில் உள்ள மாணவர்களுக்கான விடுதிகளில் கூடுதல் அறைகளுக்கான கட்டுமான மற்றும் புதுப்பித்தல் பணிகள் ரூ.1.53 கோடி மதிப்பீட்டில் மேற்கொள்ளப்படும். அண்ணா பல்கலைக்கழக மாணவர்கள் மற்றும் பணியாளர்களின் நலனை கருத்தில் கொண்டு அவ்வளாகத்தில் மூன்று அடுக்குகள் கொண்ட உணவக் கட்டடம ்ரூ.25 கோடியிலும் , இயந்திரவியல் துறை ஆய்வக உபகரணங்களை பாதுகாப்பாக வைப்பதற்கும், ஆருாய்ச்சி நடவடிக்கை மேற்கொள்ளவும் மூன்று அடுக்குகள் கொண்ட ஆய்வக கட்டடம் ரூ.12 கோடியிலும் கட்டப்படும்.

அண்ணா பல்கலைக்கழக கோயம்புத்தூர் மண்டல வளாகத்தில் மாணவ, மாணவிகளின் நலன் கருதி தற்போதுள்ள ஆண்கள் மற்றும் பெண்கள் விடுதிக் கட்டடங்களில் ரூ.3.50 கோடி செலவில் கூடுதல் தளங்கள் கட்டப்படும். அரியலூர் அண்ணா பல்கலைக்கழகப் பொறியியல் கல்லூரியில் உள்ள மாணவர்கள் விடுதிக்கு கூடுதல் தளம் கட்ட வேண்டியதன் அவசியத்தை கருதி அவ்விடுதி கட்டடத்தில் ரூ.2.20 கோடி செலவில் கூடுதல் தளம் கட்டப்படும். அண்ணா பல்கலைக்கழக மதுரை மண்டல வளாகத்தில் அகில இந்திய தொழில்நுட்பக் கல்வி குழும ஒழுங்குமுறை 2017-ன் படி மாணவர்களின் பயன்பாட்டிற்காக ஹைட்ராலிக்ஸ் மற்றும் பொருட்களின் வலிமை ஆய்வகத்திற்கான கட்டடம் ரூ.1.54 மதிப்பீட்டில் கட்டப்படும்.

அண்ணா பல்கலைக்கழக துறைகளில் நிர்வாகத்தை வேகப்படுத்த ரூ.1 கோடி செலவில் மின் ஆளுமை அமைக்கப்படும். இதனால் பல்கலைக்கழகம் மற்றும் துறைகளின் அன்றாட நடவடிக்கைகளை விரைவுபடுத்துவதோடு மட்டுமல்லாமல் இலக்கமுறை மயமாக்கல் மற்றும் தரவு பாதுகாப்பையும் செயல்படுத்த ஏதுவாக அமையும்.

இவ்வாறு அமைச்சர் கே.பி.அன்பழகன் அறிவித்தார்.