தற்போதைய செய்திகள்

திருப்பத்தூரில் தண்ணீர் சுத்திகரிப்பு நிலையம் – அமைச்சர் டாக்டர் நிலோபர் கபீல் திறந்து வைத்தார்

வேலூர்:-

திருப்பத்தூர் ஒன்றியம் பெருமாபட்டு கிராமத்தில் குடிநீர் பிரச்சினையை தீர்க்க போர்கால நடவடிக்கை மேற்கொண்ட
கழக அரசுக்கும், தொழிலாளர் நலத்துறை அமைச்சர் டாக்டர் நிலோபர் கபிலுக்கும் கிராம மக்கள் நன்றியும் பாராட்டுகளும் தெரிவித்தனர்.

திருப்பத்தூர் மாவட்டம், திருப்பத்தூர் ஒன்றியம் பெருமாபட்டு கிராமத்தில் 6000 த்திற்கும் மேற்பட்ட பொதுமக்கள் வசித்து வருகின்றனர்.

இந்த நிலையில் தண்ணீர் பஞ்சம் ஏற்படாத வகையில் முன் எச்சரிக்கை நடைவடிக்கையாக அப்பகுதி மக்களின் நலனை கருத்தில் கொண்டு மாவட்ட ஊரக வளர்ச்சி முகாமையின் திட்டத்தின் கீழ் 8 லட்சம் ரூபாய் மதிப்புள்ள சுத்திகரிப்பட்ட குடிநீர் நிலையத்தை தொழிலாளர் நலத்துறை அமைச்சர் நிலோபர்கபீல் ரிப்பன் வெட்டி திறந்து வைத்தார்.

24மணி நேரமும் இயங்கும் இந்த சுத்திகரிப்பு நிலையத்தில் பொதுமக்கள் தண்ணீர் பெற்று பயன் பெறுவர் என்பது குறிப்பிடத்தக்கது.குடிநீர் தட்டுப்பாடு வரும் முன்பே குடிநீர் பஞ்சத்தை போக்கும் வகையில் சுத்திகரிப்பு நிலையத்தை அமைத்து கொடுத்த அம்மாவின் அரசுக்கும் தொழிலாளர் நலத்துறை அமைச்சர் டாக்டர் நிலோபர் கபில் அவர்களுக்கும் கிராம மக்கள் பாராட்டுக்களையும், நன்றியையும் தெரிவித்தனர்.

தொடர்ந்து வேலூர் மேற்கு மாவட்ட கழக துணைச் செயலாளரும் தொழிலாளர் நலத்துறை அமைச்சருமான டாக்டர் நிலோபர் கபீல் குறைதீர்க்கும் மனுக்களை பொதுமக்களிடம் பெற்றுக் கொண்டு உடனடியாக அந்த மனுக்களின் மீது நடவடிக்கை மேற்கொள்ளுமாறு அதிகாரிகளுக்கு உத்தரவிட்டார்‌.

இந்நிகழ்ச்சியில் திருப்பத்தூர் ஒன்றிய கழக செயளாளர் சி. செல்வம், சரவணன் மற்றம் பொறுப்பாளர்கள் பொதுமக்கள் என பலர் கலந்து கொண்டனர்.